DABE 32:25 - Biblía Axweesantá Hhohho' ar Mungú 2004

²⁵ Tsee/aawo slaqwara gi fák, nee baraá guruú do'o dae gi fák. Masoombár daaqaay nee dasuú /amaatliiteero i hhaamiís, tam na/aá du'uumá' nee bariisér sage /awake.›

DABE 32:25 Iomraidhean Croise

2 WAAWITÁ 7:5

Gawaá adoorihe, qoomár looa iwa dát, inooín tari tláy, ay dír xafoó múk Aramu, ala tawa didií hardáh, naxés heé ta didií áy i kaahh.

2 QOM'I 36:17

Gawaá adoorihe, AAKOÓ MUNGÚ waawutmoó Kaldayo guri amor'ín i tleés. Inós masoombar'ín gari tsuú/ baraá guruú dooín kudá' hhoohhoó' i aleeró, slám hee tumu wák oo taa gurtláy i kaahh, tam dasi laqaá garma, laqaá heé aa din, laqaá oo liitlakusmo. AAKOÓ MUNGÚ muu sleémeero guna haniís gawaá dabaá waawutmoó múk Kaldayo.

ISAYA 30:16

Kitangose kuungá' tari oé', «Aasla'áy! Atén an /akumitaán ar farasuú ti'ii'íngw baál.» Kuungá' aqo ta'aaiindá', tari malé oé', «Atén makaá ti'íingw baalá' tinar tiaainá'.» Gawaá adoorihe mukdá' kuungá' nu gusisiím, ti'iingo kuungá' nu baa/.

YEREMIA 44:7

«Ala hám daxta anuú AAKOÓ MUNGÚ, Munguú Aleesleemusmo, Munguú Israeli a kah, ahaá waáy, baré kuungá' ti kiloohúng amotlakweerí yaariírí huwaahubá' adoorír alé, baré ti kiloohúng hhaamisá', kuungá' hhawaate nee /ameenaaro, masoomba nee na/aá qaweerowo, tam panmo iri meetiiká baraá yaamaá Yudawo?

YEREMIA 44:8

Ahaá waáy, gár muner'eé' kas duxuunda' as munguaá hatlá' kiwa fiririindá', kudá' taa dabaahúng ar tlehhité', nee kiwa mooyángw tsuú' i da/a/aanda', munguaá yaamuuká' ta hota' awa múk Misri? Xáy, kuungá' tunduwa hhaamisi an sla'á'a nee tawa múk ta lu'umisi nee tari múk ta waaqaaqai nee xoordu sleémeero awa daanduú yaamu?

YEREMIA 9:21

«Asma gwa'ara naa baraá marayrénií dát ar pa/eeri, gwa'ara naa dát baraá marayrén, na/ii gina baraá lohdií tsú/, nee masoombarén gana tsú/ baraá tla/ángw gixsa.»

WA/AA/I 1:20

«Aá AAKOÓ MUNGÚ, ga/aaweek, adór aníng nir baraá slahh'amuú i dirií', guruueé' /ur/uri gwa eér, muuná i ló'wa amoqwaqwadín, asma aga ló'wa dee/aanuút. Baraá lohduuwo muu ku tsuu/, baraá do'o muu i qaatl.

WA/AA/I 4:4

Afér na/aá ninakw aa kahaakát waxeero, i mak muruú /aymár firiiriná' ala heé gi qáw i kaahh.

ESEKIELI 7:15

«Heé tsee/aá gixsár i dirií' ku gaas ar paánga, nee baraá gixsaro tiqtír pu/i nee qwari muu ngun faakiyá'. Múk baraá qamu ta qaatl ar paánga, kudá' baraá gixsár i diriiá' kin hhaamiis nee qwari nee tiqtír pu/i.

HOSEA 11:6

Gixsaduín ki qwaarees ar slaqwara, nee afér maray'ín kari giqáy ar paangadu, inooín kiri hhaamiis, baraá guruú koo/ir'ín tidá' gawit.

HOSEA 9:12

Tam bir na/ii'ín umina'a, aníng na/ii'ín i slafíngwí geexawaaká tam oo wák. A tsaxwaaín bál bira kilooín geexáw.

HOSEA 9:16

Múk Israeli kwaa muúx, dee/aruín aa káh, mamu ngi laqwaliaaká. Tam na/ii ngi laqwaalia, aníng na/ii'ín kudá' i sla'aa'ana' in tsuú/.

TLAHHOÓ LAÁWI 26:25

Nun paángárí huúw as li/oó alqador'eé' tidá' taa geeqeeré' nguwa buu'. Kuungá' bara gobé' baraá gixsaduhúng, ala nuri tiqtír tlákw i kwaáhh, nee nuri baraá dabaá wakuuserhúng i qaás.

MIKA 6:14

A /ayiindá', ala a axa'aaká, qwarkuhúng i tsauyká. Kuungá' mura' u koondá' ala tum loohatisa'a amohhe'eesaro u aleesleera'aaká. Tam ugwa aleesleeri'i xuumaro, aníng u qwaareés ar slaqwara.

2 korinto 7:5

Tam qoomár atén niwa hardahaán yaamaá Makedoniár i aleeró, amohhooa aga slawaaniiká. Ala atén slahh'amu una slawaán umuúqo bihheero. Tsee/aawo gár dáw a gila, baraá muneerene gár dáw a dae.