DABE 31:19 - Biblía Axweesantá Hhohho' ar Mungú 2004

¹⁹ «Gimáy daxta, daa'angwí gooimeek, nee múk Israeli ku intsaahhatís! Daa'angwí qaaseek gawaá afer'ín, daa'angwí i lamabu'uungw tleehhiti dír múk Israeliwo as daanduueé'.

DABE 31:19 Iomraidhean Croise

2 SAMUELI 14:3

Daqaní ta daqeér amór waawutmo axweesantadá' aníng ni kí baw, ka ó' dír waawutmo.» Yoabu axweesantá /ameenidá' i o' dír waawutmo, gari oó'.

WARA'AMI 102:18

Tí gooimaak asma qartá xaw, as múk ta aluú wa laqwaali AAKOÓ MUNGÚ nguwa xirfayemisi.

TI'INAANGW 4:15

Kuúng tari axwés nee inós, nee /aymi'iiká' kiri qás baraá afkós. Aníng a dinkwa nee afkók, nee afkose, aníng kuungá' nu intsaahhatís ar ta tlehha'a.

ISAYA 51:16

Aníng axweesante'eé' aga qaás baraá afkók nee ugwa luú/ baraá mahhtuú dakw'eé'. Doori ngiri hhaáf nee iihhafiirír yaamu ngiri qaás, múk Siyoni nguri báw, ‹Kuungá' an muk'eé'.› »

ISAYA 59:21

AAKOÓ MUNGÚ i kaahi, «Aníng alqado a tlehhiít nee kuungá'. Qeeruueé' kuduú gawaahúng nee axweesante'eé' tidá' naa qaás gawaá aferhúng, miwa qútl baraá aferhunge, laqaá baraá afér na/iihunge, laqaá baraá afér na/aá na/iihunge, iimír hamí tam ay alhhe'eesay wasle.»

YEREMIA 1:9

Naagáy, AAKOÓ MUNGÚ afkueé' guri kwatiít ar dakós, iri báy, «Qaytsiít axweesante'eé' aga qaás baraá afkók.

ESEKIELI 2:5

Barnaxes naa ialooeesiyé' laqaá naa sage gawdesiyé', asma inooín a múk dee/anuuse, dooqa ngi tsahhiyá' adór aarusmo ir tla/angw'ín i dirii'i.

Matayo 10:18

Kuungá' tundu huuw dír geeraá ga/awuuse nee dír waawitá as aníng, asma lamabu'ungw'eé' kuwa dir'ín i oa', nee dír múk xoordaá hatlá'.

Yohana 12:48

Hee bar aníng iga sií', nee bar axweesanay'eé' gwa ya/aniká, heewí heé gu sakwasleemuút i deer. Axweesantí hám naa axweés, gun sakwasleemút bál deelór alhhe'eesaywo.

DABE 11:19

Na/iihúng /aymi'iikae intsaahhatamisaak qoomár bar marií wa iwiwitá', bar hi'iimitá', nee qoomár bar qatuú eerá', nee qoomár qatuuwo bar tlatleerá'.

DABE 31:18

Baldae looeemaawo aníng inooín in alaá xu'us asma tlakweemaaká yaariir naa tleehhiyé', nee munguaá hatlá' ngiwa i warqayé'.

DABE 31:26

«Kitaábuuwí oo dabe taatahhaak, ku qasá' bihhaá sandakmooduú alqadór AAKOÓ MUNGÚ, Munguúhúng. Masók i didá' wa hoot, as tawa lamabu'uungw daanduuhunge.

DABE 31:30

Naagáy Mose /ayma'aá daa'angwí sleémeero giri daá' baraá iaá múk Israeli sleémeero.

DABE 32:1

«Aá doóri, kuungá' iia qaasaak, aníng a axweés. Aá yaámu, axweesanoó ni axwees iiárií qaasaak.

DABE 6:7

nee na/iiwók ki intsaahhatís ar inkihhimu. Kaangwí ku alki/ít qoomár bar do'ók i dirí', laqaá bar hi'iimít, laqaá bar qatuú eér, laqaá bar qatuuwo naa tleér.

YOSHUA 24:27

Yoshua xoorór Israeli gari báy, «Ga/aawaagáy, tlaa/arí aa lamabu'uso'o tleehhít daandemoorene, asma axweesantadá' AAKOÓ MUNGÚ naa diréní aaín inós gaa axamís. Gawaá adoorihe, bar kuungá' Munguúhúng ugwa satlaké', tlaa/arí i lamabu'uún daanduuhunge, as kahhó' Munguúhúng mu satlaankara'.»