DABE 31:11 - Biblía Axweesantá Hhohho' ar Mungú 2004

¹¹ qoomár múk Israeli sleémeero birna hardáh dír geeraá AAKOÓ MUNGÚ, Munguúhúng didá' handá' inós aa tsawaár, kuúng dabeerí soomuseek dir geeraá múk Israeli sleémeero wa ale.

DABE 31:11 Iomraidhean Croise

2 WAAWITÁ 17:37

Umuú daqto kuungá' kaahir'eé' nee sla'aarir'eene nee dabeero, nee hara'ayaadá' tinda kuungií gooini, umuú deelo harmagahhaak tlehhtuuwo. Munguaá hatlá' mi sluufmiisara'.

2 WAAWITÁ 23:2

Waawutmo iri tsa/án amór Doó AAKOÓ MUNGÚ dinkwa nee múk Yuda sleémeero, nee yaamuloouusér Yerusalemu sleémeero, dinkwa nee kaahamuusér Mungú nee aaruuseero, nee muu sleémeero oo ninákw nee oo urene, axweesanoó kitaábuú alqado sleémeero guri dir'ín i soomuús, kudá' taa sláy baraá Doó AAKOÓ MUNGÚ wa aleeró.

NEHEMIA 8:13

Tam bál tsare mukdá' urén oo tlahh'aá baabi'i sleémeero nee kaahamuusér Mungú nee múk tlahhoó Laáwi, Esra kway haraburumburiít inósuduú goousmo as /ayma'aá dabe kiwa intsaatsahhi.

NEHEMIA 8:18

Slám umuúqo baalaaro iimír iimu/úngw wa tleemu ay bál alhhe'eesáy aqo gana soomamuús baraá kitaábuú dabér Mungú wa ale. Inooín deelór ur kay tlehhiít, deelo faanqw, bál dakaate burumburiita kay tleéhh ar adoodá' kara oó'.

NEHEMIA 9:3

Inooín tari sihhiít umuú heewo dirós nee dabér AAKOÓ MUNGÚ, Munguúín ar har afiqoomár hhaawakahe kari dir'ín i soomuús. Ar afiqoomár hhaawaakár aluudae nina hhu'u'uné' nee AAKOÓ MUNGÚ, Munguúín kuri sluufmiís.

WARA'AMI 84:7

I kumiitiyá' /uuru slaslaango, ay dír umuúqo heewo i hardihi dír geeraá Mungú amoodár Siyoni.

TI'INAANGW 34:24

Asma aníng xoordu in guús geeraahúng wa ale, nee digeemaá ayaahúng i bihheérí uuruúx, nee slám heé yaamuuhúng gi ilaatleeruús i kaahh qoomár kuungá' birna geeraá AAKOÓ MUNGÚ Munguúhúngí hardaté' ki/ima tám baraá kurko.

Tlehhema'aá ya/Abuuse 13:15

Hara'ayár Mose nee gooír aaruuse soomaro kawa hhe'eés, geeraharuusér doó saaliingw hee guna amor'ín i ya/áp, tari oó', «Hháe, ya/abtór gurkwa/asár koom ar mukwí wa hariim bar koondá', ooare'.»

Tlehhema'aá ya/Abuuse 15:21

Asma iimír aange hara'ayár Mose ka soomamuus baraá maraá saaliingo umuúqo deelór Sabaátoro, nee axweesanaywós kudá' ku alki/aa/iit umuúqo gixsaro.› »

DABE 12:11

naagáy didá' AAKOÓ MUNGÚ, Munguúhúng, i tsawaari, asma umuuwós iwa didá' wa hooti, kuungá' tidá' sleémeero aníng nu baw ka didií hubá', ilahhooarhúng ar da/a, nee ilahhooarhúng ar muruú ta tsu/i, nee ilahhooár gár wák baraá muruú mibaango, nee qeemu nee ilahhooár al'axweesani tidá' handá' taa slaé' AAKOÓ MUNGÚ i hanisaro.

DABE 12:14

ala aqo har didá' AAKOÓ MUNGÚ aa tsawaár baraá tlahhoó wák wa ale baraá tlahhi'iihunge, diirí an didá' ta ilahhooár dá/tí hanisá', nee an didá' muruuduú hatlá' sleémeero kuwa tlehhita', kudá' naa kuungá' báw.

DABE 12:5

Ala tlawé' ay didá' AAKOÓ MUNGÚ, Munguúhúng i tsawaari baraá tla/ángw tlahhi'i sleémeero, as umuuwós kuwa xirfayeesa', nee dír hotaawós kawa tlehha', amoodá' an amór kuungá' ta keera'.