DABE 32:24 - Biblía Axweesantá Hhohho' ar Mungú 2004

²⁴ Inooín qwari gi hhaamiis, nee duuraai gin fák, i tiqtír tlákw i kwaáhh. Aníng i makaá xaraaslá' i tleés, nee dayshér qarkú koom, tidá' gur'ér ar hi'imiit.

DABE 32:24 Iomraidhean Croise

IIMU/UUNGW 3:14

AAKOÓ Mungú dayshamo guri báy, «Asma adoosíng kawa tléhh, kuúng taa lu'ús ta makaá ta de'en sleémeero, nee ta makaá sla/a sleémeero. An gurúr mandrooqomít, teeri an /ák, baraá slafiingók sleémeero.

IIMU/UUNGW 49:15

Birnga ár adór didár hungu/uusa kar hhoohhoó', nee adór yaamu ir ganaaiyá', in ya/án huwa kawa sum'ií qaasi, nee inós gadiyér lawaali'iima gari tleehh.»

YOBU 20:16

Heé tlaákw gár i du'un a qarkú dayshamo, kun kiihh nee dayshamo, iri gwaa'.

WARA'AMI 120:4

A tundun tlaquut ar maheerá qirqitlár slaqwaruuse, nee tundun hamiis ar gil'ór asla!

WARA'AMI 91:6

tam pu/tidár baraá giwti, laqaá tidá' tlaatla/aango hhitiim.

ISAYA 65:25

Tawer nee bee/aangw tari alqáy, direeri gitso ngin adór hikwaá wa /ayiyá' nee dayshe hhape gan /ák muruú /aymár wá ale. Gawaá tloomar'eé' tidá' hhoohhoo' sleémeerowo, makiito'ór ta slahh'eesi laqaá ar ta gaasi i káhh.» AAKOÓ MUNGÚ tí gan kah.

YEREMIA 14:18

Aníng bara ti'iít baraá qamu, tuaá múk taa tsuú/ baraá slaqwaraaro in ár! Bara dáh baraá gixsa, tuaá múk aa qaatl as qwari in ár. Aaruuse nee kaahamuusér Munguhe gadiyér'ín ar baraakaá yaamu ngi tlehhiitiyá', slám gár i tlehhiitiya' ngi tsatsahhan'aaká.»

YEREMIA 15:3

Anuú AAKOÓ MUNGÚ aga tsabiím mukwí nguwa hhaamiis ar muruuwí tsiyáhh: Inooín kin tsuu/ baraá slaqwara, bahh'alé seeaawe gin karslamís, kookaariya' kin /aay nee tsir/o, nee makaá sla/a, sleémeero kiri hhaamiis.

YEREMIA 16:4

‹Mukwí i qaatl ar tiqtír pu/i nee heé tsuunqumiís i kaahh, laqaá heé gi foliít i kaahh. Tu'uuín nin tlufaafuiyá' adór tsuunkáy daanduú yaamuwo. Mukwí ku hhaamiis ar paánga nee qwari, nee tu'uuín a muruú /aymár tsir/o nee makaá sla/a.› »

YEREMIA 8:17

Ga/aawaak, án kuungá' nu daysheérí tleés. Daysheedá' qarkuín xa'anoó koomaaká, kuungá' nuri kikíhh. Anuú AAKOÓ MUNGÚ tí ngina oó'.

WA/AA/I 5:10

Atén ana tsi/imitaán adór bohóngw asla, asma qwari tiwa dá/.

ESEKIELI 14:15

«Barnaxes makaá sla/a awa xaraaslá' in ya/aawa muu nguwa /ayiya', na/ii'ín ngiri hayohiyá', yaamu niri deewaaiyá', nee heé waarahhamuú baraá yaamuudá' gu qiítl tumu wák iri kaahh as makaydá' xaraaslá'.

ESEKIELI 14:21

«Ala anuú Aakoó MUNGÚ a kah, qoomár bar Yerusalemu aga slaáhh ar muruuwí tsiyáhh oo sakwasleemar'eé' tidá' ló'wa xaraasl, ngiri sakwasleemuút ar slaqwara nee qwari, nee makaá xaraaslá' nee tiqtír pu/i, as muu nee makaywo ngiwa hhaamiis baraakae.

ESEKIELI 5:17

Aníng kiíng u qwárkwí huúw, nee makaá xaraaslá' kudá' na/iiwók ngi /ayá', nee tiqtír pu/i, tsu/uta nee slaqwara in hardát as iwa hhaamiis. Anuú AAKOÓ MUNGÚ tí aga oó'.»

TLAHHOÓ LAÁWI 26:22

Nun makaá xaraaslá' i tleés awa na/iihúng ngi xampoamiisá', nee hikwaahúng ngiri /ayiyá' nee faarorhúng iri /aaruúr, nee lohduuhúng niri warqayá' tari adór xaanxaay.

AMOS 9:3

Inooín tam ta nahhmituú aya gawaá tsitsantá tloomár Karmeli, in gawaadá' wa kwarkwaár, tam naa nahhaatiyé' baraá iltá tlawi as ngiwa araaká, dayshamo un ya/aáw amoodá' i ale as ngiwa baraadá' wa /ur/uri.

MIKA 7:17

Inooín tay hi'imiit ar gur'e hhape ngiri naatsiná' adór dayshe, niri baraá boh'er'ín wa ti'iitiyá' ar dae nee daaraxaay. Inooín de'eero nay amór AAKOÓ MUNGÚ, Munguúrén, i hardihiyá'. Niri dír geeraawósí sihhitiyá' ar de'e

HABAKUKI 3:5

Pu/i in geeraawós wa hi'ít. Nee gwa'ara gun aluú wa eeharaahát.

DABE 28:22

AAKOÓ MUNGÚ kuúng un slaahh ar hayaahaymó kaaharén nee ga/atani, nee um'i, nee ar tsee/amuú siiree/i, nee slahheemasi, nee bambaao, nee danuhe. Muruuwí sleémeero kuúng un sláy ay dír tay hhaan.

DABE 28:48

Gawaá adoorihe, kuúng daxta wakuusmoowók kudá' AAKOÓ MUNGÚ ni amorógi tleesi un sagadiyús, qwari uri didií gaas nee waxeero nee /aankwetsuwo, nee umuúqo gaaro kari dakús, kuúng turi himuú muqslírár tseek ay dír tay hhaan.

DABE 28:53

«Qoomár bur ta harweér kuúng na/iiwók, awa daaqaay nee dasuuwo kiri /ák, kudá' AAKOÓ MUNGÚ Munguúwók naa haniís, as slahh'amaayeedá' taa sleeré' as wakuuserók.