DABE 33:2 - Biblía Axweesantá Hhohho' ar Mungú 2004

² Ina oó', «AAKOÓ MUNGÚ amór tloomár Sinai ngina daáhh, tina amór tloomár Seirír wa harati'iít, tina amór tloomár Paranír wa i gwa/aát, nina baraá tla/ángw malaykér yaariír wa ti'iít, nee asla ina ót gawaá dakós oo doó /iyáy wa ale.

DABE 33:2 Iomraidhean Croise

1 WAAWITÁ 11:18

Hadadi nee mukós tari tláy yaamaá Midianír wa ale, dír Paraniro mukko kuri didá wa artláy, tari alkoné' ay dír waawutmoó yaamaá Misri. Waawutmo Farao Hadadi guri muruú /aymaárií haniís nee do' nee yaamu.

WARA'AMI 50:2

Iimír baraá Siyoniro, gixsadá' ló'wa hhoohhoo', gwa/aateemaá Mungú i qwiirii/iyá' adór tsee/amá.

WARA'AMI 68:17

Gaardaá Mungú i /uuruú koná', ki ló'wa yaariir. Faaror'ín a kumér kúm. Aakoó Mungú nina Sinaír wa tláy, ay dirós tidá' hhoohhoo'.

WARA'AMI 68:18

Kuúng aga gáwtí tsa/aán, múk yaariír ugwa haasaáng wa húp. Qeemu ugwa sleér dír múk wa ale, eeít, tam mukdá' aa dee/aanuut ugwa qáy sleeme, AAKOÓ MUNGÚ i tla/angw'ín wá hoot.

TI'INAANGW 23:20

«Qaytsiít aníng malaykamo u geeraahúng wa ya/aáw as kuungá' nuwa xun, nee nuwa huwi ay baraá yaamuudá' naa amohhe'eés.

DANIELI 4:13

Qoomár niwa qaát gawaá qatanir'eé', iigu'utu una ár, malaykamoó Mungú nina aweér gawaá doorí wa alé.

HABAKUKI 3:3

Mungú naa hardáh i Temanír daahh. Inósudá' Hhoohhoó' i gawaá tloomár Paranír daahh. Xirfuuwós doori gina tuuntuúk. Tam yaamu niri hatsiyé' xirfuwose.

FAARO 10:12

nee múk Israeli loohaay guri iimu/ún amór xaanxoó Sinai wa ale. Huunkidá' iri sihhít baraá xaanxoó Parani.

Tlehhema'aá ya/Abuuse 7:53

Kuungá' tam hara'ayár Mose aga sleeri'i ar loohír malayke, ala tam adoorihe hara'ayaadá' aga oti'iiká.»

2 korinto 3:7

Hara'ayaadár Mose kana gooín gawaá parhheemaá tlaa/e, nee qoomár hara'ayaadá' kingiwa huúw, xirfuú Mungú iri geehhooúy. Xirfuudá' tam a xirfuú gaanslár waaraahha, ala tam adoorihe múk Israeli gitsee/aá Mose i qaytsitaro kaa aleeslayká as adoodá' gitsee/aawós iwa qwiirii/iya'. Ala hara'ayaadár gooi, tidá' gadiyeérós gwa'arár huwahuuw barnaxes xirfuú úr oo adór kwí gun koón,

2 korinto 3:9

Gadiyeédá' sakwasleemár alki/iit daandeemoorene barnaxes xirfuú úr oo adór kwí gu koón, xáy, gadiyeédá' atén ti ádbabaw tiwa gan'amií harafaari, xirfuuwós ku ak úreéke?

Galatia 3:10

Ala kudá' sleémeero tlehhma'aá hara'aya ngaa i tlintii'iye' kaa lu'ús. Asma Gooi i kat, «Heé tidá' sleémeero taa gooín baraá kitaábuú hara'ayár Mosewo ga alqaytsimitaaká nee ga iialooeemisaaká ku lu'usi.»

Galatia 3:19

Ala gár hara'aya kingisa haniís a milá? Hara'aya kingina doók daanduú al'axweesantadí alé as dakuús ngiwa laqaan, nee iwa kumit ay dír Kristo i hardihi. Inós an oo wák baraá xwaylár Abrahamu oo al'axweesantadá' gaa slay. Mungú hara'ayaarí gana haniís dír malayke. Malayke gari hanís dír muu.

Galatia 4:24

Muruuwí aa tleehharuut a slaqsaay. Asma /ameenaarí tsár a adór alqadaá tsár. Ar wák amór ni dahh a amór tloomár Sinai, nee na/aá i laqwaliin a lawaale. Tí an Hagari.

DABE 5:22

«Kaangwí an axweesanaydá' AAKOÓ MUNGÚ naa dír dinku'uumarhúng sleémeero wa axweés ar afór ur gawaá tloomár wa ale, baraá tla/ángw asltá wa ale, nee baraá huunki nee baraá ma/amír aa qipit, tam axweesantá aa doók i káhh. Axweesantí gari gooín gawaá tlaa/eedá' tsár awa parereehhayen ngiri dir'eéní haniís.

2 Tesalonike 1:7

Nee inós kuungaásingá' taa slahh'eemiís, nun amoohhooárí haniis, dinkwa nee atén. Adoorí in tleehharút qoomár Aako Yesu burkwa gawaá doorí wa geehhooeés, dinkwa nee malaykeerós ar aleesleemuú koom.

Ebrania 12:20

Asma inooín qitla kwaa aleeslayká as hara'ayaadá' kiwa báy, «Barnaxes hee tloomarí gaa kwatiít aqo kun tlaquut ar tlaa/e, tam makiito'o sleeme.»

Ebrania 2:2

Asma tam Axweesantadá' taa alki/iít nee malayke, a Axweesantá /uuruú koom. Nee umuúqo hee oo axweesantadá' gaa eeharahaariiká, laqaá oo gaa ilaiwawa/iiká, inós sakwasleema gari sláy adoodár inós wa hariim.

Yuda 1:14

Nee Enoki a heé faanqw alaá Adamuwo. Inós aari gana oó' daanduú mukwihe iwa kaahi, «Qaytsité', Aako naa hardáh nee malaykeerós ar hhohho' ar kumér kúm.

Geehhoeemaá 5:11

Aníng niri qaytsiít, afór malaykér yaariir ana axaás. Malaykeedá' kitangwduú aleesleemu gwa harwét, nee muruuduú tsiyáhh oo slaáf, nee bariiseedá'. Nee faaror'ín a kumér kúm.