DABE 33:20 - Biblía Axweesantá Hhohho' ar Mungú 2004

²⁰ Nee daanduú tlahhoó Gadiwo ina oó', «AAKOÓ MUNGÚ i xirfuuti, asma yaamaá Gadi kaa ureés, Gadi i mamahhamiit adór diraangw, kudá' daba' gi karslamiís nee ságw gweehhiím.

DABE 33:20 Iomraidhean Croise

IIMU/UUNGW 49:19

«Daqtá fisuuse Gadi guri /awa/awiín, ala inós gari guusa hhe'ees amór saáw i ale.»

IIMU/UUNGW 49:9

Yuda a adór na/oó diraangw. Makiito'oorók biringa ót, an kí/ baraá mar'i. An yaamií qát, tiri adór dirángw wa aldúx, adór dirángw /ameeni, heé qiítl a heemá naxwto.

1 QOM'I 4:10

Yabesi Munguú xoorór Israeli guri firín, iri oó', «Aníng na tsuuqáng, Munguú, nee yaamaá iintlaaxwá' aníng i haniisang. Kuúng masók a dinkwa nee aníng, nee muruú tlákw pa/asek dir'eene, kudá' slahh'amu ngu huúw.» Munguú tidá' inós aa firín gari haniís.

WARA'AMI 18:19

Ina ba/amís iri qaás dír wayduú koom, asma inós una sla'atís.

WARA'AMI 18:36

Loohir'eé' ana intlaaxwés dír geeraaeene, tam ya'aaeé' iga tunqalaa/iiká nikiitsaawo.

YEREMIA 2:16

Slám tam adoorihe múk Memfisi nee Tahpanesi slamángw sagós kwaa hayóh.

MIKA 5:8

Nee panaydá' aa meet baraá múk Yakobowo baraá tla/ángw xoorduuwo nee tsifrír yaariire, a adór dirángw baraá tla/ángw makaá sla/a, nee adór na/oó diraangw oo baraá tla/ángw daqtá bee/ángw i dirií', qoomár bira baraá tla/angw'ín ar waaraáhh, gin kal/án nee giri feehhamiis, tam harahhifór hee ngiwa ba/amisi i káhh.

YOSHUA 13:10

Gixsadu sleémeero awa Sihoni waawutmoó xoorór Amori, kudá' aa waawuti'in iimír Heshbonír wá ale ay digmuú xoorór Amori.

YOSHUA 13:8

Tlahhoó Reubeni nee oo Gadiwo nee tlaqtá hatlá' ar tlahhoó Manase yaamuuín awa aali kaa sláy, yaaér Yordaniro bihhaá da/aáw wá ale, ar adoodá' AAKOÓ MUNGÚ ngira oó' dír sagadiyusmoowós Mose.