DABE 33:16 - Biblía Axweesantá Hhohho' ar Mungú 2004

¹⁶ Yaamuuwós tsuuqaá yaariire i hatsiye', ki tsuuqi ar tsuuqaá AAKOÓ MUNGÚ, kudá' taa geehhoees ar baraá kitkiintidá' asltá wa oh. Tsuuqaaká' sleémeero i hardihiye' dír múk Yosefu, inósuuduú geeraharusmoó hhaeewós.

DABE 33:16 Iomraidhean Croise

IIMU/UUNGW 37:28

Muko oo yaamaá Midiani oo múk tlaxuúm iwa waaraahhi, Yosefu kuri duúx baraá hhalaango, kuri weeriís dír múk Ishmaeli, ar shekeéli mibeeraá tsár. Inooín Yosefu kuri huúw ay yaamaá Misri.

IIMU/UUNGW 37:36

Ala mukduú yaamaá Midiani oo Yosefu gwaa tlaaxw kuna weeriís baraá yaamaá Misri, kuri tlaáxw nee heeko ta babay Potifa. Inós a geeraharusmoó úr oo askaárír Farao, waawutmoó yaamaá Misri.

IIMU/UUNGW 37:8

Hhaeewós nguri bayé', «Xáy, kuúng tin sa waawuti'iínda? Kuúng tin bála?» Kuri ló' wa aáhh as tlataawós nee axweesantós.

IIMU/UUNGW 43:32

Muruú /ayma kunguri amohhe'eés. Oo Yosefu kuna dimbé haniís, oo hhaeewós kuri dimbé haniís, mukduú Misri nee inós al/ayaayimá' kooín kuri dimbé haniís sleeme. Asma múk Misri nee múk Ebrania ta al/ayaayinká, a gár tlaakw dír múk Misriro.

IIMU/UUNGW 49:26

Tsuuqaá baabuúwók i /uuruú koná' ta /uuruú tlom'aá hotaatima'a, nee hhooár tlom'aá alhhe'eesay wasl. Tsuuqaká' i iwiitiye' gawaá ságw Yosefu nee gawaá gitsee/aawós, kudá' taa paraátl nee hhaeewós.»

WARA'AMI 24:1

Yaamu nee muruudá' sleémeero gaa hatsiis an daqaari'iimár AAKOÓ MUNGÚ, yaamu nee múk baraawós wa hoota a kós.

WARA'AMI 50:12

«Geeraawo bar aníng an qwariita, un qo ádbawaaká. Asma yaamu a kwe'eé', tam muruú daanduú yaamu a kwe'eé'.

WARA'AMI 89:11

Doori a kók nee yaamu sleeme, kuúng yaamu ina tléhh, nee muruú baraadií dirií' sleeme kuúng una iihháf.

TI'INAANGW 2:2

/Ameenidá' iwa tsít na/oó garma guri xwayluúr. Na/aydá' nguwa aán tawa na/oó ló'wa hhoohhoó', guri lú/ ay slahheeri tám.

YEREMIA 8:16

Afór farsuín aga axaasaán baraá Dani, kididihoó farsuín oo slaqwara yaamu sleémeero gaa diingiís. Nin hardihiyá' as yaamu nee umuú gaaro ngiwa hhitina', gixsa nee mukose ngiwa hhitina'.

FAARO 26:28

Tlahhoó Yosefu guruú doó Manase nee oo doó Efraimuwo a kwí:

Marko 12:26

Daanduú waasle/uú múk aa qatli, án kuungá' nu yaahaás, ‹Aga soomuusi'ikáhe baraá kitaábuú Mosewo, didár kángw kitkintiro?› Didae gár taa gooín a tí: Mungú Mose guna báy, ‹Aníng a Munguú Abrahamu nee Munguú Isaka nee Munguú Yakobo.›

Luka 2:14

«Munguú gawaá doorií dirií' i xirfuuti, nee wayda ni baraá yaamií hardihi dír mukdá' aa gurií baá/.»

Tlehhema'aá ya/Abuuse 7:35

«Mosewí an kudá' taa sií' qoomár kuwa babáy, ‹Heé kuúng ugwa qaas a heemá tawa geeraharusmo nee tawa har'ohusmoorén.› Ala inós an kudá' Mungú aa ya/aáw sleeme, as tawa geeraharusmo nee tawa heé muu gu tuú/. Qoomár Mungú tiwa dirósí geehhooeés ar loohír malaykamo dír kitkiintiro, malaykamoowí an kudá' inós gu alee/iís.

1 Korinto 10:26

Asma Gooi i kat, «Yaamu nee umuúqo gaaro ar baraá yaamií diriia a ar Aako.»

1 Korinto 10:28

Ala barnaxes hee kuungá' naa báy, «Gaarí kaa ilahhooár wa gaás,» kuungá' daqaní gadaádá' ma /ayaara', as heedaádá' ngaa oo', nee as haratlintaao.

Ebrania 7:26

Gawaá adoorihe Yesu an kaahamusmoó úr oo Mungú oo atén ti gaa wa buú'. Asma inós ku hhoohhoó'. Nee slám inós i tlakweemaá konká, nee i xaslxaanslír konká. Nee slám kwaa paraátl dír tlakuuseero, nee kwaa tsa/aás kway harwaarahhaás doori sleémeerowo.