DABE 31:9 - Biblía Axweesantá Hhohho' ar Mungú 2004

⁹ Mose dabeedá' gana gooín, gari haniís dír kaahamuusér Mungú ar tlahhoó Laáwi, kudá' sandakmoó alqadór AAKOÓ MUNGÚ loohiisá', nee dír bariise sleémeero ar múk Israeli.

DABE 31:9 Iomraidhean Croise

1 WAAWITÁ 8:3

Bariisér Israeli ina hardát, nee kaahamuusér Mungú sandakmooduú alqado guri gagát.

2 WAAWITÁ 17:37

Umuú daqto kuungá' kaahir'eé' nee sla'aarir'eene nee dabeero, nee hara'ayaadá' tinda kuungií gooini, umuú deelo harmagahhaak tlehhtuuwo. Munguaá hatlá' mi sluufmiisara'.

1 QOM'I 15:2

Naagáy Daudi iri oó', «Heé hatlá' i kaahh oo sandakmoó Mungú gu gagaár aqo har múk tlahhoó Laáwi, asma inooín AAKOÓ MUNGÚ gina tsawaár as sandakmoó AAKOÓ MUNGÚ loohiso, nee inós nguwa sagadiyuusiya' daqisleém.»

NEHEMIA 8:2

Esra kaahamusmoó Mungú kitaábuú dabér Mose nguri huúw dír geeraá boo/oó muu oo hhawaate nee /ameenaaro nee kudá' gaa axaasaro ngi aleeslawá' nee tsaahharo. Slahhángw faanqw baldae a wak.

NEHEMIA 8:3

Inós kitaábuuduú dabe guri soomuús dír afeenír Afkuduú Ma'áy wa ale iimír matlaatlér boo/ ay /ametleemu, dír geeraá hhawaateedá' nee /ameenaaro, kudá' tsaahha ngi koomá'. Muu sleémeero kángw baraá kitaábuú dabe kway iiárií qaás.

TI'INAANGW 24:4

Mose axweesanaydá' sleémeero oo AAKOÓ MUNGÚ guri gooín. Matlaatlér boo/e iri ti'iít, kitángw ilahhooa ngiwa haniisi guri tleéhh dír afaá tlooma, uheemaá mibaá nee tsár giri siíhh ar harqoomoó tlahh'aá mibaá nee tsár awa xoorór Israeli.

DANIELI 9:13

Atén kuúng taa múx ar adoodá' kara gooín baraá dabér Mosewo, ala tam hamí, aá AAKOÓ MUNGÚ, Munguúrén, gurtleemuuwók ugwa firimaniiká as tlakweemaarén kiwa mawaan, nee looeemaawók iga eeharaniiká.

HOSEA 4:6

Muk'eé' aa qwaár asma án ti xuiiká. Asma adoodá' kuúng án ira sí' xu'utiro aníng daxta kuúng u sií' tawa kaahamusmooeé'. Asma adoodá' kuúng hara'ayár Munguúwók kara geexeér, aníng sleeme na/iiwók i sií'.

MALAKI 2:7

Asma kaahamusmoó Mungú gár kuwa hariím a intsaahhatimisuú ló' gun harmagaahh, nee muu hara'aya gari dirós i lehhiit, asma inós tawa ya/abusmooeé', anuú AAKOÓ MUNGÚ Aleesleemusmo.»

MALAKI 4:4

«Dabe inslawaak, nee kaahi, nee hara'ayaadá' naa haniís dír sagadiyusmooeé' Mose gawaá Sináír wa ale, as múk Israeli sleémeero ngiwa eehari.

FAARO 33:2

Mose umér yaamaá xafay'ín nguy tlehhiitiyé' baraá aaii'ine gana gooín ar adoodá' kwaa báy nee AAKOÓ MUNGÚ. Adoorí an adór digir wakeetíngw aaii'ín i dirii'i iimír tindiwa tláy.

FAARO 4:15

Ala Aroni nee daaqaywós didá' hhoohhoo' birnga hhe'eesiyé' tuuntuukaro dinkwa nee xoosla sleémeerowo, nee qoomár birta amohhe'eesiyé' aai iimu/uumaaro, múk guruú doó Kohati tindi hardihi as heéma kawa gagaari. Ala inooín xooslár hhohho' makawa kwatiít, as matawa qaátl. Gaarí an gadiyér múk guruú doó Kohati qoomár barta heémár Mungú loohatimis.

FAARO 4:5

«Qoomár bar lotá', Aroni nee daaqaywós ta dahi baraá heéma, nee inqwaaridá' dír geeraá sandakmoó alqado ka aweerisi, nee ngi sandakmoodár tuuntuukiye'.

FAARO 4:6

Aluuwo ku daanda untsuusi ar kaahartá natsaatsaa' ar leei nee ar inqwaarír sirboo/. Xaaidá' kur loohisi ki daahasi baraá dungáywós.

Marko 12:19

«Intsaahhatusámo, Mose gaarí ngina aténií gooín iwa kaahi, ‹Hee bira gwaá', harér aa geexáy bir na/oó koondaaká, hhiyaawós ngi aali, as doó hhiyaawós nguwa tleesi.›

Luka 20:28

«Intsaahhatusámo, Mose hara'ayaarí ngina atén i gooín, ‹Hee bira gwaá', harér aa geexáy bir na/oó koondaaká, hhiyaawós ngi aali, as doó hhiyaawós iwa tlay.›

Yohana 1:17

Asma hara'aya kana haniís ar dákw Mose, ala gurtleemu nee looeema nina hardihiyé' ar dákw Yesu Kristo.

Yohana 1:45

Filipo Natanaeli guri ár, guri báy, «Kudá' gooír Mose nar aaruuse i kat, atén ugwa araán. Inós a Yesu, garmoó Yosefu, heé gixsár Nasareti.»

Yohana 5:46

Asma kuungá' geera Mose bura haratlintié', aníng sleeme geera iga haratlintié'. Asma inós kángw daanduueé' guna gooín.

DABE 10:8

Qoomaarihe AAKOÓ MUNGÚ múk tlahhoó Laáwi guri tsawaár as tawa múk sandakmooduú alqadór AAKOÓ MUNGÚ gu loohiís, nee tawa gadiyuusi dír geeraá AAKOÓ MUNGÚ wa ale, nee muu kuwa tsuuqadá' i hanmiisi ar umuuwós tam ay laarí.

DABE 17:18

Qoomár barnaxes waawutmo aa iwiít gawaá kitángw waawuti'iima, gooír hatlá' ar dabeerí ngi dír geeraá kaahamuusér Mungú ar tlahhoó Laáwi wa gooin.

DABE 31:28

Gimsé', bariisér tlahhi'iihúng burumburaare', nee geeraharuuseero, as aníng kaangwí nguwa oo' baraá iiaaín, nee aníng doori nee yaamu in ateét ngiwa lamabu'una'.

DABE 33:10

Nee na/aá Yakobo ngi intsaahhatisiye' kaahiroge, múk Israeli dabeeroge ngu intsaahhatisiye'. Mooyángw tsuú' nguri geeraawók i qaasiyá' nee ilahhooár da/a sleémeero gawaá kitaangók oo ilahhooa.

YOSHUA 3:3

Muu ngway bayé', «Kuungá' bara aandé' kaahamuusér Mungú ar tlahhoó Laáwi i sandakmoó alqadór AAKOÓ MUNGÚ Munguúhúng loohisiyá', daqaní kuungá' kitaangw ku gasá', ta aluuín wa tleerá'.

YOSHUA 6:12

Aluuwo Yoshua iri matlaatlér boó/ tláy, inós nee kaahamuusér Mungú sandakmouduú alqadór AAKOÓ MUNGÚ nguri taatahhiyé'.