DABE 32:14 - Biblía Axweesantá Hhohho' ar Mungú 2004

¹⁴ Inooín di/i nee ilwa ngina dír hikwá wa slayé'. Di/tá bee/aangw nee ar gwaandaawe ngina slayé', daqoroó Bashani oo awe nee aara, dinkwa nee angaánoó ló'wa hhohhó'. Difaáír /aben ar mamaá sabiíbu ana wahaandé'.

DABE 32:14 Iomraidhean Croise

IIMU/UUNGW 18:8

Abrahamu di/tá /awak nee ilwa nee fu'unaá damaadá' aa amohhe'eés, giri qaás dír geeraaín, giri dahi'ís as tawa /ayin. Inós iri sihhiít bihhaaín dír gamuú xa'ano, as ngiwa sagadiyuusi qoomár inooín niwa /ayina'.

IIMU/UUNGW 49:11

Daqwaywós gun tseek dír xa'anoó sabiíbu, na/oó daqwaywós gun tseek dír xa'anoó hhoó' oo sabiíbu. Inqwaruuwós gun hhuunts ar ma'aá na/aá sabiíbu, nee tlabaawós gin hhuunts ar difaáír da/aten ar taa tleéhh ar ma'aá sabiíbu.

2 SAMUELI 17:29

nee daneero, nee di/aay, bee/aangw nee di/tá /awak. Adoorí kana tleéhh as Daudi nee mukós kudá' ti alkoomá', asma tana oó', «Mukwí i qwariit, nee i waxiit, nee taa slaaqamiít as tawa baraá xaanxáy dirii'i.»

NEHEMIA 9:25

Gixsadudaá koo/i gawden ngina ar tlayé', yaamaá daqaari'iimár koomá' ngina hayoohiyé', maraydá' muruú yaariír koomá' oo hhohhó', nee hhaleeridá' taa foliiti, nee qamaá sabiíbu, nee seituúniro dinkwa nee xaa'aá yaariir awa mamaá koomá'. Gawaá adoorihe ngiri /ayiyé', nay aaxiyé' niri wahhditiyé', hhooeemawók ngay saqwala/iyé'.

NEHEMIA 9:26

«Ala i inkihhimuú kon'aaká diroge, uri si'iyé', dabeerók ngay mayé' nee aaruseedá' gaa gurbu'uun as kuúng uwa iki/iya' ngina tsu/iyé', /ooslislíngw urén ngway ló'wa kaahiyé'.

YOBU 20:17

Tsuuqaá diihhooár huwá' inós gi slayká, diihhooár adór ma'aá yaaér wa/amiim ga slayká.

YOBU 29:6

deeloodá' ya'aaeé' ngiwa hamtlaatliit ar ilwa, nee duxér di/i niwa amór dooeéní wa/amiin baraá tla/ú wa ale.

WARA'AMI 147:14

Inós wayda gu sagesihhimiit baraá digmuú ayaawoge. Nun aaxamiis muruú /aymár hhoe.

WARA'AMI 22:12

Wakuusér yaariir iga harwét adór awér yaqaambe. Inooín ina harweeriyé' adór yaqaambér xaraasl ar yaamaá Bashani.

WARA'AMI 81:16

Kár ee, aníng geeraawo kuúng ugwa /aymiís ar angaánoó hhó'. Nee geeraawo un /aymiís ar danuú baraá pa/mír tlaa/a.

ISAYA 7:15

Inós ilwaá oonganáy nee danuhe gin /aay, ay dír muruú tlákw ngway xui si'imaawo, nee oo hhó' tsawaararo.

ISAYA 7:22

Asma hikwaaká' i ló'wa ilwaá koná', inós oongonoó ilwa guri wah. Panaydaá meet baraá ayko oongonoó ilwa nee danuhe ngiri /ayiyá'.

ESEKIELI 39:18

Fu'unaá múk pihh'uumár koóm ngin /ayá', nee tseerér geeraharuuseedá' uren ar baraá yaamu, tidá' ta tsu/i adór gwaandaawér wa ale, laqaá adór deeloó bee/aangw, nee laqaá adór aara, laqaá adór awér aa wahhdit ar Bashani ngiri wahiyá'.

HOSEA 11:4

Aníng ina geerahaár ar gurtleemu, ngiri uuruúx ar sla'aari, taaqwantadár gawaá isooín ngiri hingeés, aníng ana xupuú' ngiri /aymiís.

AMOS 4:1

Axweesantí iiárií qaasaak, kuungaá /ameenár Samaria, ar aa wahhdit adór hikwaá yaamaá Bashanír ale. Kuungaádá' narkuutér baramaanumaamisá' nee mukdá' haleleeamiít, kuungaádá' hhawaateín ngi babaawá', «Gimsé', difaái huware', a xufaán.»

MIKA 7:14

Aakoó Mungú, mukók de'eemeek ar hhartók, daqtók tidá' taa tsawát. Inooín tam ta kilooín hooti baraá sla/atá wa alé, ala yaamuuín kaa harweér nee yaamaá gitsór hhó' koomá'. Daqtók i qawór eer baraá qawtantadá' hhoo' ar baraá yaamaá Bashani nee Gileadi, adoodár aáng wa alé.

FAARO 18:12

«Aníng mura' sleémeero kudá' hhohhó' oo múk Israeli naa aníngí haniís adór di/tá hhohho', nee difaáiro nee balángw geera ngu kuúngí haniís.

DABE 28:47

Asma AAKOÓ MUNGÚ, Munguúwók kuúng una tsuúq baraá umuú gaaro, ala kuúng inós ugwa sagadiyuská ar muunuú qwala/ nee oo gurhhooa.

Geehhoeemaá 14:20

Mamaá sabiíbu kiri baraá bohongwdá' wa tsoo/iít, tsee/aá gixsa. Tseere niri baraá bohongwdá' wa wá/, iri hardát ay afi qoomár afér faras, tlenaango a adór kilomiíta tsiire tám.

HAR'OHUUSE 5:25

Sisera gana firín ma'aywo, ala inós guna ilwáy hanís, guna di/tá /awák i hanís ar baraá slooqamoó hhoohhoó'.