DABE 31:18 - Biblía Axweesantá Hhohho' ar Mungú 2004

¹⁸ Baldae looeemaawo aníng inooín in alaá xu'us asma tlakweemaaká yaariir naa tleehhiyé', nee munguaá hatlá' ngiwa i warqayé'.

DABE 31:18 Iomraidhean Croise

2 WAAWITÁ 22:13

«Tlawsé' AAKOÓ MUNGÚ yaahasaare', as aníng nee muu sleémeerowo nee múk Yuda sleémeero, nee as daanduú /ayma'aá baraá kitaábuwí taa sláy, asma buhhtaá AAKOÓ MUNGÚ ki ur direne, asma baabi'iirén adór kitaábuuwí i kaahi nga iialooeesi'iiká, nee tidá' taa gooín sleeme nga boo/eesi'iiká.»

TI'INAANGW 34:15

Miti axweesani slawaara' nee yaamuloouusér yaamuudá', asma inooín munguii'ín biringa sluufmisuú ayé', nee ilahhooár muruú ta tsu/i kawa hanmiisi, aluuwo kuungá' tunduri afa /aasl tam fu'unaá muruú taa ilahhooár wa tsuú/ kiri /aymár eera'.

ISAYA 48:8

Kuungá' kaangwí ugwa axasi'iiká, sleeme ugwa xui'iiká. Iimír iimu/uungo iaahúng i xaaxay'aaká, asma aníng a xuú' adór kuungá' tara naagisé' al/aymaaro, nee iimír xwaylarhunge tunduna báy, dee/anuuse.

ISAYA 5:25

Gawaá adoorihe, AAKOÓ MUNGÚ mukós gwaa i daa/atúy buhhtaawo. Inós gaa dákwí tleés as ngiwa muxi, tam tlom'i niri daaraaxiyé', tu'uuín baraá loohdaá tla/ángw gixsaro a adór xwaansláy. Tam adoorihe muneerós gaa gu/iiká, in kumiit muxtaaro.

ISAYA 64:7

Heé kuúng u fiririím i kaahh tumu wák, nee heé naagamiís kuúng leelehhtuuwo i kaahh, asma kuúng aga atén wa nahhát hám daxta taa baraá tlakweemaarén i meér.

YEREMIA 33:5

Muu slaqwarár nee múk Kaldayo ga iiar ala aqo tawo, tuaá múk taa tsuú/ as buhhtaaeé' boheedá' taa foól ngin dalaa/iyá'. Asma inooín sleémeero tlakweema ngina tleehhiyé', aníng gixsarí ngiri sií'.

ESEKIELI 39:23

Xoordaá hatlá' ngiri tsaahhiyá' adór múk Israeli gár isa diya/aát tar tlakweemaín kudá' taa tleéhh dir'eene. Nina dee/aanutiyé' aníng ngiri alaá xu'ús as miwa ariyé', nee ngiri qaás gawaá dabaá wakuuser'ín as kiwa tsu/i.

DABE 31:19

«Gimáy daxta, daa'angwí gooimeek, nee múk Israeli ku intsaahhatís! Daa'angwí qaaseek gawaá afer'ín, daa'angwí i lamabu'uungw tleehhiti dír múk Israeliwo as daanduueé'.

DABE 32:20

Iri oó', ‹Aníng a inooín wa nahhaát, axáy, alhhe'eesay'ín u ala ga/áw, asma inooín a qartá aa qwat, na/aá inkihhimuú kooma'aaká.

HAR'OHUUSE 2:17

Ala inooín har'ohuuseerí nga iiárií qaasi'iiká. Asma Mungú nguna geexayé', nee munguaá hatlá' ngay sluufmisuú aa'ayé'. Inooín nina warqayé' ar gaanslaay, lohdaá baabi'ii'ín naa eehariyé', ngiri mayé'. Baabi'ii'ín AAKOÓ MUNGÚ nguna ilaiwawa/iyé', ala inooín adoorí nga tleehhi'iiká.