DABE 32:47 - Biblía Axweesantá Hhohho' ar Mungú 2004

⁴⁷ Dabeerí a tlooraá taworooká dirhunge, ala an slafingwhúng oo kilá'. Kuungá' nu hotaá tleerá' ar eér baraá yaamuudá' ta aalír eera' amoodár gayuú yaaér Yordani.»

DABE 32:47 Iomraidhean Croise

AXWEESANOÓ SAGALOOA 3:18

Sagalooa a adór xa'anoó slafiingw dír múk gaa /atleesi. Heé amohhoó' a kudá' nee inós taa dabe oohiye'.

AXWEESANOÓ SAGALOOA 3:22

Inooín i slafíngw hhiintluuwók tleehhitiyá', nee tari adór kwaslaaslír gawaá istók.

AXWEESANOÓ SAGALOOA 4:13

Intsaahhatisarí ooheek, ma baloó alií kwahhaar, ooha hhe'eeseek, asma inós u slafíngw ar eér.

AXWEESANOÓ SAGALOOA 4:22

Asma /aymi'iiká' a slafiingw dír heé gaa axaasi, i maasoó hhoó' tleehhitiyá' baraá slaqwtá heewo.

ISAYA 45:19

Aga axweesiiká ar naaqo baraá yaamaá giwtír wa ale. Aníng xwaylár Yakobo aga bawiiká, ‹Aníng leelehharé' tawo ale.› Aníng a AAKOÓ MUNGÚ kudá' looeemaá káh aníng muruú ganaá' un oiím.»

TLAHHOÓ LAÁWI 18:5

Gawaá adoorihe daber'eé' na oohaak nee kaahir'eene as tawa hota'. Aníng an AAKOÓ MUNGÚ.

AMOS 5:4

Kuungaá múk Israeli, AAKOÓ MUNGÚ nun babay, «Aníng leelehharé', daqaní a slafá'.

Matayo 6:33

Ala waawuti'iimarós na geerií leelehhaak, nee gan'amuuwose, daqaní muruusuú hatlá' kungu dook.

Tlehhema'aá ya/Abuuse 7:38

Qoomár muu iwa burumburiít baraá xaanxaywo, Mose ina sihhiít tla/ángw bariiseerén nee malaykamo, kudá' aa axwees nee inós gawaá tloomár Sinaír wa ale. Inós axweesanoó slafiingw nguna ilaaóh, as nguwa atén i haniisi.

DABE 30:16

Barnaxes hara'ayár AAKOÓ MUNGÚ, Munguúwók aga ilaiwá/, tidá' laarí ni kuúng babaw, kuúng AAKO MUNGÚ Munguúwók kuri slá', loohirós kari eehát, kaahirós kari ót, nee dabeerose, nee hara'ayarose, kuúng daqaní a hót tari doogiín. Nee AAKO MUNGÚ, Munguúwók, kuúng turi tsuuq baraá yaamuudá' tay hotaá eer as kiwa al.

DABE 31:13

Nee as na/ii'ín kudá' aáng ngi xua'aaká ngiwa axaasiya' nee ngiwa intsaatsaahhiya', nee AAKOÓ MUNGÚ, Munguúhúng nguwa ilaiwawa/iya' qooma sleémeero ar tawa hota' baraá yaamuudá' ta aalír eera', yaamuudaá gayuú yaaér Yordani.»

DABE 33:25

Koo/ír do'ók a muqsla nee muqslár sirdaa/aten, kuúng a waydúr hót daqisleém.

DABE 4:40

Gawaá adoorihe, kaahirós nee hara'ayaarós oohaak, tidá' laarí aníng naa haniís dirhúng as diihhooa kawa sleera', kuungá' dinkwa nee na/iihúnge, as kahhó' tawa hota' deelór yaariire baraá yaamuudá' AAKOÓ MUNGÚ, Munguúhúng ni kuungá' i haniisi ay alhhe'eesay wasle.»

DABE 4:6

Dabeerí nee hara'ayaro oohaak, ka boo/esá', asma adoorí bara tlehhé', xoordaá hatlá' kaahirí birnga axaasiyé', inooín ngiri tsaahhiyá' adór kuungá' tar múk sagalooár koóm nee fuquraango, tari ooi, ‹Tí ar tsuwa ló' xooroorí ur sagalooa nee fuqurango ngi koná'.›

DABE 8:3

Nuna ala qwárkwí máy as tiwa niinaweesa', aluuwo muruú /aymaadá' ta bay maána nguri haniís, muruú /aymár kuungá' ta baloó xua'aaká, laqaá baabi'iihúng sleeme ngwa xui'iiká. Adoorí gana /iís asma nuwa intsaahhatisi, adór hee ir hootiiká ar muruú /ayma kilós, ala aqo ar axweesantá amór AAKOÓ MUNGÚ daahh.

1 Timoteo 4:8

Asma slaqwa iwa intsahhaan neetoro as /uuru nguwa sleer, a gár qoom. Ala qeeru iwa intsahhan ilaiwa/amér Munguhe, an ak gár hhoo' kángw kilá' wa ale. Asma adoorí bara tléhh, al'axweesantá slafingwí i deer, nee ar slafingwdá' aluú wa hardáh sleeme.

2 Petro 1:16

Asma atén tiitár tawo ar sagalooa aga eeharaharaaniiká qoomár atén kángw /uuruú Aakoorén Yesu Kristo nguwa dirhúng i alki/iitaán, nee kángw ki/imaawós. Ala atén awa kilá' inós una araán ilaarene, nee xirfuuwós oo munguiima.

2 Petro 1:3

Mungú atén tina ateét ar xirfuuwós nee /uuruuwós. Inós atén nguri xuaán. Aluuwo inós mura' sleémeero nguri atén i haniís ar /uuruuwós kuduú munguiima, muruudá' sleémeero atén ta sla'aan as tawa hootaan ar slafíngw Mungú kuwa ilaiwawa/aan.

Geehhoeemaá 22:14

Múk amohhoó' an kudá' inqwaruuín gu hhuuntsiít, as kahhó' inooín tawa harín mamaá xa'anooduú slafiingw kiwa /ayi, nee tawa baraá gixsadií dahi ar afeerós.