DABE 32:21 - Biblía Axweesantá Hhohho' ar Mungú 2004

²¹ Aníng ina da/tár ayé' ar gár munguheeká. Inooín iga mune duuxiyé' ar slaqsi'ii'ín kudá' naa dabár tleehhiyé'. Aníng inooín in da/itár aw ar muruú mukooká, nee in buhhtís ar xoorór múk daktana.

DABE 32:21 Iomraidhean Croise

1 WAAWITÁ 14:22

Múk Yuda tlakweema gina tleéhh dír geeraá AAKOÓ MUNGUHE. Inós nguri dá/tár ayé' as tlakweemaaín kudá' yaariir ta awa baabi'ii'ine.

1 WAAWITÁ 14:9

Ala kuúng muruú tlákw una tléhh oo hee aa baloó tleehhiiká iimír aange. Kuúng aníng iga buhhtís, asma kuúng slaqsa'aá munguaá hatlá' iga tléhh, nee aníng iga áhh, iri alaá xu'ús.

1 WAAWITÁ 16:13

Muruuwí sleémeero ina tleehharuút as tlakweemadá' Ba'asha nee garmaawós Ela na tleehhiyé'. Inooín AAKOÓ MUNGÚ, Munguú múk Israeli nguna buhhtisiyé', as inooín tlakweema ngiwa tleehhiyé'. Múk Israeli nguri dahaasiyé' baraá tlakweemií alé ar slaqsi'ii'ín kudá'.

1 WAAWITÁ 16:26

Inós Yeroboamu garmoó Nebati guna aleealuús, AAKOÓ MUNGÚ, Munguú múk Israeli, guri buhhtís, nee múk Israeli guri baraá tlakweemií dahaás as munguidaá hatlá' ngiwa sluufmisiyé'.

2 WAAWITÁ 17:11

Mooyángw tsuú' kuri da/aa/án gawaá wa/aameedá' sleémeero ar gongooama', inooín slooír xoordaá hatlá' kudá' AAKOÓ MUNGÚ aa guús ngina eehariyé'. AAKOÓ MUNGÚ nguri buhhtisiyé' ar tlakweemaaín kudá' naa tleehhiyé'.

2 WAAWITÁ 17:15

Dabeerós eeharto ngina si'iyé', alqadoodá' aa qaás nee baabi'ii'ín nga oohi'iiká, tam adoorihe naanaqarós ngina si'iyé'. Inooín murslaaqatuú tawo nguna harahhifiyé', inooín nay lamuuse tleehhitiyé', slooír xoordaá hatlá' awa yaamuudá' ngina eehaariyé', tam handá' AAKOÓ MUNGÚ ngaa bayi, «Slooir'ín ma oohara'.»

2 WAAWITÁ 21:6

Inós na/aywós guna haniís as tawa ilahhooár da/a, tlaa/e giri xuú', iri tsuuqaá a'áy, tari aldinku'uús nee qwaslaarér giaá duxuum nee da/aluuse. Inós muruú tlákw guna ló'wa tlehhiít, AAKOÓ MUNGÚ guri mune duúx.

2 WAAWITÁ 22:17

Asma aníng iga geexayé', munguaá hatlá' ngaa mooyángw tsuú' i da/iyé', aníng iga buhhtisiyé' ar gadiyér dabaaín sleémeero. Gawaá adoorihe, aníng iga i daa/atúw buhhtaawo, nee i baloó tsauya'aaká.

WARA'AMI 31:6

Kuúng mukdá' slaqsa'aá munguaá hatlá' gi haratlintatií' un ahhít. Ala aníng AAKOÓ MUNGÚ un harahhiíf.

WARA'AMI 78:58

Nguna buhhtamiisiyé' ar wa/ameedá' taa tleéhh as sluufoó slaqsa'aá mungui. Ngway dá/tár ayé' ar murslaaqatuú munguiidá' naa tleehhiyé'.

ISAYA 65:3

Mukwí an múk aníng i hayloórí lehhiít umuú daqto dír geeraaeene ilahhooár muruú ta tsu/i hanmiisiyá' baraá asalmaá wa ale mooyángw tsuú' ngu da/aa/aná' gawaá matofaali.

YEREMIA 10:8

Inooín sleémeero ki iimibo/ nee a daktana, asma slaqsi'iidá' a xaa'aá tawo.

YEREMIA 14:22

Xáy, munguaá lama awa xoordaá hatlá' tluwaay ngu huwiía? Laqaá tlaangú duuxaro ngu aleesláy'a? Xáy, aqo kuungeekáhe AAKOÓ MUNGÚ, Munguúrén? Atén kuúng un harahhifaán, asma kuúng tí sleémeero ana tléhh.

YEREMIA 18:15

Ala muk'eé' iga gunqareés, inooín mooyángw tsuú' ngwa munguaá hatlá' i da/aa/ané'. Inooín naa dukuutsiyé' baraá lohuuine, baraá lohdaá aange. Baraá lohdaá irakw kinar uhín kitángw lohdaá hhaytantá urene.

YEREMIA 2:11

Xáy, xooro tam ar wák iqo deéro ar munguiiwós gaa warqes, tam munguaá kilaeekahe. Ala muk'eé' aníng iga geexáy, anuúduú Munguú kilá', munguaá' hatlá' ngiri eehariyé'.

YEREMIA 5:7

Xáy, tlakweemaahúng adór ngir gurtlaw? Mukók aníng iga sií' nee lo'o ngiri /ayiyé' ar munguaá lama. Qoomár inooín ngiwa /aymiís niri aaxiyé', nina baraá fúqtí tlayé', baraá maraá tsaatuuse ngiri dalaa/iyé'.

YEREMIA 7:18

Na/ii ta migiruú sleemiis, baabi'ii'ín ta asltá oohamiis, nee /ameena ta puuruú lufu/ún as mikaáte kawa tleehhi, as munguúduú /ameeni ta bay «Waawuto'ór gawaá doori» Slám munguaá hatlá' kina ilahhooár difaáírí tsiriximiís as aníng iwa ak buhhtisiya'.

YEREMIA 8:19

/Aa/aá muk'eé' iiárií qaasaak badu sleémeero awa yaamu, ta kaahi, «Xáy, AAKOÓ MUNGÚ i káhhi Siyoniro? Xáy, waawutmoowós i barawoseekáhe?» «Ahaá baré aníng iga buhhtisiyé' ar slaqsi'ii'ín kudaá adór Mungú, slaqsii'ín kudaá munguaá xuaawaslen.»

ESEKIELI 8:3

Naagáy gár adór dako aníng iri se'e óh. Qeeruú Mungú iri tleés dír tla/ángw doori nee yaamuwo, iri huúw ay Yerusalemu, aníng aqo baraá iigu'utuwú Mungú i dirií'. Niri hardáh dír dahmaá baraá matla/aangw bihhaá /iiko, didaádá' taa slaqsoó munguaá hatlá' i qaás, kudá' Mungú buhhtamís.

HOSEA 1:10

Aluuwo faarór múk Israeli a adór hhasángw afaá tlawi oo qoomay wásl, nee oo faaroro ta aslayká. Adoodá' geeraawo kiwa bay, «Kuungá' a muk'eeneeká,» daxta kin tundun bay, «Na/aá Munguúdá' slaáf.»

YONA 2:8

Mukdá' munguaá hatlá' haratlintaatií', ta inkihhimuú konká diroge.

Tlehhema'aá ya/Abuuse 11:15

Aníng axweesani ngiwa adoorí wa iimu/uúm, Qeeruú hhoohhoó' oo Mungú ina gawaaín i aweér, adoodá' iimu/uungo nira gawaarén i aweér.

Tlehhema'aá ya/Abuuse 14:15

«Múlqe, kuungá' gár adoorí kas tlehhita' a milá? Atén a múk adór kuungá'. Atén kuungá' nuna Ya/abtór hhó' ií huwaán, as kuungá' tawa warqeera' baraá muruuwí tlakwe, Munguúdá' slaáf kuwa i warqeera', kudá' doori nee yaamu nee tlawi gaa tleehh, nee muruudá' baraadií diriia sleémeero.

Rumi 10:19

Ala aníng a malé yaahaás, «Múk Israeli Ya/abtoodá' gana tsaahhiikáhe?» Tam qoomár aáng ar Mosewo Mungú ina qaroó oó', «Kuungá' gur'e nu ót as múk xoorór hatlá', mukdá' kuungá' ta harafadita'aaká tawa múk kilá'. Heé adoorí ga tleéhh a aníng. Slám kuungá' tari buhhá' dír múk xu'utír koomaaká as aníng.»

Rumi 9:25

Tí an tidá' Mungú baraá kitaábuú aarusmo Hoseawo aa oó', «Mukdá' aáng kwe'eeneeká, un baw, Kuungá' a muk'eé'. Nee /ameenidá' aáng naa sií', an baw, Sla'aaruso'or'eé'.

1 Korinto 10:22

Ahaá, atén aqo qitlána Aako kuwa buhhtisaan? Atén a ak /uuruú koomaána ta inose?

DABE 32:16

Inooín nguna dá/tár ayé' ar munguaá hatlá', ar tlehhmi'ii'ín kudá' slasla/arene nguri buhhtisiyé'.

DABE 32:17

Ilahhooár muruú ta tsu/i ngina hanmiisiyé' dír neetlaame, dír Munguheeká, dír munguaá inooín ta baloó xuiiká, dír munguaá /aben awa naa aluú wa hardihiye', kudá' baabi'iihúng naa baloó xui'iiká.

1 SAMUELI 12:21

Ma bihhií warqawaara', asma muruú gaa wásl oo slaasláwár koomaaká kuwa sagadiyusa' oo alee/isoó huwaaká sleeme i ba/amisiká, asma gár iwa harin i káhh.