DABE 33:23 - Biblía Axweesantá Hhohho' ar Mungú 2004

²³ Daanduú tlahhoó Naftaliwo ina oó', «Aá Naftali, sla'aari aa háts diroge, yaamuuwók a bihhaá /uwa awa tlawtá Galilaya, bihhaá basko ay afiqoomár alhhe'eesoó tlawi.»

DABE 33:23 Iomraidhean Croise

IIMU/UUNGW 49:21

Naftali a adór tlaaqatír /an/anuus. Inós na/aá hho' gin laqwaal.

WARA'AMI 36:8

In aaxís ar du/ú do'ók, hhooeemaawók i wa/aminá' adór ma'aá yaae, mukók gin wahán.

WARA'AMI 90:14

Sla'aarirók ar warqawaakahe ti hatsis matlaatleero, as kahhó' atén uwa sabara/aan nee uwa saqwalaala/aan baraá hootangwrén sleémeero.

YEREMIA 31:14

Aníng kaahamuuser'eé' an aaxiís muruú wahhaara, muk'eé' nguri aaxiís hhooeemaaeene. Anuú AAKOÓ MUNGÚ tí ngina oó'.»

Matayo 11:28

«Qwalaasé' amor'eé' kuungá' sleémeero awa daawiimitá' nee awa huwa aa al iiloouúr, án kuungá' nu hungu/uús.

Matayo 4:13

Iri gixsár Nasaretír wa lóh iri hotángw áy gixsár Kapernaumu. Kapernaumu a gixsár afaá tlawtá Galilayár i dirii', baraá yaamaá Sebuluni nee Naftali.

Matayo 4:16

mukdá' aa hoot baraá giwtír wa ale gwa/aateemaá ur kaa ár. Nee kudá' naa baraá yaamaá geehhaantamoó gwa'arár wa hootiye', gwa/aateema ngaa i gwa/aatiyé'.»

DABE 33:24

Daanduú tlahhoó Asheriwo ina oó', «Inós ku tsuuqi ta na/ii sleémeero awa Yakobowo, hhaeewós ngu gurií ba/iye', ya'aawós di/i ngi adaraahiye'.