DABE 33:10 - Biblía Axweesantá Hhohho' ar Mungú 2004

¹⁰ Nee na/aá Yakobo ngi intsaahhatisiye' kaahiroge, múk Israeli dabeeroge ngu intsaahhatisiye'. Mooyángw tsuú' nguri geeraawók i qaasiyá' nee ilahhooár da/a sleémeero gawaá kitaangók oo ilahhooa.

DABE 33:10 Iomraidhean Croise

2 QOM'I 26:18

ngway ilaa/iyé' mooyaangw da/to, ngway bayé', «Gaarí a gadiyeérogeeká, Usía, AAKOÓ MUNGÚ kuwa mooyángw i da/. Gaarí a gadiyér kaahamuusér Mungú ar tlahhoó Aroni, an mukdá' taa paraátl gadiyeérí wa alé. Diirí ka hhoohhoo', diirí geexaweek. AAKOÓ MUNGÚ ugwa sadakús, ilaiwa/amér ta sleer i káhh dirose.»

2 QOM'I 30:22

Waawutmo Hesekia múk tlahhoó Laáwi guri xirfayeés gay muunuú i qaás asma sluufmisuudá' nguna geerahariyé' ar sagalooár ur. Alaá deelo faanqw iwa waaráhh, nee muu /aymaro tawa hhe'eés, ilahhooár wayda ar muruú ta tsu/i nguri haniisiyé', AAKOÓ MUNGÚ, Munguú baabi'ii'ín, ngway sluufmiisiyé'.

ESRA 7:10

Asma Esrawí muunaáwós guna amór Mungú xu'ús, dabér AAKOÓ MUNGÚ ngiwa intsaatsahhi nee ngiwa tlehhiiti, nee kaahír Mungú ngiwa intsaahhatimisi baraá yaamaá Israeliwo nee tidá' ngwaa bayi.

NEHEMIA 8:18

Slám umuúqo baalaaro iimír iimu/úngw wa tleemu ay bál alhhe'eesáy aqo gana soomamuús baraá kitaábuú dabér Mungú wa ale. Inooín deelór ur kay tlehhiít, deelo faanqw, bál dakaate burumburiita kay tleéhh ar adoodá' kara oó'.

WARA'AMI 51:19

Daqaní kuúng tu sla'atis nee ilahhooár ganaa' ar muruú ta tsu/i, ilahhooár da/a ar slee kawa adoodá' alda/i. Daqaní awee kingi huuw dír kitángw ilahhooár Mungú ki duxaxin.

ESEKIELI 43:27

Alaá deeloorí faanqw bira waaráhh, bál dakaát nee deelór hi'iita kaahamuusér Mungú ilahhooár da/a nee ar wayda ngin haniisiyá' gawaá kitangwduú ilahhooa. Aníng kuungá' nu ya/aám. Anuú Aakoó MUNGÚ tí ngina oó'.»

HOSEA 4:6

Muk'eé' aa qwaár asma án ti xuiiká. Asma adoodá' kuúng án ira sí' xu'utiro aníng daxta kuúng u sií' tawa kaahamusmooeé'. Asma adoodá' kuúng hara'ayár Munguúwók kara geexeér, aníng sleeme na/iiwók i sií'.

TLAHHOÓ LAÁWI 1:13

Ala xooslár gura' nee ya'a' giri hamaatl ar ma'aay. Kaahamusmo sleémeero giri ád aldaa/ gawaá kitángw ilahhooa, tawa ilahhooár da/a. Ilahhooarí ta da/a/an ar asla slaahhareeriiwós AAKOÓ MUNGÚ nguri sla'atisiyá'.

TLAHHOÓ LAÁWI 1:17

Inós tsir/idá' gan hhampi'i oh, ala ga tla/a feehhisiiká. Naagáy kaahamusmo gari daa/ gawaá kitángw ilahhooa gawaá migíruuduú baraá asltá gawaá kitángw ilahhooa, tawa ilahhooár da/a. Ilahhooarí ta da/a/an ar asla slaahhareeriiwós AAKOÓ MUNGÚ nguri sla'atisiyá'.»

TLAHHOÓ LAÁWI 1:9

Ala xooslár gura' nee ya'aá makiito'oodá' ki hamaatli ar ma'aay. Kaahamusmo ilahhooadá' sleémeero ngi ád wa da/i gawaá kitángw ilahhooa as tawa ilahhooár da/a, ilahhooarí taa daá/ ar asla slaahhareeriiwós AAKOÓ MUNGÚ nguri sla'atisiyá'.

TLAHHOÓ LAÁWI 10:11

Slám xoorór Israeli an intsaahhatisa' kaahirí sleémeero naa hara'ayiimi dír Mose ale.»

TLAHHOÓ LAÁWI 16:12

Xooslmoó taa tleéhh ar tleei guri taataahh, guri gil'oodár gawaá kitángw ilahhooárí qaas, kuduú dír geeraá AAKOÓ MUNGÚ, nee tsa/a'aá tsár awa mooyángw taa xoosla hhe'eés. Inós ngiri huuw baraá guruú inqwaaridá' do' gwa tla/a qasis.

TLAHHOÓ LAÁWI 16:13

Inós mooyangwdá' ngun huuw dír geeraá AAKOÓ MUNGÚ, guri baraá ásltí qaas, nee quuír mooyangwdá' kitangwduú gurtleemu, kuduú gawaá sandakmoó alqado, guri tuuntúk. Adoorí ngi tleehhi as kahhó' miwa gwaá'.

HAGAI 2:11

«Anuú AAKOÓ MUNGÚ Aleesleemusmo a kah, kaahamuusér Mungú yaahasaak, yaahasarí ngi mu/aywatsiye'.

HAGAI 2:12

Hee bar fu'unaá hhohho' awa taa haniís dír Mungú, nga gagaár ar pasltá inqwaarirós, inós bar mikaáte gaa kwatiít ar pasltós tidá', laqaá fa/a, laqaá difaái, laqaá di/i, laqaá tam muruú /ayma gaalahe, xáy, muruú /aymaadá' kwaa hhoohhooeési?» Kaahamuusér Mungú iri ó', «Aasla'áy.»

FAARO 16:40

Gaarí an gurbu'utá múk Israeli, hee bar a kaahamusmoó xwaylár Aroniwooká, miwa daqáy dír kitángw AAKOÓ MUNGÚ kuwa ilahhooár mooyángw tsuú' i da/a/an. Bar adooriheeká aqo kun qwaarees, ar adoodá' Kora nee mukós kira hhaamiís. Adoorí sleémeero ina tleehharút adoodá' AAKOÓ MUNGÚ Eleasari ngura ádbáy ar loohír Mose.

FAARO 16:46

Mose Aroni guri báy, «Xooslomoowók taataahheek, asltadár gawaá kitángw ilahhooa ka gawaawós i qás, nee mooyángw tsuú' ku gawaá asltadá' i qás, ta'aaiím ar gaanslaay amór dinku'uumár muu, haraki/isa tleehheek as inooín. Buhhtaá AAKOÓ MUNGÚ naa hardihiyé', asma tiqtír pu/i aa qaroó iimu/uún.»

FAARO 7:50

Muruú taa huúw as ilahhooár da/a a kwí: Slooqoó wák oo taa tleéhh ar sahaábu, iilooeemaawós a graámu tsiiruú wák nee mibaangw, mooyángw tsuua kwaa dalaá/,

DABE 24:8

«Barnaxes hee i tiqtír tsatmitú kón, ti harmagahhe' ar adoodá' kaahamuusér tlahhoó Laáwi nura ádbeér. Adoodá' aníng inooín ngaa báw tleehhaak.

DABE 27:14

Múk tlahhoó Laáwi kaangwí ngu ilahaniisiye' dír múk Israeli sleémeero ar afór ur, ta ooi,

DABE 33:11

Aá AAKOÓ MUNGÚ, /uuruuín tsuuqeek, nee gadiyér dabaaín ya/aameek, afeetlér wakuuser'ín giqaweek, kudá' inooín ngi ahhiitá' mindiwa malé sihhiitiyé'.»

Ebrania 7:25

Gawaá adoorihe kudá' Mungú ngu i daqaqawá' ar loohír inós, inós gi ló'wa aleesláy ba/amisaro, asma inós i slafaafín daqisleém as ngiwa aleefiriirin.

Ebrania 9:24

Asma Kristo aa dahiiká baraá doó hhoohhoó' i alé, oo taa tleéhh ar dabaá muu. Asma do'wí taa tleéhh ar daba', an slaqsoó do'duú kilá' oo hhoohhoó'. Ala inós ina dáh gawaá dooraá kilá', as hamí iwa dír geeraá Mungú i dirii'i.

1 SAMUELI 2:28

Múk do'ós una tsawaár baraá tlahh'aá Israeli sleémeero tawa kaahamuuser'eé', iwa tsa/ana' didár kitángw ilahhooa kawa hanmamisi, nee mooyágw tsuú' nguwa tleesiyá' nee hiyaydá' ta bay naifeéra nguwa dahamisiya, dír geeraaeé' wa ale. Ahaá aníng ilahhooa sleémeero ar xoorór Israeli naa hanís dir'eéní ale ar loohír da/a/aangw aga hanisikáhe dír múk doó baabuúwók?