DABE 31:29 - Biblía Axweesantá Hhohho' ar Mungú 2004

²⁹ Asma aníng a xuú' alaá gwa'arar'eene kuungá' a tsuwa hhitrumitá', nee loohidá' naa hara'ayiím kari geexeerá'. Nee de'emaá hi'iita'a kuungá' amotlakwe nu sleér, asma kuungá' tlakweema i tlehhá' dír geeraá AAKOÓ MUNGUHE, inós kuri mune duxá' ar muruudá' kuungá' dabaahunge ta tlehhita'.»

DABE 31:29 Iomraidhean Croise

IIMU/UUNGW 49:1

Yakobo daaqaywós guna ateét guri báy, «Burumburité' dinkwa, asma muruudá' kuungá' nu sláw, nguwa dirhúngí oo'.

IIMU/UUNGW 6:11

Múk baraá yaamu aa hhitiruuta hhe'eés dír geeraá Munguhe, yaamu nari hatsiyé' hara/untsawo.

2 QOM'I 34:24

AAKOÓ MUNGÚ i kaahi, ‹Qaytsiít, aníng amotlakwe ngi huúw baraá Yerusalemu nee dír múk baraadá' hoót, daanduú axweesanaydá' sleémeero oo lo'o, kudá' taa gooín baraá kitaábuudá' taa soomuús dír waawutmoó Yuda.

YOBU 19:25

Asma aníng a xuú', ba/amusmooeé' i slaaf, nee adór alhhe'eesaywo ir sihhiít gawaá daanduú yaamu, aníng iri aleekalaa/.

TI'INAANGW 32:7

AAKOÓ MUNGÚ, Mose guri báy, «Tláw aweér ar gaanslaay, asma mukók kudá' naa dúx baraá yaamaá Misrír wa ale, taa kilooín qwaareesiyé'.

ISAYA 1:4

Tsaxwaahúng kuugaásíng xoorór iringuuse. Kuungá' a múk taa al'ilooúy nee tlakweema, xwaylár tlakweemaá tlehhaahhiit, na/aá al/aymárár hotaatimá'. Kuungá' AAKOÓ MUNGÚ ugwa geexeeré', kudá' Hhoohhoó' oo Israeli ugwa waaqaé', taa falo kwahhé', tari alií ki/é'.

ESEKIELI 38:8

Alaá deelór yaariir bira waaráhh tu ateet, yaamaá muu kway húp as kiwa i haratleer nee hamí daxta tawa hooti daér slaqwara i káhh. Tlom'aá múk Israeli in i haratleér, kudá' aáng awa xaanxaay nee taangu har afiqoomoó deelór niinawe, ala hám daxta muu i hoot ar saxareema.

DANIELI 10:14

Aníng nina hardáh as uwa alee/iis gár mukók gu slaw de'emaá hi'iita'a kawa tsahh, asma iigu'utuú taa aán a daanduú muruú aluú wa hardáh.›

HOSEA 9:9

Kuungá' aga faakamisé' tlakweema tlehhtuuwo, adoodá' aáng aa tleehharut baraá Gibearo. Mungú dakuúsar'ín gan inslasláy nee giri muux as tlakweemaaín.

Luka 21:24

Inooín ki tsuu/ ar paánga, kiri lohatis baraá yaamuuine, kay huuw baraá xoordaá dimbadimbé. Gixsár Yerusalemu kay i iwiit nee xoordaá hatlá' ay dír qoomár xoordu i bo/.»

Tlehhema'aá ya/Abuuse 20:30

Nee slám baraá tla/angwhunge muu i ti'iit. Mukwí looeema giri warqees as eeharuuse kawa amor'ín i uuruuxi, inooín kiri eehar.

DABE 31:30

Naagáy Mose /ayma'aá daa'angwí sleémeero giri daá' baraá iaá múk Israeli sleémeero.

DABE 32:20

Iri oó', ‹Aníng a inooín wa nahhaát, axáy, alhhe'eesay'ín u ala ga/áw, asma inooín a qartá aa qwat, na/aá inkihhimuú kooma'aaká.

DABE 32:29

Barnaxes inooín geeraawo i fuqurángw kona'a, geera tí ngaa tsaahhiyé', nee alhhe'eesáy'ín ngwaa aldakutiyé', axáy a adoomá.

DABE 32:5

Ala kuungá' tundu inkihhimu wásl dirose. Kuungá' a hariinda'aaká tawa na/iiwós. Kuungá' a qartá tlakuuse nee ar aa qwat.

DABE 4:16

Ma hhitiruutara' ar slaqsa'aá munguaá tawo kiwa dakuta', laqaá slaqsoó adór hhawaata, laqaá oo adór /ameeni,

DABE 4:30

Muruuwí sleémeero burna sláy, aluuwo kuungá' slahh'amu u sleerá', daqaní kuungá' tari ki/á' amór AAKOÓ MUNGÚ Munguúhúng nee kuri ilaiwawa/á'.

1 Timoteo 4:1

Qeeruú hhoohhoó' oo Mungú adoorí gaa ló'wa xu'utís adór qoomaadár alhhe'eesaay binda hardát, muu ir deér oo haratlintaao ga máw. Inooín qeeremaá al/agiimá' kin iiárií qamín, nee intsaahhasár neetlaame.

Ebrania 1:2

Ala de'emaarén kuká' alhhe'eesayhe ina dirén i axweés ar loohír Garmaawós, kudá' aa aaliitmoó mura' sleémeero wa qaás, slamí mura' sleémeero guna baraá inós ar tleéhh.

2 Petro 3:3

Gár har geeraá ar xu'utír wa hariim a tí, deeloodár alhhe'eesaywo muu ni hardah oo ilatleerir'ín eeharahár. Inooín kuungá' nuri niqimisiyá',

HAR'OHUUSE 2:19

Ala qoomár har'ohusmoodá' bira gwaá', inooín nin alií ki/iyá', tlakweema ngin male tleehhiyá', baabi'ii'ín ba/a, munguaá hatlá' ngin eehariyé' nee ngin sagadiyuusiyá', nee ngin i tumbarara'amiitiyá'. Tlehhmi'ii'ín kudá' tlakw nga mayi'iiká, laqaá tam saga gawdeemaaín nga mayi'iiká sleeme.