DABE 33:12 - Biblía Axweesantá Hhohho' ar Mungú 2004

¹² Daanduú tlahhoó Benyaminiwo ina oó', «Sla'aaruusér AAKOÓ MUNGÚ. Inooín tan hoot ar amohhooa dirós wa ale, Munguú Gáwtí dirii' tlatla/aagw sleémeerowo gin harwediit nee sla'aarusmooín iri baraá tla/angw'ín wa hoot.»

DABE 33:12 Iomraidhean Croise

2 SAMUELI 12:24

Daudi hareerós Bat-sheba gari gurkwa/amís. Iri amór hareerós káy, inós tsiihaay guri sleér, na/oó garma guri xwayluúr. Na/aydá' Daudi guri umií tsaát guri báy Solomon. AAKOÓ MUNGÚ na/aywí guri slaá'.

2 SAMUELI 12:25

Inós Natani guri ya/aáw amór Daudi, as umuú na/aywí nguwa bay Yedidia as AAKOÓ MUNGÚ.

1 WAAWITÁ 12:21

Rehoboamu iwa Yerusalemuúrií hardáh, slaqwaruusér slaqwár ló'wa xuu' ar kume tsiiru nee mibeeraá dakaát gari burumbuúr, ar tlahhoó Yuda nee oo Benyamini, as tawa slaqwi nee múk Israeli, nee waawuti'iima ngiwa ki/isi amoorós inósuú Rehoboamu garmoó Solomon.

2 QOM'I 11:1

Rehoboamu iwa Yerusalemúy hardáh, inós slaqwaruusér slaqwara ga ló'wa baal ar tlahhoó Yuda nee Benyamini, gari burumbuúr. Dinkwaaro a kume tsiiruú wák nee mibeeri dakaát. Adoorí gana tleéhh as kahhó' tawa slaqwi nee tlahhi'iidá' mibaangw awa Israeli, nee as waawuti'iima ngiwa amoorós i ki/isi.

2 QOM'I 15:2

Inós iri tláy waawutmo Asa guri al'áy gway báy, «Aá waawutmo Asa, nee muu sleémeero oo Yuda nee oo Benyaminiwo, aníng iiárií qaasaré', AAKOÓ MUNGÚ a dinkwa nee kuungá', barnaxes kuungá' a dinkwa nee inós. Kuungá' bura leelehhé' u sleerá', ala bura geexeeré', inós sleeme kuungá' nu geexáy.

WARA'AMI 132:14

«Diirí an dir'eé' ar amohhoo' ar alhhe'eesoó koomaaká. Diirí an hoót asma aga waatlakweés.

WARA'AMI 60:5

Atén ti mu/aywats nee ti baalírí sleer ar /uuruuwók, as kahhó' mukdá' kuúng ta sla' kuwa ba/amis.

WARA'AMI 91:4

Un tuuntuuk ar hayowós, baraá guruú hhampe'eeriwose dír guwaay an sleér. Inkihhimuuwós an gaamboót nee baqmoó.

TI'INAANGW 28:12

Tlaa/eedá' tsaraawo kin qaas gawaá daanduú naifeéra, Aroni ngi tseegi gawaá sum'iiwós bir dír geeraá AAKOÓ MUNGÚ káy, as tawa inslaslángw tlahh'aá mibaá nee tsár awa xoorór Israeli.

ISAYA 37:22

AAKOÓ MUNGÚ waawutmoodá' gun babay, ‹Gixsár Siyoni tidár dasír maa/i kuúng una waaqá' uri niqiín, Gixsár Yerusalemu tidár adór dasír hhoohhoo' sagós guna mumukumís aluuwók wa ale.

ISAYA 37:35

Asma aníng gixsarí an xuúm nee an ba/amís daanduueé' wá ale, nee as daanduú sagadiyusmooeé' Daudi.› »

ISAYA 51:16

Aníng axweesante'eé' aga qaás baraá afkók nee ugwa luú/ baraá mahhtuú dakw'eé'. Doori ngiri hhaáf nee iihhafiirír yaamu ngiri qaás, múk Siyoni nguri báw, ‹Kuungá' an muk'eé'.› »

YEREMIA 12:7

AAKOÓ MUNGÚ i kaahi, «Aníng múk dooeé' ugwa sií', aníng mukduú aalir'eé' ugwa geexáw. Mukduú sla'aaruser'eé' ar muuná ugwa haniís baraá dabaá wakuuser'ín.

FAARO 34:21

Baraá tlahhoó Benyaminiwo a Elidadi garmoó Kisloni.

Matayo 23:37

«Aá Yerusalému, Yerusalému, kiídá' aaruusér tsu/aa/iim, nee mukdá' tinda amoorók i ya/aáw un tlaqwaaqút ar tlaa/e. A sagaáwa magá' án mukók nguwa dinkwárí burumburtá wa slaá', adoodár koonki tsiioorós ngir baraá hhaampi'iiwósií burumburaariin, ala kuungá' aga ya/aandi'iiká.

DABE 12:10

Ala qoomár yaaér Yordani barnaxes aga waarahhé', nee tari hotá' baraá yaamaá AAKOÓ MUNGÚ, Munguúhúng, i kuungá' i haniisi, nee qoomár burna hungu/uús, kuungá' mutunduwa dawitamiís nee wakuuserhúng sleémeero, tidá' kuungá' naa harwet, as kuungá' tawa hota' ar amohhooa,

DABE 32:11

Adór gwareesír doó na/iiwós xuum, tidá' harweeririim gawaá na/iiwós ar aleeró, hhampe'eeriwós ngiwa gwét, as na/iiwós ngiwa umiin, nee ngiwa hhaampi'iiwós ar gagariin,

DABE 33:11

Aá AAKOÓ MUNGÚ, /uuruuín tsuuqeek, nee gadiyér dabaaín ya/aameek, afeetlér wakuuser'ín giqaweek, kudá' inooín ngi ahhiitá' mindiwa malé sihhiitiyé'.»

DABE 4:37

Asma inós baabi'iihúng gina ló'wa slaá'. Inós kuungaásaá xwaylar'ín nuna tsawaár, inósuú kilá' nuri baraá Misrír wa duúx ar /uuruuwós kudá' úr.

HAR'OHUUSE 1:21

Ala múk Benyamini múk Yebusi kudá' baraá gixsár Yerusalemúr hoót ngwaa gusi'iiká. Múk Yebusi nee múk Benyamini tana alhotaatín Yerusalemúr wa ale tam ay laarí.

1 SAMUELI 10:20

Samueli tlahh'aá múk Israeli sleémeero giri saapiís, nee tlahhoó Benyamini kuri tsawaár.