DABE 32:41 - Biblía Axweesantá Hhohho' ar Mungú 2004

⁴¹ Barnaxes paángar'eé' ar qwiirii/ aga aandé', nee dakw'eene sakwasleema aga tleéhh, aníng li/aay u buú' dír wakuuser'eé'. Mukdaádá' aníng i ahhiít u sakwasleemuút.

DABE 32:41 Iomraidhean Croise

WARA'AMI 149:9

Sakwasleemadá' taa inooín i gooín kawa tleehhi. Gaarí an tlehhmuú mukós gu xirfuú i sláw. AAKOÓ MUNGÚ xirfayeemisaak!

WARA'AMI 31:23

AAKOÓ MUNGÚ sla'aak, kuungaásingá' sleémeero awa mukós oo hhohhó'. AAKOÓ MUNGÚ mukdá' inkihhimuú koom gun amohhe'emiis. Ala kudá' sagegawden gin doohhiis ar qoomoó hariímar'ín.

WARA'AMI 7:12

Hee barnaxes aa hhu'u'uniiká, Mungú paánga ga duuq, ga/aleerós ga mahángw i qaas, ga amohhe'ees tsaxaararo.

WARA'AMI 7:13

Inós xooslár slaqwara gaa amohhe'eés, nee maheerá qarko.

TI'INAANGW 20:5

Kuúng slaqsi'iidá' mi i tumbarara'amitaar, laqaá mi sluufmisuú awaar, asma anuú AAKOÓ MUNGÚ, Munguúwók, a Mungú da/tá koóm, kudá' li/oó tlakweemaá xwayliité tidá' aníng i ahhiit gu dír na/ii'ín buú' tam ay nángw sagaáwa tám laqaá ay tsiyáhh.

ISAYA 1:24

Gawaá adoorihe, Aako i kaahi, AAKOÓ MUNGÚ Aleesleemusmo, kudá' wák /Uuruú koóm oo Israeli, «Aníng wakuuser'eé' an i xaraásl, nee wakuuser'eé' ngay li/áy buú'!

ISAYA 27:1

Baalaadae AAKOÓ MUNGÚ makiito'odá' ur ta bay Lewiatani gan muux ar paángarós tidá' yaangariir xaraasl. Inós i ni/iín baraá tlawtá wa ale, a dayshamoó úr oo baraá tlawtá hoót.

ISAYA 59:18

Wakuuse ga muux har afiqoomoó tlehhmi'ii'ín. Buhhtaawós nee li/aywo gin buu' gawaá wakuuseerós, tam múk ayeemaá afaá tlawi sleeme gun muux.

ISAYA 66:16

Asma AAKOÓ MUNGÚ sakwasleema ga tleehh ar asla, muu sleémeero gwaa muúx ar paánga. Múk AAKOÓ MUNGÚ i daasli ku ló'wa yaariír.

ISAYA 66:6

Áx gimsé' iia qaasaak, tsimaahhi i baraá gixsa. Afo i baraá doó Mungú, afór AAKOÓ MUNGÚ wakuuseerós ngiwa li/áy bu'un.

YEREMIA 44:26

Gawaá adoorihe axweesantá AAKOÓ MUNGÚ iiárií qaasaak, kuungaá múk Yuda sleémeero kuká' baraá yaamaá Misrír hoót. Anuú AAKOÓ MUNGÚ a kah, «Ga/aawaak, aníng lo'o aga /aáy ar umuueé' oo úr, nee a kah, heé Yuda oo yaamaá Misrír hoota oo káh, ‹Adoodá' AAKOÓ MUNGÚ ir hotaatin.› I kaahh tumu wák.

YEREMIA 50:18

Gawaá adoorihe, AAKOÓ MUNGÚ Aleesleemusmo, Munguú múk Israeli, i kaahi, «Aníng waawutmoó Babuloni un muúx nee yaamuuwose, adoodá' waawutmoó Ashuru ngura muúx.

YEREMIA 50:28

«Iia qaasaak, inooín naa /akumiitiyé', naa kotsqomitiyé' baraá yaamaá Babulonír wa alé, ta baraá Siyonír wa kángw ilaharmiis adór AAKOÓ MUNGÚ, Munguúrén li/aay ngura buú', li/aay as Do'ós kudá' hhoohhoó'.

YEREMIA 50:29

«Múk ga/ale tlaqutuwo ga xuú' ateetaak as Babuloni kawa i haratlay, umuú heé mahaangw tsaxaararo gu xuú' huwaak. Gixsa harweeraak asma hee miwa /akuút. Li/aay buaak ar qoomoó tlehhmi'iiwós adoodá' múk hatlá' ngway tlehhít ti tlehhe', asma inós ina daara/aán, AAKOÓ MUNGÚ, kudá' hhoohhoó' oo Israeli guri waaqá'.

ESEKIELI 21:20

Lohduudá' paánga ir waarahh laqameek, ar wák tidá' hardáh dír gixsár Raba tidár múk Amoni, nee ar hatlá' laqameek ar amór gixsadár Yerusalemúr kaw, tidár yaamaá Yuda tidár koo/i gawit.

ESEKIELI 25:14

Muk'eé' oo Israeli un aleesleemuú i haniís oo li/ay nguwa buiya' dír múk Edomu, inooín adoodá' buhhtaaeé' i dirii'iya' ngi tleehhiyá' dir'ín i alé. Múk Edomu ilooeemaá li/aydá' aníng ni buu' giri tsaahhh. Anuú Aakoó MUNGÚ tí ngina oó'.»

ESEKIELI 32:10

As adoorí xoordu niri kwisliitiyá', waawitá iri da'ayuut qoomár aníng paángar'eé' baraá mamukuús geeraaín wa alé. Umuú daqto tari daaraax, umuú heewo slafiingós gun /iimiis, baalaadár huu'umaawoge.

NAHUMU 1:2

AAKOÓ MUNGÚ a Munguú da/usmo nee oo li/usmo, ga slaiiká munguú hatlá' kuwa sluufmiisi, AAKOÓ MUNGÚ i li/oó bu'ún, nee i xaaraasl kángw kilá' wa alé, AAKOÓ MUNGÚ li/aay gu buu' gawaá daanduú wakuseerós nee xarasleemawós gin amohhe'eemaamiis as wakuuseerós.

SEFANIA 2:12

Kuungá' múk Kushi sleeme tundu tsuu/ ar paángár AAKOÓ MUNGÚ.

FAARO 10:35

Umuú daqto qoomár sandakmo bur ku ar tlatláy Mose in ooi, «Aá AAKOÓ MUNGÚ, tlawáng wakuuseerók diya/eek, nee kudá' u ahhiitá' i geeraawók wa guwiye'.»

Marko 1:2

Adoodá' baraá kitaábuú aarusmo Isayuwo kara gooín, «Ga/aaweek, ya/abusmooeé' u geeraawók wa ya/aáw, oo loohirók ga amohhe'eés.

Rumi 1:30

tari /ayseenaá tlaáq, Mungú kuri aáhh. Inooín tari fahharuumiít, nee daara/uuse, nee múk ti kilooín xirfayeemiís, múk lohdaá tlehhma'aá tlákw leelehhiít, múk xwaylitér'ín iialooeemisaaká,

Rumi 8:7

Asma heé heeuumarós ar tlakweema ga eeharahár, inós nee Mungú a wakaari. Asma heeuumarós hara'ayár Mungú ga iialooeemiská, nee slám ga aleesleeraaká iialooeesaro.

DABE 32:35

Li/aay a kwe'eé', heé gu buú' a aníng, qoomár ya'aaín birna ninkiritsimitiyé', asma deelor'ín ar amotlakwe naa xeér, alhhe'eesay'ín naa tseewúy.

DABE 5:9

«Kuúng slaqsi'iidá' mi i tumbarara'amitaar, laqaá mi sluufmisuú awaar, asma anuú AAKOÓ MUNGÚ, Munguúwók, a Munguú da/tá koóm. Kudá' li/oó tlakweemaá xwayliité' tidá' aníng i ahhiit gu dír na/ii'ín i buú' tam ay nángw sagaáwa tám laqaá ay tsiyáhh.

DABE 7:10

Ala mukdá' sleémeero inós gu ahhiít, muxtaaro i baabaqasiiká.

2 Timoteo 3:4

múk múk sakikií/, múk siduuse nee daar/uuse, múk muruú baraaká' yaamu gu ak slaá' ta Munguhe.