DABE 30:3 - Biblía Axweesantá Hhohho' ar Mungú 2004

³ daqaní AAKOÓ MUNGÚ, Munguúwók uri ki/is baraá amohhooarók, nee guruuwós iri tláy as kuúng, nee uri ki/is baraá xoorduudá' uy diyaa/i.

DABE 30:3 Iomraidhean Croise

IIMU/UUNGW 28:15

Aníng nee kuúng a dinkwa. Án kuúng u de'eém amór taqo keera, nee uri ki/ís baraá yaamuká'. U geexawaaká ay dír al'axweesantadá' naa oó' ngay boo/ees.»

IIMU/UUNGW 48:21

Aluuwo Israeli Yosefu guri báy, «Daxta aníng gwa'arar'eé' naa hamát, ala Mungú a dinkwa nee kuungá', inós kuungá' nu ki/is ay baraá yaamaá baabi'iihúng.

1 QOM'I 16:35

Inós sleeme ku beera', «Aá Mungú, ba/amusmoorén, atén ti buruumbut, ti tu/ baraá xoorduuwo, as kahhó' atén umuuwók kudá' hhoohhoó' nguwa xirfayeemisaan, asma xirfurén a kuúng un xirfayeemisaán.»

NEHEMIA 1:9

Ala barna ki/é' dir'eé', nee hara'ayar'eé' kari oté' nee kari eehadé', tam mukók kwaa diyaa/i ay baraá alhhe'eesoó yaamu, aníng i burumbuúr amoodá' wa alé, nee ngay huúw ay didá' aníng naa tsawaár ngiwa umueéní qaas.›

YOBU 42:10

Alaá Yobu mukdá' nguwa hhe'eés aleefirooro, AAKOÓ MUNGÚ Yobu guri adoodár aángí ki/ís, guri muruuwósí ki/ís sleémeero kuduú aáng ba/a sagáwa tsár wa ale.

WARA'AMI 107:3

Mukdá' aa burumbuúr baraá yaamu sleémeero wa ale, da/aáw nee /uwawo, /iya nee basko.

WARA'AMI 147:2

AAKOÓ MUNGÚ gixsár Yerusalemu gan tlehhiit. Múk Israeli, kudá' aa diyaa/aat gun burumburín.

ISAYA 27:12

Baalaadae AAKOÓ MUNGÚ balaangós gu slaahh iimír yaaér Eufratér wá tleemu, ay digmuú yaamaá Misri. Kuungaá Israeli tunduri wakeetín burumburiingo.

ISAYA 43:5

Ma da'ayumitaara', asma aníng a dinkwa nee kuungá'. Aníng xwaylarhúng ngi da/aáw wa ki/ís. Aníng kuungá' nu burumbuúr bihhaá /uwaá wa ale.

ISAYA 54:7

«Ar har afiqoomár niinawe ina máw ala ar gurtleemuú yaariire aníng kiíng i ki/ís.

ISAYA 56:8

Aakoó MUNGÚ kudá' mukduú Israeli aa tsiyayaxaat gu burumburiím i kaahi, «Aníng múk hatlá' ngu burumbuúr dír kwí naa geerií burumbuuri.»

YEREMIA 12:14

AAKOÓ MUNGÚ i kaahi, «Aníng gár ni oo' i deer dír inslaawoó múk Israeli, kudá' yaamaá naa muk'eé' haniís nga hhitine'. Ga/aaweek, Mukwí tlákw aníng un hingeés baraá yaamuuine. Tam múk Yuda un hingeés baraá yaamuuine.

YEREMIA 23:3

Naagáy aníng bee/angw'eé' kudá' aa meet un burumbuúr baraá yaamu sleémeerowo, amoodá' ngway diyaá/, ngiri ki/ís baraá qawtanti'ín. Inooín niri laqwaaliyá', niri dooginá'.

YEREMIA 29:14

Aníng kuungá' i sleerá'. Aníng diihhooarhúng ngi ki/ís, nee nuri burumbuúr baraá xoordu sleémeerowo, nee umuú diiro amoodá' nay diyaá/. Nuri ki/ís amoodá' nay diyaa/i, amoodár yaamaá nuy loohatís. Anuú AAKOÓ MUNGÚ tí ngina oó'.›

YEREMIA 31:10

Kuungá' xoórdu, axweesantá AAKOÓ MUNGÚ iiárií qaasaak, ilahaniisaak dír ayeemaá sawene, kudaá iisaapoó tlawi, tawa kata', ‹Aníng muk'eé' oo Israeli una diyaá/, ala daxta un burumbuúr nee un geerahaár, adór de'eemusmo bee/aangós ngur geeraharhaahari.›

WA/AA/I 3:22

Sla'aarír warqawaaká ar AAKOÓ MUNGÚ i baloó fakká, gurtleemuuwós i baloó alhhe'eesoó konká.

WA/AA/I 3:32

Ala timti gurhaamír ar aya, inós iqo gurtleemuú kón, ar har qoomoó yaareemaá sla'aarirós ar warqawaaká.

ESEKIELI 11:17

«Gimáy, daxta baweek, Anuú Aakoó MUNGÚ a kah, Aníng kuungá' nu burumbuúr amoodá' ta hota'a. Nu burumbuúr amór yaamuudá' nay diyaa/i, nuri ki/ís baraá yaamaá múk Israeli.

ESEKIELI 36:24

Aníng kuungá' nu duúx baraá tla/ángw xoordú wa alé, nee nuri burumbuúr baraá yaamaá dah'iimár wa alé, nuri ki/ís baraá yaamuuhúng awa kilá'.

ESEKIELI 39:28

Daqaní ngiri tsaahhiyá' adór aníng tar AAKOÓ MUNGÚ, Munguúín, asma aníng ina tlatlahhaás baraá tla/ángw xoordaá hatlá', nee ngiri male ki/ís baraá yaamuuín. Tam heé wák u geexawaaká baraá tla/ángw xoordaá hatlá'.

MIKA 7:19

Kuúng atén tin malé gurtleér, dakuúsarén kari yaamií kalá/, kuúng tlakweemaarén sleémeero in kwáhh baraá iltá tlawi.

SEKARIA 10:9

Tam aníng inooín iga diyaa/i baraá tla/ángw xoordu, tam adoorihe inooín aníng in baraá ayeemaá sawén wa inslayá', inooín dinkwa nee na/ii'ine niri ki/iyá', tari baraá maray'ín wa hoot.

Rumi 11:23

Ala múk Yahudi sleeme, inooín barnaxes loohir'ín tidár haratlintaao wasl bar kaa máy, inooín ki ki/is didá' kiwa tlaáq. Asma Mungú gi ló'wa aleesláy ngiwa malé hatli.

Rumi 11:26

Daqaní múk Israeli sleémeero i ba/án. Asma kaa gooín, «Ba/amusmo naa hardáh, amór i dahhi a amór Siyoni. Inós dee/anu sleémeero gu hingees dír xwaylár Yakobowo.

Rumi 11:31

Múk Yahudi sleeme a adoodá'. Inooín hám naa dee/aanuutiyé' as adoodá' kuungá' gurtleemu kuwa sleeré'. Nee adoorí ina tleehharút as inooín sleeme gurtleemu kuwa slay aluuwo.

DABE 13:17

Umuú gaaro ar taa daá/ ma taatahhara' dabaahunge as kahhó' AAKOÓ MUNGÚ buhhtaawós kudá' xaraasla' ngiwa may, nee kuungá' nuwa gurtlay. Nee ar gurtleemuwose kuungá' nuwa tlahhasi, ar adoodá' ngira lo'ór wa /aáy dír baabi'iihúng,

DABE 4:27

AAKOÓ MUNGÚ kuungá' nun diyaa/ baraá tla/ángw xoordaá hatlá', nee múk niiná dirhunge iri meet amoodá' AAKOÓ MUNGÚ nay guusi.