DABE 31:14 - Biblía Axweesantá Hhohho' ar Mungú 2004

¹⁴ Naagáy AAKOÓ MUNGÚ, Mose guri báy, «Deeloorók ar tawa kahhut naa tseewuúr. Yoshua ateteek, hardaharé' baraá heémár Mungú as nguwa kaangwí baw.» Mose nee Yoshua tari tláy ay dír heémár Mungú.

DABE 31:14 Iomraidhean Croise

IIMU/UUNGW 47:29

Deelór gwa'arár Israeli iwa naká/, garmaawós Yosefu guri ateét, guri báy, «Án kuúng bir tsuwa slá', dakók qaaseek gawaá nawdueé', nee al'axweesani ooang, ar án kuúng iwa ilaiwa/amér looeemií tlehh, aníng mi baloó baraá yaamaá Misrír i foolaar.

1 WAAWITÁ 2:1

Gwa'arár Daudi niwa naká/, garmaawós Solomon guri i axweés, guri báy,

2 WAAWITÁ 1:4

Gawaá adoorihe tlawsé' waawutmo ku beera', «AAKOÓ MUNGÚ i kaahi, ‹Kuúng a awedká gawaá qatanisíng ti qati, looeemawo a gwá'.› » Eliya iri tláy.

2 WAAWITÁ 20:1

Qoomaarihe waawutmo Hesekia tiqti guna ót, iri lak gwaá', aarusmo Isaya garmoó Amos guri ii daqáy, guri báy, «AAKOÓ MUNGÚ i kaahi, ‹Do'ók amohhe'eeseek, asma kuúng a gwá', tiqtisinge kuúng a hungu/ká.› »

YOBU 1:6

Looarka wake malaykér Mungú ina burumburít dír geeraá AAKOÓ MUNGÚ. Neetlaangw sleeme iri dír dinkwaadá' i hardáh.

YOBU 2:1

Wa'aá hatlae, looarka wake malaykér Mungú ina burumburít dír geeraá AAKOÓ MUNGÚ, Neetlaangw sleeme ina dír dinkwaadá' i hardáh.

TI'INAANGW 33:11

Adoorí an adór AAKOÓ MUNGÚ nee Mose tar axweemaamisi ar afe, adór hee nee heewós tar axweemaamisi. Aluuwo Mose iri kii/ baraá xafaay. Ala alee/isusmoowós Yoshua garmoó Nuni a masoomo, ina meét baraá heémadár Mungú.

TI'INAANGW 33:9

Qoomár Mose bira dáh baraá heémadár Mungú, uhmoó huunki nin aweer, iri sihhiit dír afkú heémadá', AAKOÓ MUNGÚ iri amór Mose axwees.

TI'INAANGW 34:2

Kuúng ti amohhe'es, matlaatlér boo/e ni tseewa ti'ít, ni tsa/aán gawaá tloomár Sinai, ni dir'eéní hardát gawaá tsitsantá tlooma.

DAHARUSMO 9:5

Múk slaáf gaqo xuu' adór inooín tar qaátl, ala múk aa qaatl gár ta xui i káhh tam ar niiná, nee qeemuú i slayá' i kaahh, inooín kaa gunqareés baraá inslawoó muko.

ISAYA 38:1

Deeloodae waawutmo Hesekia tiqti guri eér, gwa'ara gari nakaá/. Aarusmo Isaya garmoó Amos iri amoorós káy, guri báy, «AAKOÓ MUNGÚ i kaahi, kuúng gwa'araro a pa/ká, gimáy kángw do'ók qoomeeseek.»

FAARO 27:12

AAKOÓ MUNGÚ Mose guri báy, «Tsa/ám gawaá dindirmoó tlom'aá ta bay Abarimu, yaamuudá' naa dír xoorór Israelírí haniís xuuxuueek.

FAARO 27:13

Yaamuká' bira aán kuúng tari kahhút, adoodá' hhiyaawók Aroni ira kahhuút.

FAARO 27:18

AAKOÓ MUNGÚ Mose guri báy, «Yoshua garmoó Nuni taataahheek, inós i qeeruú kón baraawose, daqaní ku dákwí qás.

Rumi 12:1

Gawaá adoorihe hhaee'eé', aníng kuungá' nun harhheehhe'eés as gurtleemuú Mungú, kuungá' slaqoohúng na haniisaak iwa ilahhooár slaáf tleehhitiya', tidá' hhoohhoo' ar Mungú gu qwal/atimis. Gaarí an sluufmisuuhúng kudá' gídaabár koóm.

DABE 31:13

Nee as na/ii'ín kudá' aáng ngi xua'aaká ngiwa axaasiya' nee ngiwa intsaatsaahhiya', nee AAKOÓ MUNGÚ, Munguúhúng nguwa ilaiwawa/iya' qooma sleémeero ar tawa hota' baraá yaamuudá' ta aalír eera', yaamuudaá gayuú yaaér Yordani.»

DABE 31:2

inooín giri báy, «Aníng hám daxta kureeri ngi koom a tsiiru nee mibeeri tsár, nee /uuruú nir gadiyuus daxta aa faák. Slám AAKOÓ MUNGÚ iga báy, ‹Kuúng yaaér Yordani a waarahhká.›

DABE 31:23

Naagáy AAKOÓ MUNGÚ Yoshua garmoó Nuni guri báy, «Gám piíhh, nee ilakaahareés, asma kuúng múk Israeli un geerahát, baraá yaamuudá' aníng naa lo'ór wa /aáy ngiwa haniis dír baabi'ii'ín. Aníng a dinkwa nee kuúng.»

DABE 32:50

Daqaní kuúng a gwá' gawaá tloomadá' tay tsa/aán tay haraagwá' amór baabi'iiwók, adoodá' hhiyaawók Aroni ira gwaá' gawaá tloomár Hori iri haraagwaá' amór baabi'iiwós.

DABE 34:5

Naagáy Mose, sagadiyusmoó AAKOÓ MUNGÚ, iri gwaá' baraá yaamaá Moabu, adoodá' aáng AAKOÓ MUNGÚ ngira oó'.

DABE 4:22

Aníng an yaamuukií gwaá', tam yaaér Yordani a waarahhaaká, ala kuungá' hám a tsaxwaá tawa waarahha' nee tawa data' baraá yaamuudá' hhoohhoo'.

YOSHUA 23:14

«Hám daxta gwa'arar'eé' naa naká/, ar adoodá' muu sleémeero kuwa hariím. Ala kuungá' baraá munerhunge nee baraá qeereemohunge a xu'uti hhe'esá', adór muruudá' sleémeero hhó' oo AAKOÓ MUNGÚ, Munguúhúng, naa dirhúngií al'axweesi, tam ar wák ar taa boo/eesiiká i káhh. Muruudá' sleémeero aa boó/ adoodá' AAKOÓ MUNGÚ ngura al'axweés.

YOSHUA 24:1

Aluudae Yoshua xoorór Israeli gari ateét baraá yaamaá Shekémúrí ale, dinkwa nee bariiser'ine nee geeraharuuser'ine nee har'ohuuser'ine nee múk urén oo Israeliwo. Nari hardihiyé' dír geeraá Mungú.

Yuda 1:24

Mungú kuungá' nu aleesláy nuwa de'en as dukuutsmo munduwa tuú', slám nuri sihhitis dír geeraá xirfuuwós tawa múk xaslxaansli wásl, nee tawa múk baraá qwal/uú úr.

1 SAMUELI 10:19

Ala laarí Munguúhúng ugwa sié', inós an kudá' naa tuu/ baraá /aa/eehúng awa slahh'amaaye sleémeero, kuungá' aga oi'iíke, ‹Aasla'áy waawutmoorén qaasang.› Ala hám daxta burumburiité' dír geeraá AAKOÓ MUNGÚ, ar gur'ér marayhúng.»

1 SAMUELI 26:10

Daudi iri oó', «Ar adoodá' AAKOÓ MUNGÚ ir daadeér inós gun slaahh, laqaá deeloorós ar gwa'ara niqo xeér, laqaá in qo slaqwarár áy kuri baraadií suqúy.