DABE 32:7 - Biblía Axweesantá Hhohho' ar Mungú 2004

⁷ de'emaá bál qaro inslawaak, kureeraá yaariir awa naa waarahhiye' aldakutaak. Baabi'iihúng yaahasaak, kuungá' tunduqo mu/aywaats. Bariiserhúng yaahasaak, kuungá' tundu ádbáy.

DABE 32:7 Iomraidhean Croise

WARA'AMI 10:6

I baraá muunaáwósí kaahi, «Án a hhaslitaaká, ti hingeesiiká, slahh'amu u slawaaká ay nángw naangw.»

WARA'AMI 119:52

AAKOÓ MUNGÚ, axweesantók tidár aáng taa kát bara insláw, aníng i gurkwa/amís.

WARA'AMI 44:1

Aá Mungú, atén kuúng ugwa axaasaán iiaarene. Bariiseerén ar qaro, muruú kuúng taa tlehhít qarti'ine ngwa diréní alki/iitiyé', tlehhmi'iidaá iimír bál qaro.

WARA'AMI 44:2

Kuúngú kilá' múk xoordaá hatlá' una tlatlahhás ar /uuruuwók, ala yaamuuín kiri mukók i dahás, xoordaá hatlá' kiri slahh'eemís, ala baabi'iirén kiri diihhooatís.

WARA'AMI 77:8

Sla'ariirók ar warqawaaká aa fáki ay alhhe'eesay wasle? Al'axweesantók tidár qari sleémeero aa warqeéri?

WARA'AMI 78:5

Asma axweesantós gana gawdeés dír múk Yakobo, nee dabe gana qaás dír múk Israelí alé, tidá' aa alqadín dír baabi'iirén, as na/ii'ín kiwa intsaahhatisi,

TI'INAANGW 12:26

Barnaxés na/iihúng naa yaahasiyé' iwa kaahiya', ‹Gaarí ta tlehhita' gídaabárós a milá?›

TI'INAANGW 13:14

Barnaxes balookaaro na/iihúng naa yaahasiyé', ‹Gaarí gídaabárós a milá?› ki beera', ‹AAKOÓ MUNGÚ atén tina baraá yaamaá Misrír wa tuú/, yaamaá lawaali'iima, ar dákw /uuruú koóm.

ISAYA 46:9

Muruudá' aáng aa tleehharuut inslawaak. Asma aníng a Mungú, Munguú hatlá' i kaahh. Aníng a Mungú, Munguú adór aníng i kaahh.

ISAYA 63:11

Aluuwo mukós de'emaá aáng gina insláy, kudaá sagadiyusmoowós Mose. Inooín tari oó', «Kudá' de'eemuusér bee/aangós gaa waarahhaas tlawto i amá? Kudá' Qeeruuwós oo hhoohhoó' gwaa baraá tla/angw'ín i qaas gaálaay?

DABE 4:32

«Axáy muruú aáng aldakutaak, muruú aa tleehharumiit qoomár kuungá' tunduwa laqwaliiká, iimidár aáng Mungú hee nguwa tleéhh gawaá daanduú yaamuwo. Yaahamiisé' yaamu sleémeerowo, bihhaaqá' wa iimu/umaak ay kuqá', barnaxes gár waa/oo/amo ar adór tí aa tleehharút laqaá kaa axaás!

DABE 8:2

Inslawaak adoodá' AAKOÓ MUNGÚ, Munguúhúng, nura geerahaár aaiidá' tleere tawa baraá xaanxár oté', afiqoomár kureeraá mibeeri tsiyahhe, as kuungá' nuwa múk iialoén tleehhi, nee munerhúng ngiwa iiari, as tidá' kuungá' ta aldakuta' baraá munerhunge ngiwa xui, nee axáy hara'ayaarós aga otí'i, laqaá aasla'áy.

HAR'OHUUSE 6:13

Gideoni iri oó', «Aáko, AAKOÓ MUNGÚ barnaxés i dinkwa nee atén, ahaá waáy adoorí atén mista sleér? Ahaá tlehhmi'iiwós kudaá waa/oo/amo aa tleéhh tindi alki/a/iti nee bariise i amoomá, tawa aain Aakoó Mungú ngina duúx baraá yaamaá Misrir wa ale? Ala hamí taa máy, taa haniís gawaá dabaá múk Midiani.»