DABE 31:7 - Biblía Axweesantá Hhohho' ar Mungú 2004

⁷ Naagáy Mose Yoshua guri ateét dír geeraá múk Israeli, guri báy, «Gám piíhh, nee ilakaahareés, asma kuúng nee mukwí un geerahát ay baraá yaamuudá' AAKOÓ MUNGÚ aa lo'ór wa /aáy ngiwa haniisi dír baabi'iihúng, nee kuúng ki baraadií dahás ngiwa aaliya'.

DABE 31:7 Iomraidhean Croise

2 SAMUELI 10:12

Ala /atláng, hhawaati'isáng, tawa slaqwaan as mukrén nee as gixsadaá Munguúrén, AAKOÓ MUNGÚ adoodá' atén wa qoom ngi tleehhi, adoodá' inós ngira ár.»

1 WAAWITÁ 2:2

«Garmaaeé', gwa'arar'eé' naa xeér ar adoodá' muu sleémeero ri qatlaatlin, gám piíhh, muuna hhe'eés.

1 QOM'I 22:13

Ala kuúng dabeedár AAKOÓ MUNGÚ nee kaahirose, tidá' aa haniís dír Mose as múk Israeli, bar aga ót nee kay harmagáhh, daqaní kuúng adoorók i qoón, /aátl nee muuna hhe'eés, ma baloó da'ayuumitaar, tam ma amoqwaqwadimaar.

DANIELI 10:19

Iri báy, ‹Aá heé ta ló'wa sla'aa'an nee Mungú, ma da'ayumiitaar, waydar iwiwiteek, migís nee muunahhe'eés!› Qoomár iwa amor'eénií axweesi, aníng /uuru nguri sláw, aníng nguri báw, ‹Aá Aáko, aníng iga /uurií qás, tidá' ta ooár wa sla' ooang.›

FAARO 13:20

Yaamu xuuxuuaak, xáy i wahhaaría, laqaá yaamaá tawo kaahaar, nee i xaa'aá koná'a' laqaá i kahhiyá'. Kuungá' masók a pihh'uumár koondá', nee birni ki/á' masók mamaá yaamuudá' ngi bahh hubá'.» Qoomaadá' an qoomár mamaá sabiíbu iwa hamnoó slaiya'.

FAARO 27:19

Nee ku húp dír geeraá kaahamusmoó Mungú Eleasari, nee dír geeraá dinku'uuma sleémeero ar Israeli, daqaní kaangwí ku dirós i saayiín, dír geeraaín wa ale.

Yohana 1:17

Asma hara'aya kana haniís ar dákw Mose, ala gurtleemu nee looeema nina hardihiyé' ar dákw Yesu Kristo.

Efeso 6:10

Gimsé', ilakaaharu tleehhaak baraá Aakoowo, nee baraá aleesleemuú /uuruuwose.

DABE 1:38

Ala alee/isusmoowók Yoshua garmoó Nuni in dah baraá yaamuudá'. Gimáy, inós i axweeseek miwa mune sií', asma inós múk Israeli gun baraá yaamuudá' i hardahaas as ngiwa aaliya'.›

DABE 1:8

Ga/aawaak, yaamuuká' sleémeero nga geeraahúng i qaás. Gimsé', yaamuuká' aalaak, anuú AAKOÓ MUNGÚ lo'o aga /aáy yaamuuká' ngiwa haniis dír baabi'iihúng, Abrahamu, nee Isaka, nee Yakobo, nee xwaylar'ine.› »

DABE 11:8

«Hara'ayduuká' sleémeero laarí nuy hara'ayiim iialooeesaak, as daqaní /uuru kuwa sleera' oo tawa data' baraá yaamuudá' ta keera' as kiwa ala'.

DABE 3:28

Ala kuúng Yoshua ku hara'arií ó', miwa mune sií' nee i /atli, asma inós mukwí gu geerahaar ay gayuqá', nee yaamuuqá' kuúng taa aán ngiwa aaliya'.›

DABE 31:21

Qoomár slahh'amaaye birnga sleér, daa'angwí gi inslawtis as tawa lamabu'uungw, asma gunqarutaro daa'angwí i ya/anká dír afér na/ii'íne. Asma aníng gár inooín ta qoomeemesi a xuú' dír aníng inooín ngira huwiiká baraá yaamuudá' naa lo'ór wa /aáy ngiwa dir'íní haniis.»

DABE 31:23

Naagáy AAKOÓ MUNGÚ Yoshua garmoó Nuni guri báy, «Gám piíhh, nee ilakaahareés, asma kuúng múk Israeli un geerahát, baraá yaamuudá' aníng naa lo'ór wa /aáy ngiwa haniis dír baabi'ii'ín. Aníng a dinkwa nee kuúng.»

DABE 31:3

AAKOÓ MUNGÚ, Munguúhúng inósuú kilá' nun geerahaar nee mukdá' baraadá' hoót guri hhaamiis, as yaamuudá' kiwa ala'. Yoshua sleeme kuungá' nun geerahaar adoodá' AAKOÓ MUNGÚ ngira oó'.

DABE 31:6

Kuungá' /atlé', nee munehhe'eesé'. Mada'ayumiitaara', laqaá munduwa dae tlaaqiyé'. Asma AAKOÓ MUNGÚ, Munguúhúng nee kuungá' tin alkoondá', inós i surukiiká dirhunge nee nu geexayká.»

YOSHUA 1:5

Hee tumu wák i kaahh oo kuúng u tlampa'aás baraá deelór hotaawók sleémeero. Aníng nee kuúng a dinkwa, adoodá' aníng nee Mose tara dinku'uusaán daqisleém, kuúng gár uwa /aaruw i káhh, nee u geexawaaká.

YOSHUA 1:6

Gimáy piíhh nee ilakaahareés ló' wa alé, asma kuúng mukwí un dahás baraá yaamuudá' aníng naa lo'ór wa /aáy ngiwa haniis dír baabi'ii'ín i alé.