DABE 32:15 - Biblía Axweesantá Hhohho' ar Mungú 2004

¹⁵ Ala Yeshuruni ina wahhaár nee kal/aando gari iimu/ún. Kuungá' ana wahhadité', gur'e kari tlehhité', tari bununuquumité'. Aluuwo Munguúdá' gaa tleehh nguri si'iyé'. Tlaa/adár ba/ama ngari waaqaaiyé'.

DABE 32:15 Iomraidhean Croise

2 SAMUELI 22:47

«AAKOÓ MUNGÚ i slaaf! I xirfuuti inoósuuduú tlaa/ar'eé'! I xirfuuti Munguúeé', tlaa/ár anií ba/amis.

1 QOM'I 5:25

Ala inooín Munguú baabi'ii'ín ngway tlakweemáy tleehhiyé', inooín niri munguaá hatlá' sluufmisuú ayé' awa múk yaamuudá', kudá' Mungú aa hhaamiís dír geeraín wa alé.

2 QOM'I 12:1

Qoomár waawuti'iimár Rehoboamu /uuru nguwa sleér, inós nee mukós sleémeero dabér AAKOÓ MUNGÚ ngina mayé' ilaiwa/amero.

2 QOM'I 26:16

Qoomár Usia /uuru nguwa sláy, iri daara/uút, daara/angwdá' guri amór qwanáy huúw. Iri dee/anuút dír AAKOÓ MUNGÚ, Munguúwose. Iwa dáh baraá Doó Mungú ina tsabín mooyángw tsuú' nguwa da/tá wa slai dír kitangwduú ilahhooa.

NEHEMIA 9:25

Gixsadudaá koo/i gawden ngina ar tlayé', yaamaá daqaari'iimár koomá' ngina hayoohiyé', maraydá' muruú yaariír koomá' oo hhohhó', nee hhaleeridá' taa foliiti, nee qamaá sabiíbu, nee seituúniro dinkwa nee xaa'aá yaariir awa mamaá koomá'. Gawaá adoorihe ngiri /ayiyé', nay aaxiyé' niri wahhditiyé', hhooeemawók ngay saqwala/iyé'.

NEHEMIA 9:26

«Ala i inkihhimuú kon'aaká diroge, uri si'iyé', dabeerók ngay mayé' nee aaruseedá' gaa gurbu'uun as kuúng uwa iki/iya' ngina tsu/iyé', /ooslislíngw urén ngway ló'wa kaahiyé'.

YOBU 15:27

Tam /uuntle'eeri gaa laláy, qwas/amay guna slaslaáx gawaá afeetlo.

WARA'AMI 100:3

Xuaak adór AAKO tar Mungú! Inós an kudá' atén taa tleehh, nee atén an mukós, atén an mukós nee bee/ángw qawtantós.

WARA'AMI 119:70

Daktu'uuma nga gur'ér wa dal/ané', ala aníng dabeerók an saqwalalaá/.

WARA'AMI 17:10

I gurtleemuú kon'aaká, ki mune gawden. Baraá afer'ine gár haats a /ayma'aá daara/aangw.

WARA'AMI 18:46

AAKOÓ MUNGÚ an kudá' slaáf, i xirfuuti kuduú baqmór'eé'. Diidi'iimisaak Munguúduú ba/amar'eé'.

WARA'AMI 73:7

Tlakweema in baraaín wa ti'imiitiyá'. Inslawoó tlákw aa baalín baraá muner'ine.

WARA'AMI 81:11

Ala muk'eé' afor'eé' ngaa axaasi'iiká, tam múk Israeli i slaiiká.

WARA'AMI 89:26

Inós aníng iri ateet iri ooi, ‹Kuúng a baabuúeé' nee Munguúeé'. Kuúng a tlaa/ar'eé' nee ba/amar'eé'.›

WARA'AMI 89:27

Aníng inós un bariismooeé' tleéhh, un waawuti'iimár i haniís ta waawituú daanduú yaamuwo.

WARA'AMI 95:1

Qwalaasé', AAKOÓ MUNGÚ u sa daa'aán, qwalaasé' a daa'aán ar afór qwal/uwo aa hats amór tlaa/ár atén taa ba/amis.

ISAYA 1:4

Tsaxwaahúng kuugaásíng xoorór iringuuse. Kuungá' a múk taa al'ilooúy nee tlakweema, xwaylár tlakweemaá tlehhaahhiit, na/aá al/aymárár hotaatimá'. Kuungá' AAKOÓ MUNGÚ ugwa geexeeré', kudá' Hhoohhoó' oo Israeli ugwa waaqaé', taa falo kwahhé', tari alií ki/é'.

ISAYA 43:1

AAKOÓ MUNGÚ, Kudá' kuungaá múk Yakobo naa tleehh, kudá' kuungaá múk Israeli naa buqumbuqun, i kaahi, «Ma da'ayumitaara', asma kuungá' naa ba/amís. Aníng kuungá' naa ateét as tawa kwe'eé'.

ISAYA 44:2

AAKOÓ MUNGÚ kudá' kuungá' naa tleehh, kudá' kuungá' naa buqumbuqun baraá guruú aayooro nee kudá' nu alee/iís, i kaahi, «Ma da'ayumitaara', kuungaá múk Yakobo, sagadiyuuser'eé', Yeshuruni kudá' aníng naa tsawaár.

ISAYA 6:10

Munér mukwí daktu'uweek, iaaín mindiwa axamiisiyé', ilaaine mindiwa gaa ariyé', iaaine mindiwa axaasiyé' ngiri tsaahhiyé', ar muner'ine mingiwa tsaahhiyé' mindiwa amor'eé' ki/iyé' niri ba/aná'.»

YEREMIA 2:31

Xaysé', múk Israéli, te'eé' tí ni kah iiárií qaasaak, aníng a AAKOÓ MUNGÚ. Xáy aníng aga darma tleehhíti dír Israeliwo, laqaá aga yaamaá giiwá' tleehhíti? Ahaá waáy, muk'eé' masta kaahi, «Atén a múk amohhoó', ni amoorógií daqawanaaká?»

YEREMIA 2:32

Xáy, dasír /amatliito'o parootirós gaqo gunqaarésa, laqaá dasír ta duxuuti tlabaawós giqo gunqaarésa? Ala muk'eé' aníng iga gunqaareés har afiqoomár deelór yaariir.

YEREMIA 2:5

AAKOÓ MUNGÚ i kaahi, «Xáy, gár tlaakw ar baabi'iihúng na ariyé' dir'eene a milá, tam tari puruúts dir'eene, tari eeharín alaá muruú tawór wa alé, nee inooín niri tawo tleehhitiyé'.

YEREMIA 5:28

An gár inooín tasa wahhadiít niri hhohhoaa'ayé'. Muruú tlákw tlehhtuuwo harqoomaay ngu xuiaaká. Sakwasleema ngi adór ganaá'ár tlehhitiaaká, na/aá panaay ki hariímar'ín i hanmisiiká, laqaá tam gan'amuú múk aa waasla'amuut ku aleekal/anká.

YEREMIA 5:7

Xáy, tlakweemaahúng adór ngir gurtlaw? Mukók aníng iga sií' nee lo'o ngiri /ayiyé' ar munguaá lama. Qoomár inooín ngiwa /aymiís niri aaxiyé', nina baraá fúqtí tlayé', baraá maraá tsaatuuse ngiri dalaa/iyé'.

ESEKIELI 14:5

Aníng múk Israeli u mune kwatiít as aníng iwa i ki/iya', asma inooín taa saweés dir'eene as slaqsi'iidá' mungui ngiwa sluufmisuú ayé'.

HOSEA 13:6

Ala qoomár inooín gur'er'ín ngiwa dala/ané', niri taqana/utiyé', aníng iri gunqareesiyé'.

HOSEA 4:7

Adoodá' kaahamuuse ira tláhh, an adoodá' tlakweema ngira aníng i tlehhiitiyé', gawaá adoorihe aníng xirfuuín un warqeés nguri mure tleéhh.

Tlehhema'aá ya/Abuuse 28:27

Asma fuqurángw mukwí aa daktu'uút, nee iaaín ki ilo' gaa axaasaro. Slám ilaaín kaa gumamaá', gaa makawa ár ilaaine, nee makawa axaás iaaine, nee makawa tsaáhh fuqurangw'ine, nee muner'ín makawa warqeés án ngiri hungu/uús.›

Tlehhema'aá ya/Abuuse 9:5

Saulo iri oó', «Kuúng a heemá, Aáko?» Heedaádá' iri oó', «Aníng an Yésuudá' kuúng ta slahh'eemis.

DABE 31:16

AAKOÓ MUNGÚ Mose guri báy, «Kuúng daxta deeloorók ar tawa kahhut naa tseewuúr, nee alaá bara gwá', muu aníng i geexáy, nee munguaá hatlá' kiri eehaar awa baraá yaamuudá' tay hotaá ay. Aníng i geexayá', nee alqador'eé' ngiri geexayá', tidá' nee inooín taa tleehhaán.

DABE 31:20

Asma qoomár aníng inooín bira huúw baraá yaamaá diihhooár ilwa nee dane, kudá' aníng naa lo'ór wa /aáy ngiwa haniis dír baabi'ii'ín, ala inooín tan /ayín, nee tan aax, tari wahhadiit. Aluuwo inooín tari warqáy, munguaá hatlá' kiri haratlintii', aníng iri si'iyá' nee alqador'eé' ngiri geexayá'.

DABE 32:4

Inós a tlaa/a, gadiyeérós gár kawa /aár i káhh lohduuwós sleémeero i ganaaiyá'. Inós a Munguú inkihhím nee ku dakuús wásl, inós ku hhoó' nee i ganaa'.

DABE 32:6

Aá daktána nee múk sage waslén, AAKOÓ MUNGÚ musa adoosír bué'? Inós a baabuúhungeekáhe, kudá' kuungá' naa tleehh, tleehharusmoohúng kudá' kuungá' naa gawdeesikáhe?

DABE 33:26

Munguú adór Munguú Yeshuruni i kaahh. Inós nina gawaá doorí wa aweér uri alee/iisár áy, nee inós i gáwtá wa hi'iimiit ar xirfuuwós oo yaariír.

DABE 33:5

AAKOÓ MUNGÚ tari waawutmoó múk Yeshuruni, qoomár geeraharuusér muu iwa burumburít qoomár tlahh'aá Israeli niwa burumburitiyé'.

HAR'OHUUSE 10:6

Múk Israeli tlakweema gina malé tleéhh dír geeraá AAKOÓ MUNGUHE. Inooín munguiidá' ta bay Ba'ali nee Ashtaroti ngina sagadiyuusiyé', nee munguaá hatlá' awa Shamu, nee awa Sidoni, nee awa Moabu, nee awa múk Amoni, nee awa múk Filistiro sleeme. Inooín AAKOÓ MUNGÚ nguna mayé', tam sleeme naa kumiiti'iiká nguwa sagadiyuusiya'.

1 SAMUELI 2:29

Ahaá waáy gur'e munda har ohiín as ilahhooar'eé' ar muruú ta tsu/i, nee ilahhooadá' án naa hara'ayiím, kuúng na/iiwók kiri ilaiwá/ ta aninge, slaqoohúng kiri tlehhé' ar wa/aameedá' hho' ar ilahhooar'eé' sleémeero tidá' tinda huúw nee muk'eé' oo Israeli.›