DABE 32:12 - Biblía Axweesantá Hhohho' ar Mungú 2004

¹² an AAKOÓ MUNGÚ kilós nura geerahaár, nee munguú hatlá' oo inós gwa alee/iis i kaahh.

DABE 32:12 Iomraidhean Croise

NEHEMIA 9:12

tlaatla/aango ina geerahát ar uhmoó huunki nee xweeraawo ina geerahát ar uhmoó asla, as loohír tar oohi kawa gwa/aatis.

YOBU 15:19

mukdá' kilooín Mungú aa yaamií haniís, tam hoomoó baraá tla/angw'ín ar waaraáhh i kaahh.

WARA'AMI 136:16

Inós an kudá' mukós gwa geerahaar baraá xaanxaywo, Asma sla'aarirós i warqeeraaká ay alhhe'eesay wasle!

WARA'AMI 27:11

AAKOÓ MUNGÚ, án kuúng intsaahhatmisáng loohiroge, nee geeraharáng baraá loohír ganaa'a, asma wakuuser'eé' i deer.

WARA'AMI 78:14

Tlaatla/aango giri geerahaár ar huunki, nee xweera sleémeero ar gwa/aateemaá adór asla.

WARA'AMI 80:1

Kuúngusuú de'eemusmoó múk Israeli, iia qaaseek, múk Yosefu geeraharaahareek adór daqooroó bee/aangw. Kuúngudá' aga gáwtí iwit dír malaykeero, xirfuuwók gwa/atiseek.

WARA'AMI 81:9

Gár taa tleéhh ar slaqsoó Mungú ma sluufisaar, tam sleeme ma i tumbararaa'ataar.

ISAYA 46:4

Tam qoomár bar aga dimadiindé', aníng aqo kuduú kilá', Tam qoomár se'engwhúng al/awtanto bira /awaakúy aníng kuungá' nu loohiís. Aníng adoorí ana tleéhh nee an kumiít tlehhtuuwo, nun loohiís nee nu ba/amís.

ISAYA 63:14

Adór hikwaá taa huúw baraá qawtantá baraá xatso. An adoodá' qeeruú AAKOÓ MUNGÚ mukós ngura hungu/uús. An adoodá' kuúng mukók kura geerahát nee umuuwók xirif gway sláy.»

HOSEA 11:4

Aníng ina geerahaár ar gurtleemu, ngiri uuruúx ar sla'aari, taaqwantadár gawaá isooín ngiri hingeés, aníng ana xupuú' ngiri /aymiís.

DABE 1:31

baraá xaanxaywo aga aande', adór AAKOÓ MUNGÚ Munguúhúng nura gagaár ar saxareema baraá aaiihúng sleémeero ay diirí hám tay diria', adór hee na/aywós ngur gagaraarin.

DABE 32:39

«Gimsé' daxta tsaahhaak adór aníng kilooé' tar Mungú, Munguú hatlá' i kaahh, aqo har aníng kilooeé'. Aníng an kudá' tsu/uút nee kudá' slafmís, kudá' nor'omiís nee kudá' hungu/umiís. Nee baraá dabaaeene heé hee gu tuú/ i kaahh.

DABE 4:35

Kuungá' muruuwí una aandé' as kawa tsahha' adór AAKOÓ MUNGÚ, inós kilós tar Mungú, oo hatlá' i kaahh.

DABE 4:39

Gimsé', laarí inslawaak nee baraá munerhúng ti qase' adór AAKOÓ MUNGÚ tar Mungú gawaá doori nee daanduú yaamu, Munguú hatlá' i kaahh.

YOSHUA 24:17

Asma AAKOÓ MUNGÚ, Munguúrén, inós an kudá' atén nee baabi'iirene taa duux baraá yaamaá Misrír wa ale, yaamaá lawaali'iima kawa /ayaán. Slám laydaá uren awa waa/oo/amór koomá' gina tleéhh dír ilaarén wa ale. Inós tari deaaén baraá lohduudá' sleémeero nira ohiimani, nee baraá tla/eeraá xoorduudá' sleémeero nira waraahhani.