DABE 31:27 - Biblía Axweesantá Hhohho' ar Mungú 2004

²⁷ Aníng a xuú' adór kuungá' tar múk sage gawdén nee oo aa dee/anuut. Hamí qoomár aníng niwa slaaf kuungá' AAKOÓ MUNGÚ ugwa ahhé', xáy, daqaní ma meerá' qoomár aníng bara gwaá'!

DABE 31:27 Iomraidhean Croise

2 QOM'I 30:8

Kuungá' ma da/eewe gawdeesara' adór baabi'iihúng wa ale, ti kiloohúng hanise' dír AAKOÓ MUNGÚ. Qwalaasé' amór do'ós kudá' inós aa hhohhoeés ay kureér, AAKOÓ MUNGÚ Munguúhúng sluufmisaak as munduwa i buúhh.

NEHEMIA 9:16

Ala inooín nee baabi'iirén tay daara/uút, da/ewer'ín ngay gawdeesiyé', hara'ayarók eeharto ngari si'iyé'.

NEHEMIA 9:29

Ina gurbu'uún as daberók ngiwa i ki/iya'. Ala ar sagagawduuine hara'ayarók ngaa iialooeesi'iiká, kaahirók ngina si'iyé' tidá' handá' geeraawo bar hee ngaa iialooeés in hoot, inooín sager'ín ngiri gawdeesiyé' nee da/ewer'ine, kuúng uri si'iyé' iialooeesaro.

WARA'AMI 78:17

Tam adoorihe inooín tlakweema tlehhtuwo nari kumiitiyé', kudá' gáwtí dirií' nguna si'iyé', didár baraá yaamaá xaanxáy wa ale.

WARA'AMI 78:8

Eeít, matawa adór baabi'ii'ín tleehhiít, qartá sagegawden nee ar aa dee/aanut, qartá baraá muner'ine Mungú gu gaárí xuaaká, ta inkihhimuú konká amór Munguhe.

ISAYA 30:9

Asma mukwí a múk aa dee/aanuut, inooín a na/aá lamuuse, a na/aá intsaahhatisár AAKOÓ MUNGÚ ngi sla'aa'aaká axaasaro.

ISAYA 48:4

Asma aníng kuúng un xuú' adór tur saga gawít, tu isa gawít adór muqsli, slám gitsee/aawók ki gawit adór muqslír sirdaa/aat.

YEREMIA 5:23

Ala mukwí ku ló'wa mune gawdén nee aa dee/anuút. Aníng iga si'iyé' lohduuín ngiri eehariyé'.»

ESEKIELI 20:21

«Ala tam na/ii'ín sleeme aníng ina aahhiyé', naa baraá kaahir'eénár hooti'iiká, sleeme daber'eé' ngaa harmagahhi'iiká ooharo, nee Sabaátor'eé' ngina meetagaasiyé'. Naagáy nari oó', ‹In i buúhh, tidá' tleehhamooro ni slaa' daanduuine ngiri boo/eés baraá xaanxáy wa alé.›

Tlehhema'aá ya/Abuuse 7:51

«Kuungá' tundu sage gawdén. Slám munerhúng nee iaahúng a adór kuqaá múk Mungú xua'aaká. Umuúqo daqto kuungá' Qeeruú hhoohhoó' oo Mungú un siaiindá' adoodár baabi'iihúng sleeme naa tleehhiyé'.

DABE 31:26

«Kitaábuuwí oo dabe taatahhaak, ku qasá' bihhaá sandakmooduú alqadór AAKOÓ MUNGÚ, Munguúhúng. Masók i didá' wa hoot, as tawa lamabu'uungw daanduuhunge.

DABE 32:20

Iri oó', ‹Aníng a inooín wa nahhaát, axáy, alhhe'eesay'ín u ala ga/áw, asma inooín a qartá aa qwat, na/aá inkihhimuú kooma'aaká.

DABE 9:13

«Slám AAKOÓ MUNGÚ iri malé báy, ‹Mukwí ugwa tsaáhh, ku ló'wa sagegawdén.

DABE 9:24

Iimír aáng ilaaeé' niwa pa/iia, kuungá' aqo múk AAKOÓ MUNGÚ gu ahhahhiít.

DABE 9:4

«Ala AAKOÓ MUNGÚ, Munguúhúng mukdá' burngwa hhe'eés geeraahúng wa guusaro, ma baraá gur'erhúng i ooara', ‹AAKOÓ MUNGÚ atén tina dahaás baraá yaamuuká' asma tawa gana'amuú koomaan.› Ala handá' AAKOÓ MUNGÚ, mukdá' guna geeraahúng wa guús asma tlakweemaaín.

1 SAMUELI 12:15

Ala barnaxes afór AAKOÓ MUNGÚ aga iiárií qasi'iiká, ala aqo hara'ayár AAKOÓ MUNGÚ ana sié', daqaní dákw AAKOÓ MUNGÚ i gawaahúng, kuungá' nee waawutmohunge.