DABE 32:31 - Biblía Axweesantá Hhohho' ar Mungú 2004

³¹ Looeemaawo tlaa/ar'ín an adór tlaa/areneeká, tam wakuuseerén adoorí gana kilooín ó'.

DABE 32:31 Iomraidhean Croise

ESRA 1:3

Umuúqo heewo kuduú kós baraá tla/angwhunge, masók Munguú i dinkwa nee inós, nee i tsa/an ay Yerusalemu, baraá yaamaá Yuda, Doó AAKOÓ MUNGÚ nguwa tleehhi, Munguú Israeli, inós an Mungú baraá Yerusalemuro.

WARA'AMI 18:31

Mungú a heemá, aqo har AAKOÓ MUNGÚHEÉKE? Baqmoórén a heemá, aqo har Munguúréneéke?

TI'INAANGW 14:25

Ya'aá gaarduuín giri hhitín, gaardu nari hi'iimitiyé' ar tseegamis, múk Misri iri oó', «Gusé', a guwaán geeraá múk Israeli wa ale, asma AAKOÓ MUNGÚ i barti'ín wa slaaqw amoorén i ale.»

TI'INAANGW 8:6

Naagáy Aroni hhartós gari looloqoós gawaá ma'aay sleémeero awa yaamaá Misri, aamaxupa niri ti'ít, yaamaá Misri giri tuuntúk.

ISAYA 31:9

Waawutmooín kuduú adór tlaa/a iri /akuút daeero, nee geeraharuuseerós bendeérar'ín gari geexeér as dae. Adoorí AAKOÓ MUNGÚ gan kah kudá' asltós baraá gixsár Siyonír wá oh. Kudá' asltós ar gufteeri baraá gixsár Yerusalemúrií dirii'.

YEREMIA 40:3

Hám daxta AAKOÓ MUNGÚ tidá' sleémeero aa káh gaa boo/eés, asma kuungá' inós una sadakusé', nee afoorós aga iialooeesi'iiká, an gár muruuwí nusa sláy.

DANIELI 2:47

Waawutmo Danieli guri báy, «Ar ló', Munguúhúng ku úr ta munguaá hatlae, nee a baalusmoó waawitá, kángw baraá naaqo gu aleesláy geehhooeesaro, asma kuúng kángw naaqoorí ugwa aleesleér geehhooeesaro.»

DANIELI 3:29

«Gawaá adoorihe aníng hamí an kah, umuú tlahhaywo nee umuú xoorooro nee umuú tsifriro ar múk /aymuú harimaaká gu oo' daanduú Munguú Shadraki nee Meshaki nee Abednegowo, xoorór adoorí mukós kun supín tay kaeemaá dimbadimbé, maray'ín tay taangu. Asma Munguú hatlá' oo hee gu aleesláw ba/amisaro ar loohír adór tí i kaahh.»

FAARO 23:23

Ar looeemawo múk Yakobo da/aluuse gu baqká, tam qwaslaare sleeme múk Israeli gu aleesleeraaká. Hamí daxta muu iri ooi daanduú múk Israeliwo, ‹Qayté' waa/oo/amór Mungú aa tleéhh!›

FAARO 23:8

Heé Mungú aa lu'usiiká adór ngur lu'us a adoomá? Heé AAKOÓ MUNGÚ aa tli/isiiká adór ngur tli/is a adoomá?

1 SAMUELI 2:2

«Munguú hatlá' oo hhoohhoó' adór AAKOÓ MUNGÚ wa alé i kaahh. Asma oo hatlá' oo adór kuúng i kaakaahh, tam tlaa/ár adór Munguúrén i káhh.

1 SAMUELI 4:8

A tsaxwaarén! Heé atén ti ba/amís baraá dabaá munguaá aleesleemuú kooma'a a heemá? Munguiiqá' an kudá' múk Misri ngwa faakiye' tsu/utaaro baraá xaanxáy ale ar muxtár da'aweemaá dimbadimbé.