DABE 31:16 - Biblía Axweesantá Hhohho' ar Mungú 2004

¹⁶ AAKOÓ MUNGÚ Mose guri báy, «Kuúng daxta deeloorók ar tawa kahhut naa tseewuúr, nee alaá bara gwá', muu aníng i geexáy, nee munguaá hatlá' kiri eehaar awa baraá yaamuudá' tay hotaá ay. Aníng i geexayá', nee alqador'eé' ngiri geexayá', tidá' nee inooín taa tleehhaán.

DABE 31:16 Iomraidhean Croise

IIMU/UUNGW 15:15

Ala kuúng an diín ar diimoó hhohhó', tari gwá' ar wayda, turi fool.

IIMU/UUNGW 25:8

Kureeraá yaariir gina hoót, diimaay guri daáhh.

IIMU/UUNGW 47:29

Deelór gwa'arár Israeli iwa naká/, garmaawós Yosefu guri ateét, guri báy, «Án kuúng bir tsuwa slá', dakók qaaseek gawaá nawdueé', nee al'axweesani ooang, ar án kuúng iwa ilaiwa/amér looeemií tlehh, aníng mi baloó baraá yaamaá Misrír i foolaar.

IIMU/UUNGW 47:30

Ala án bara gwaá', huwáng, foolár awáng amoodá' taati'iieé' ki foliít.» Yosefu iri oó', «Kahhoo', adoosíng kuúng ta kat a tleéhh.»

2 SAMUELI 7:12

Deeloorók ar tawa kahhut bira xeér tari haragwá' amór baabi'iiwók kudá' naa qatliye'. Daqaní na/aywók oo kilá' un waawutmoó wa qaás, aníng waawuti'iimarós ngari gawdeés.

1 WAAWITÁ 1:21

Bar adoosingeeká aluuwo aakooeé' bira gwaá' iri haragwa' amór baabi'iiwós, aníng nee garmaaeé' Solomon tin harafaar adór múk tlákw.»

1 WAAWITÁ 18:18

Eliya guri báy, «Múk Israeli heé gwa slahh'amuúr ay a aningeeká, an kuúng nee múk doó baabuúwók, asma kuungá' hara'ayár AAKOÓ MUNGÚ ana sié' nee slaqsi'iidaá munguaá ta bay Ba'ali kiri sluufmisé'.

1 WAAWITÁ 19:10

Eliya iri oó', «AAKOÓ MUNGÚ, Munguú Aleesleemusmo, aníng da/i ina ló'wa ót as kuúng, nee as múk Israeli kudá' alqadoorók gaa sii', kiteeriwók kudaá ilahhooa ngaa fee/iyé' nee aaruuserók sleémeero ngaa tsu/iyé'. Aníng kilooeé' ana meét, slám hamí i gaasár wa slaiyá'.»

2 WAAWITÁ 18:12

Adoorí ina tleehharút asma múk Israeli afór AAKOÓ MUNGÚ, Munguúín, nga iiárií qaasi'iiká. Inooín al'axweesantós ngina geexayé', laqaá afór Mose sleeme nga iiárií qaasi'iiká, sagadiyusmoó AAKOÓ MUNGÚ kudá' aa hara'ayín.

2 WAAWITÁ 20:1

Qoomaarihe waawutmo Hesekia tiqti guna ót, iri lak gwaá', aarusmo Isaya garmoó Amos guri ii daqáy, guri báy, «AAKOÓ MUNGÚ i kaahi, ‹Do'ók amohhe'eeseek, asma kuúng a gwá', tiqtisinge kuúng a hungu/ká.› »

2 QOM'I 21:11

Dinkwa nee tihe inós wa/angwduú gawaá gongoama' kudá' munguaá hatlá' kiwa sluufmiisi guna tleéhh gawaá tlom'aá Yuda, múk Yerusalemu guri inkihhimu wasleerár áy, nee múk Yuda guri qwaareés.

YOBU 20:11

/Uuruudá' sleémeero i kon tawa masoomo, gun ar qaat baraá hhape qoomár bira gwaá'.

WARA'AMI 106:39

Gawaá adoorihe nari daba' tlakweemiisiyé' as tlehhmi'ii'ín, inooín naa inkihhimu wasleesiyé' dír Munguhe nari fuquusiyé'.

WARA'AMI 73:27

Asma mukdá' taa paraatl nee kuúng ta qwaar, kudá' sleémeero inkihhimuú kooma'aaká diroge in qwaarés.

TI'INAANGW 32:6

Matlaatlér boo/e tari tseewa ti'iít, ilahhooár da/a/aangw ngiri hanisiyé' nee ilahhooár wayda ar muruú ta tsu/i ngiri hanisiyé', muu iri iwiít tawa /ayin nee tawa wahan, tari sihhiít as tawa neeti.

TI'INAANGW 34:15

Miti axweesani slawaara' nee yaamuloouusér yaamuudá', asma inooín munguii'ín biringa sluufmisuú ayé', nee ilahhooár muruú ta tsu/i kawa hanmiisi, aluuwo kuungá' tunduri afa /aasl tam fu'unaá muruú taa ilahhooár wa tsuú/ kiri /aymár eera'.

ISAYA 48:8

Kuungá' kaangwí ugwa axasi'iiká, sleeme ugwa xui'iiká. Iimír iimu/uungo iaahúng i xaaxay'aaká, asma aníng a xuú' adór kuungá' tara naagisé' al/aymaaro, nee iimír xwaylarhunge tunduna báy, dee/anuuse.

YEREMIA 31:32

Alqadoorí nee tidá' naa oó' dír baabi'ii'ín qoomár ngiwa duúx baraá yaamaá Misriro ti slay'aaká. Alqadoodá' ngina si'iyé', tam aníng dir'ine a adór aakooine. Anuú AAKOÓ MUNGÚ tí ngina oó'.

YEREMIA 36:7

Doóqa firor'ín AAKOÓ MUNGÚ ga axaas nee umuú heewo dooqa tlehhmi'iiwós kudá' tlakw gi máy, asma AAKOÓ MUNGÚ buhhtaá yaariir nee xarasleemaawo gaa qaroó oó' daanduú mukwihe.»

ESEKIELI 16:15

«Ala hhohhoaarirók tisíng ana harahhíf, as tiwa hhoohhoó' tsaatu'uumár eér, nee sli'ima kari tléhh nee umuúqo heé waaraahha.

HOSEA 1:2

Wa'aá geeraawo AAKOÓ MUNGÚ ina axweés dír múk Israeli ar afkú Hosea. AAKOÓ MUNGÚ Hosea guna báy, «Tláw, harér tsaatuso'o duuxeek, nee na/aá tsaatuuse kiwa sleer, asma ayaawí tsaatu'uumár yaariir gaa tleéhh ar AAKOÓ MUNGÚ kuwa geexáy.»

HOSEA 10:4

Gaa a boqoondaá tawo kin axwees. Al'axweesantá lama kan oín. Gawaá adoorihe sakwasleema a adór xa'anoó tsu/uút, oo baraá hha'aá qaymo.

TLAHHOÓ LAÁWI 26:15

laqaá kaahir'eé' bara waaqaé' nee hara'ayar'eé' kay ahhé' nee daber'eé' kay meeré' sleémeero, nee alqador'eé' kay sié',

FAARO 27:13

Yaamuká' bira aán kuúng tari kahhút, adoodá' hhiyaawók Aroni ira kahhuút.

Tlehhema'aá ya/Abuuse 13:36

Daudi múk qartós guna sagadiyuús, adoodá' Mungú aa slaá' gari tleéhh. Aluuwo iri gwaá', kuri foól dinkwa nee baabi'iiwós. Inós hhitiru'uuma gari sláy.

DABE 31:18

Baldae looeemaawo aníng inooín in alaá xu'us asma tlakweemaaká yaariir naa tleehhiyé', nee munguaá hatlá' ngiwa i warqayé'.

DABE 32:15

Ala Yeshuruni ina wahhaár nee kal/aando gari iimu/ún. Kuungá' ana wahhadité', gur'e kari tlehhité', tari bununuquumité'. Aluuwo Munguúdá' gaa tleehh nguri si'iyé'. Tlaa/adár ba/ama ngari waaqaaiyé'.

DABE 32:50

Daqaní kuúng a gwá' gawaá tloomadá' tay tsa/aán tay haraagwá' amór baabi'iiwók, adoodá' hhiyaawók Aroni ira gwaá' gawaá tloomár Hori iri haraagwaá' amór baabi'iiwós.

DABE 34:5

Naagáy Mose, sagadiyusmoó AAKOÓ MUNGÚ, iri gwaá' baraá yaamaá Moabu, adoodá' aáng AAKOÓ MUNGÚ ngira oó'.

DABE 4:25

«Barnaxes hota iga iimu/uundé' baraá yaamuudae, na/ii kiri laqwalé', nee nángw naangw, tari dimadiindé', tari hhitirumité', slaqsi'i kiri dakutá' as tawa Munguúhúng, muruú tlákw kuri tlehhitá' dír geeraá AAKOÓ MUNGÚ, Munguúhúng, nee kuri buhhtisé',

Geehhoeemaá 19:2

Asma sakwasleemarós ar ló' nee i ganá'. Inós tsaatuso'oodá' ur, tidá' yaamu gaa hhitiin ar tsaatu'uumarós, gaa sakwasleemuút. Mungú gana li/áy buú' asma inós sagadiyuusér Mungú gana tsú/.»

HAR'OHUUSE 10:13

Ala tam adoorihe aníng kuungá' ina geexeeré', munguaá hatlá' kiri sagadiyusé', gawaá adoorihe aníng kuungá' nu malé tu/aaká.

HAR'OHUUSE 10:6

Múk Israeli tlakweema gina malé tleéhh dír geeraá AAKOÓ MUNGUHE. Inooín munguiidá' ta bay Ba'ali nee Ashtaroti ngina sagadiyuusiyé', nee munguaá hatlá' awa Shamu, nee awa Sidoni, nee awa Moabu, nee awa múk Amoni, nee awa múk Filistiro sleeme. Inooín AAKOÓ MUNGÚ nguna mayé', tam sleeme naa kumiiti'iiká nguwa sagadiyuusiya'.

HAR'OHUUSE 2:11

Múk Israeli tlakweema kina tleéhh dír ilaá AAKOÓ MUNGUHE, inooín Ba'ali ngway sagadiyuusiyé'.

HAR'OHUUSE 2:12

AAKOÓ MUNGÚ nguna mayé', Munguú baabi'ii'ín, kudá' ngaa huuw iimír yaamaá Misrír wa ale, munguidaá hatlá' ngiri sluufmisuú ayé', kudaá mukdá' dír iisaapay'ínií dirií', nina xupapu'uuyé' geeraaíní ale AAKOÓ MUNGÚ nguri kwatiitiyé' ar tlehhmuuín kwí, iri qa/iít.