DABE 31:13 - Biblía Axweesantá Hhohho' ar Mungú 2004

¹³ Nee as na/ii'ín kudá' aáng ngi xua'aaká ngiwa axaasiya' nee ngiwa intsaatsaahhiya', nee AAKOÓ MUNGÚ, Munguúhúng nguwa ilaiwawa/iya' qooma sleémeero ar tawa hota' baraá yaamuudá' ta aalír eera', yaamuudaá gayuú yaaér Yordani.»

DABE 31:13 Iomraidhean Croise

AXWEESANOÓ SAGALOOA 22:6

Na/aay intsaahhatiseek hotaá ganaa'a'a, inós adoosíng ga baloó gunqaresiiká gar wa dín.

TLAHHOÓ LAÁWI 23:43

Tlehhmuuwí xwaylarhúng gan xu'utimis adór aníng baabi'iihúng ngira duúx baraá yaamaá Misrír wa aleeró, niri baraá xafáy wa hootiyé'. Aníng an AAKOÓ MUNGÚ, Munguúhúng.»

HAGAI 1:12

Serubabeli garmoó Shealtieli nee Yoshua garmoó Yehosadaki, kaahamusmoó úr oo Mungú, dinkwa nee mukdá' sleémeero naa baraá looháy wa waatl, afór AAKOÓ MUNGÚ Munguúín ngiri iialooeesiyé', nee axweesanayduú aarusmo Hagaiwo, ar adór AAKOÓ MUNGÚ, Munguúín ngura ya/aáw. Muu AAKOÓ MUNGÚ guri ilaiwawaá/.

Efeso 6:4

Kuungá' xwaylité, na/iihúng mi buhhtimisara', ala geeraharaaharaak ar baraá ilaiwa/ame, nee kiwa naanaqá' ar baraá Aako.

DABE 11:2

Kaangwí ló'wa aldakutaak, asma na/iihúng kaangwí ngu xuiaaká, laqaá muxtár Mungú nga ari'iiká, nee aleesleemuwose nee /uuruuwose,

DABE 31:12

Muu sleémeero dinkwárí burumbureek, hhawaate nee /ameenaaro nee na/iiwo, dinkwa nee hoomár baraá gixsaduuhúng wa hoota, as kahhó' ngiwa axaasiya' nee ngiwa intsaatsahhiya' nee AAKOÓ MUNGÚ, Munguúhúng nguwa ilaiwawa/iya', nee axweesanoó dabeerí nguwa harmagaahhiya' ooharo.

DABE 31:14

Naagáy AAKOÓ MUNGÚ, Mose guri báy, «Deeloorók ar tawa kahhut naa tseewuúr. Yoshua ateteek, hardaharé' baraá heémár Mungú as nguwa kaangwí baw.» Mose nee Yoshua tari tláy ay dír heémár Mungú.

DABE 32:47

Dabeerí a tlooraá taworooká dirhunge, ala an slafingwhúng oo kilá'. Kuungá' nu hotaá tleerá' ar eér baraá yaamuudá' ta aalír eera' amoodár gayuú yaaér Yordani.»

DABE 4:10

oo baalaadá' kuungá' tawa sihhité' dír geeraá AAKOÓ MUNGÚ, Munguúhúng dír tloomár Sinai, qoomár aníng iwa báy, ‹Muksíng burumburaare' dír geeraaeé', as aníng inooín ngiwa axweesante'eé' baw, as kahhó' inooín adór aníng ir ilaiwawa/iya' ngiwa intsaahhiya' baraá hotaaín sleémeero baraá yaamuwo, nee na/ii'ín ngiwa intsaahhatisiya' sleeme.›

DABE 6:7

nee na/iiwók ki intsaahhatís ar inkihhimu. Kaangwí ku alki/ít qoomár bar do'ók i dirí', laqaá bar hi'iimít, laqaá bar qatuú eér, laqaá bar qatuuwo naa tleér.