DABE 30:8 - Biblía Axweesantá Hhohho' ar Mungú 2004

⁸ Kuungá' afór AAKOÓ MUNGÚ kari malé ilaiwawa/á' nee hara'ayaarós sleémeero, tí laarí ni kuungií hara'ayiyiim kari otá'.

DABE 30:8 Iomraidhean Croise

AXWEESANOÓ SAGALOOA 16:1

Alhotaariro hee gár i ooi gan ala baraá guruuwós i qoomees, Ala /aymuú qoóm a amór AAKOÓ MUNGÚ gan daahh.

YEREMIA 31:33

Alaá deeloorihe alqadoorí an oó' dír múk Israeli, aníng daber'eé' an baraaínií qaás, nee an gooiím baraá muner'ín, aníng tari Munguúín nee inooín tari muk'eé'. Anuú AAKOÓ MUNGÚ tí ngina káh.

YEREMIA 36:3

Doóqa múk Yuda amotlakweedá' ni dir'ín i tleehhár wa slaa' ka axaas, as umuú heewo tlakweemaawós ngiwa may as kahhó' án dakuúsar'ín nee tlakweemaine ngiwa gurtlaw.»

ESEKIELI 36:27

Qeeruueé' nguri baraahúng i qaás, nee nuri intsaahhatís daber'eé' kawa eehada' nee kaahir'eé' kari iialooeesá'.

ESEKIELI 37:24

Sagadiyusmooeé' Daudi inooín gin sawaawuti'ín, eeít, kiri de'én nee de'eemusmoó wák. Inooín daber'eé' ngin harmagaahhiyá' nee kaahir'eé' ngin oohiyá'.

Efeso 2:16

Inós ina gwaá' gawaá msalaába as wakaari ngiwa hingeesi. Gawaá adoorihe múk Yahudi nee múk xoordaá hatlá' giri wak tleéhh ar slaqwtá wák ar gawaá msalaába, giri ki/ís amór Mungú.

DABE 30:2

nee barnaxes qoomaadae AAKOÓ MUNGÚ, Munguúhúng ugwa i ki/é', kuungá' nee na/iihúng, axweesantós tidá' laarí naa oó' kari iialooeesé' ar munerhúng sleémeero nee qeeremoohúng sleémeero,

DABE 30:7

AAKOÓ MUNGÚ, Munguúhúng lo'oorí sleémeero gan amór wakuuserhúng xu'us, tidá' kuungá' nu slahh'eemiis, as inooín ngiwa /ak.

DABE 30:9

AAKOÓ MUNGÚ, Munguúhúng kuungá' nu diihhooár yaariír i haniis baraá umuú gár ta tlehhita'a, na/aá yaariir i laqwalá', nee hikwaá yaariir i sleerá', nee qamuuhúng balángw yaariír ngu hamaareesiyá'. Asma Mungú in malé qwalaa/ kuungá' nuwa dihhooárí haniisi, ar adoodá' ira qwalaá/ baabi'iihúng giri dihhooárí haniís,

Filipi 2:13

Asma Mungú in baraahúng wa gadiyuus. Inós kuungá' nu alee/iis as sla'aarirós kawa tlehha' nee gadiyér hhoo' kawa tlehha'.