DABE 33:17 - Biblía Axweesantá Hhohho' ar Mungú 2004

¹⁷ Xirfuuwós a adór oo awuú baris, xareemiiwós a adór kuqaá yaqaambuú saree/a, xareemidaádae inós xoordu gin tliwii/ ay alhhe'eesoó yaamu, inooín sleémeero gi ku/iyaá yaamií hardahaas. Efraimu xareemi ngi kon kume mibaangw, nee Manase kumér yaariir.»

DABE 33:17 Iomraidhean Croise

IIMU/UUNGW 48:19

Baabuúwós iri sií', guri báy, «Garmaaeé', aníng a xuú', inós sleeme a xooro, nee sleeme ku úr. Ala hhiyaawós kwí niiná ku ak úr ta inose, nee xwaylarós in xoorór yaariir tleehhít.»

1 WAAWITÁ 22:11

Baraá tla/angw'ine aarusmoó wák, Sedekia garmoó Kena'ana, xareemaá muqsla gina tleéhh, iri oó', «AAKOÓ MUNGÚ i kaahi, ‹Xareemikae kuúng múk Aramu un alií ki/ís nee kuri hhaamís.› »

1 QOM'I 12:31

Múk tlaqtá tlahhoó Manase a kume mibaá nee dakaát, múk taa tsawaár oo Daudi gu qaás baraá waawuti'iimárí ale.

1 QOM'I 12:32

Múk Isakari geeraharuuse a tsiire tsár, nee hhaeeín sleémeero awa ta ya/abiiti. Geeraharuuseerí xu'utír qom'i ga koón nee ka xuu' gár múk Israeli kus hariím tleehhamooro.

1 QOM'I 5:1

Mukwí an xwaylár Reubeni, garmoó baris oo Israeli (ala inós giisa guna dakuús, iringeé gari tleéhh, as iwa qaát gawaá qatantá baabuúwós nee /ameenír baabuúwós) hariímadá' inós tawa barismo kana haniís dír Yosefu garmoó Israeli. Gawaá adoorihe, tlahhaywós kwa harafariiká baraá tlahhay'ine, tawa oo garmoó baris.

1 QOM'I 5:2

Ala tlahhoó Yuda tam i /uuruú kona dír hhaeewose, nee tam waawituú múk Israeli ku tsawdaditi baraá tlahhoó Yuda wa ale, ala heé hariímár garmoó baris gaa oh a Yosefu.

1 QOM'I 5:23

Tlaqtá tlahhoó Manase tidár bihhaá da/aáw ar baraadá' wa hoot, inooín tana doogín iimír Bashanír wa tleemu ay Ba'al-hermoni, ay Seniri nee ay tloomár Hermoni.

2 QOM'I 18:10

Aarusmoó wák baraá tla/angw'ine a Sedekia garmoó Kena'ana, inós xareemaá muqsli gina tleéhh iri oó', «Gaarí an tidá' AAKOÓ MUNGÚ i kaahi, ar xareemiikae kuúng múk Aramu un bál, kway hhaamís.»

WARA'AMI 22:21

Afkú dirango aníng na ba/amisáng, nee dír xareemaá saree/aro.

WARA'AMI 29:6

Tlom'aá Lebanoni gin adoorí laaq, niri /akumitiyá' adór tsa/eeto, nee tloomár Hebroni a adór saree/ár batlito'o.

WARA'AMI 44:5

Wakuuseerén an baalaán ar /uuruuwók, ar /uuruú umuwoge in yaamaá harakala/aán.

WARA'AMI 60:7

Gileadi a te'eé', Manase a kwe'eé', Efraimu a baqmór sagw'eé', Yuda a hharte'eé' ar waawuti'iima.

WARA'AMI 92:10

Ala kuúng aníng iga /uurií hanís adór kuduú saree/a, ina slík ar di/tá /awak.

ISAYA 34:7

Sare/ kun tsuu/ dinkwa nee inooín, awér batlaay nee ar urene kiri tsuu/, yaamuuín niri naa/iyá' tseerduuwo, hhaper'ín iri wahhát as di/i.

ESEKIELI 34:21

Kuungá' bee/ángw slaqo tlákw un amoqár saáw i gusisiindá', nee un difá' ar xareemiihúng, nee sleémeero ugwa diya/é' amór saáw i ale.

DANIELI 8:4

Gwaanduwí una ár i slaaqw bihhaá /uwa, nee /iya nee basa. Tam makiito'ór gwa tlaampa'as i káhh, laqaá ar aa kotsqot dír /uuruuwose i káhh. Inós adoodá' i slai gana tleéhh, tina kilós xirfayeés.

HOSEA 5:3

Aníng múk Efraimu u xuú', tam múk Israeli dir'eene aa nahhaatiiká. Asma daxta kuungá' múk Efraimu a fuqusá', as adoorí inooín kaa meetagaás.

HOSEA 6:4

Israéli, aníng kuúng adór u laaq? Yúda, aníng kuúng adór u laaq? Asma sla'aarirhúng a adór tlaangír matlaatle, nee adór hara'uú tseewa huú'.

HOSEA 7:1

Qoomár bar múk Israeli u ba/amisár wa slaá', tlakweemaaín kingin geehhoees, nee tlehhma'aá tlakw awa Samaria kingin laqán, asma tin kilooín al/aginá', nee in fisisiná', tan darah baraá maraá muu tan fisiisín, nee amoqár tsee/aawo malguuse i muruú múk hayohiín ar /uuru.

FAARO 23:22

Munguúdá' gaa leehh baraá Misri, gin aleslaaqw ar /uuruuwós oo adór kuquú saree/a.

FAARO 24:8

Munguúdá' gaa leehh baraá Misri, gin aleslaaqw ar /uuruuwós oo adór kuquú saree/a. Xoordudaá wakuuseerós gin qororo'oos, faduuín gin giqáy, inooín giri tlaquut ar maheeriwós.

FAARO 26:34

Gaarí an gur'ér tlahhoó Manase. Hhawaate kilooín kiwa faár a kume mibeeri kooán nee tsár nee tsiire faanqw.

FAARO 26:37

Gaarí an gur'ér tlahhoó Efraimu, hhawaate kilooín kiwa faár a kume mibeeri tám nee tsár nee tsiire kooán. Gaarí an gur'ér xwaylár Yosefu.

YOSHUA 17:14

Múk tlahhoó Yosefu iri amór Yoshua káy kuri báy, «Ahaá asma waáy, ateéká' taa tsuúq nee AAKOÓ MUNGÚ tari adoorír tlahhaan, mista dír wákií ka'aás?»

YOSHUA 17:18

Ala yaamuuqaá tlom'aá koomá' daqaní a koohúng, hamí tam a darmuuwo. Gimsé', fiitsaak nee ki hayotá' iimír gayuuqá' wa tleemu ay kuqá'. Xooroodár Kana'ani tlatlahhasaak, tam inooín i /uuruú kon'a nee gaardaá muqslaro.»

1 SAMUELI 2:1

Hana iri firiín, iri ó', «Muunaáeé' i qwalalaa/ dír AAKOÓ MUNGUHE, AAKOÓ MUNGÚ un xirfayeemiís kuduú /uuruueé', aníng wakuuser'eé' ngari waaqaseém. Asma ba/amar'eé' ngiwa saqwalalaa/.