DABE 33:22 - Biblía Axweesantá Hhohho' ar Mungú 2004

²² Daanduú tlahhoó Daniwo ina oó', «Dani a na/oó diraangw, kudá' naa /akuut amór Bashanír wa ale.»

DABE 33:22 Iomraidhean Croise

1 QOM'I 12:35

Múk tlahhoó Dani a kume mibeeri tsár nee dakaát nee tsiire lahhoó', oo taa amohhe'ees as slaqwara.

YOBU 37:1

«Guruueé' hamí ma'aay ngwa dalaa/iyé' as muruuwí nee in tawo ni/ín.

ESEKIELI 19:2

Xáy, aayoorók a dirángw adoomá baraá tla/ángw direeraá hatlae. Ina hót baraá tla/eeraá direeraá batláy wa ale, na/iiwós giri /aymís.

ESEKIELI 19:3

Na/aywós oo wák guna amohhe'eemís, na/aywí iri dirángw yaqaamba tleehhiít oo /uuruú koóm. Slakat guri intsatsaáhh dír aayoorós wa alé. Tari dirángw múk uhiím.

YOSHUA 19:47

Múk tlahhoó Dani yaamuuín kiwa hayóh, inooín nina slaqwarár ayé' ay baraá gixsár Leshemu, mukdá' kuri baál slaqwaraaro, múk baraadá' sleémeero kuri hhaamiís, gixsadá' kari hayóh, ngari aaliyé' umuú gixsadá' nguri warqeesiyé', nguri bayé' Dani, umuú taatoó tlahhay'ín.

HAR'OHUUSE 13:2

Heeko wák i deer oo yaamaá Sora, inós oo tlahhoó Dani, umuuwós a Manoa, hareerós a kampeeri.

HAR'OHUUSE 14:19

Qeeruú AAKOÓ MUNGÚ Samson guri hatsiís, Samson iri /eét ay Ashkeloni. Múk mibeeri tám guri tsuú/, tlabaaín giri hayóh giri haniís dír mukdaádá' siníkarós gaa slay. Inós iri waátl ar mune ay amór doó baabuúwós.

HAR'OHUUSE 14:6

Qeeruú AAKOÓ MUNGÚ Samson guri hatsiís, Samson dirangwdá' gway karslamiís adór deelmoó leeír ar alé, slám ar dabaá tawo. Kaangwí Samson gwa ooiiká dír xwayliiteérose.

HAR'OHUUSE 15:15

Samson taqeesmoó daqwaay oo naá/ guri sláy, múk kumuú wák oo Filisti guri tsuú/.

HAR'OHUUSE 15:8

Giri ló'wa muúx, múk yaariír guri tsuú/, iri tláy iri hotaá áy baraá mar'ír tlaa/ár Etamu.

HAR'OHUUSE 16:30

Samson iri oó', «Xaa aníng ni gwaá' dinkwa nee múk Filisti.» Uheemidá' giri tliwií/ ar /uuruuwós sleémeero. Do'odá' inós guri i huú', dinkwa nee geeraharuusedár múk Filistiro nee muu sleémeero oo baraadií dirii'. Baalaadae múk aa tsuú/ ku ló'wa úr ta ak kudá' aa tsu/i qoomár iwa slafi.

HAR'OHUUSE 18:27

Inooín tidá' Mika aa tleéhh ngina ar tlayé' dinkwa nee kaahamusmoowós, nee inooín tay alhardáh Laishi, dír múk hoót ar yaandahhooa nee saxareema, kiri muúx ar paangadaá xaraaslá', gixsar'ín kay daá/.