DABE 30:2 - Biblía Axweesantá Hhohho' ar Mungú 2004

² nee barnaxes qoomaadae AAKOÓ MUNGÚ, Munguúhúng ugwa i ki/é', kuungá' nee na/iihúng, axweesantós tidá' laarí naa oó' kari iialooeesé' ar munerhúng sleémeero nee qeeremoohúng sleémeero,

DABE 30:2 Iomraidhean Croise

1 QOM'I 29:17

Aníng aga xuú' adór kuúng Munguúeé' muu kur mune tsee/aariín, nee an qwalaalá/ as múk ganaá'. Aníng baraá gan'amuú muunaáeene muruuwí sleémeero nguna haniís ar muunuú /awaák, nee aníng daxta aga ár adór mukwí diirí dirií' kuúng tura ilahhooárí haniís ar muunuú /awaák nee ar qwala/.

1 QOM'I 29:9

Aluuwo muu iri ló'wa qwalalaá/ as adoodá' muruuín nguwa hanmisiyé' ar muunuú /awaák, asma muruuín sleémeero nguna dír AAKOÓ MUNGÚ i hanisiyé' ar muner'ín sleémeero ar muunuú /awaák. Waawutmo Daudi sleeme iri ló'wa qwalaá/.

2 QOM'I 30:9

Kuungá' barnaxes aga ki/é' amór AAKOÓ MUNGÚ, Munguúhúng, hhaeehúng nee na/iihúng kingi gurtláy nee niri ki/iyá' baraá yaamuuhúng. Asma AAKOÓ MUNGÚ, Munguúhúng, ku hhoó' nee i gurtleemuú kón, inós kuungá' nu ilaaoh bura i ki/é'.»

NEHEMIA 1:9

Ala barna ki/é' dir'eé', nee hara'ayar'eé' kari oté' nee kari eehadé', tam mukók kwaa diyaa/i ay baraá alhhe'eesoó yaamu, aníng i burumbuúr amoodá' wa alé, nee ngay huúw ay didá' aníng naa tsawaár ngiwa umueéní qaas.›

WARA'AMI 119:2

Múk amohhoó' a kudá' axweesantá Mungú ngi iialooeemisá', kudá' ngu leelehhiitá' ar muner'ín sleémeero.

WARA'AMI 119:80

Masók kaahirók an óh ar inkihhimu, as aníng mitiwa mureekeés.

WARA'AMI 41:12

Ala ar baraá hhooeemaeene kuúng aníng iga baraá dabaawógí ót, nee iga geeraawógí qás ay kureeraá kureér.

YEREMIA 29:13

Bira leelehhité' i sleerá', qoomár bar iga leelehhité' ar munerhúng sleémeero.

YEREMIA 3:10

Tam adoorihe hhaeeín awa Yuda kudaá al/aymuuse naa amor'eénií ki/i'iiká ar muner'ín sleémeero, aqo har hhahhafiingw kilós. Anuú AAKOÓ MUNGÚ tí ngina oó'.»

YEREMIA 36:3

Doóqa múk Yuda amotlakweedá' ni dir'ín i tleehhár wa slaa' ka axaas, as umuú heewo tlakweemaawós ngiwa may as kahhó' án dakuúsar'ín nee tlakweemaine ngiwa gurtlaw.»

YEREMIA 4:14

Kuungásingá' Yerusalemu, tlakweemaá baraá munerhúng hhohhoeesaak as tunduwa ba/amisi. Ay xaylá muruú tlákw ku aldakwaakuta' baraá munerhunge?

WA/AA/I 3:32

Ala timti gurhaamír ar aya, inós iqo gurtleemuú kón, ar har qoomoó yaareemaá sla'aarirós ar warqawaaká.

WA/AA/I 3:40

Luhduurén ki alqaytaán nee ki aldakwaán, nee ta ki/aán amór AAKOÓ Munguúrén.

ESEKIELI 6:9

Amoodaádae aníng in inslayá' baraá tla/ángw xoorduudá' nay diya/ati'i. Ngiri inslayá' adoodá' ngira slaáhh, asma inooín nina inkihhimu wasleesiyé', niri warqayé', aníng harahhifooro iri mayé', niri warqayé' amór slaqasi'iidá munguaá hatlá', ngiri harahhifiyé'. Gawaá adoorihe inooín tari kilooín aahhiyá' asma tlakweemaín kudá' sleémeero naa tleehhiyé'.

HOSEA 3:5

Aluuwo múk Israeli i kii/, AAKOÓ MUNGÚ Munguúín kway leelehhiit, nee Daudi waawutmooín. De'emaá alhhe'eesaywo niri ki/iyá' amór AAKOÓ MUNGÚ nee hhooeemawós ar ilaiwa/ame.

TLAHHOÓ LAÁWI 26:40

«Ala barnaxes tlakweemaaín ngaa hhu'uu'uné', nee tlakweemaá baabi'ii'ine, gawaá aahhidá' tinda aníng i tleehhi, nee inooín aníng iwa tlampa'aamisiye',

SEKARIA 12:10

«Aníng múk doó Daudi nee yaamuloouusér Yerusalemu i qeeruú i haniís oo firo nee oo gurtleemu, gawaá adoorihe, qoomár kudá' naa mutiyé' burngwa i qaytsitiyé', inooín nguri satsuunqumisiyá', adór hee na/aywós oo kilós ngur santsuunqumisi, inooín nguri sa/a/amná' adór heé na/aywós oo baris ngur alee/aa/amaamin.

2 korinto 3:16

Ala qoomár bar hee aa warqáy amór Aako, warqamoodá' kun sangw hingees.

Efeso 6:24

Tsuuqaá Mungú masók i dír muu sleémeero, kudá' Aakoorén Yesu ngu sla'á' ar sla'aarír faakaaká.

DABE 13:3

axweesanoó aaruusér adór tí mu iiárií qaasara', laqaá heé adoorír tlatitiím mu iiárií qaasara'. Asma AAKOÓ MUNGÚ, Munguúhúng inooín gin ar gadiyuus as kuungá' nuwa iiari, as inós ngiwa xu'utír wa slai, áx kuungá' inós u ló'wa sla'á'a ar munerhúng sleémeero nee qeereemoohunge.

DABE 6:5

AAKOÓ MUNGÚ, Munguúwók slaeek ar muunaáwók sleémeero, nee ar qeeruuwók sleémeero nee ar /uuruuwók sleémeero.

1 Yohana 1:9

Ala tlakweemaarén bira hhu'uu'umaán, inós an kudá' axweesantós boo/eemiís, nee kudá' gan'amuú koóm, inós tlakweemaarén aqo gin gurtláy, tiri hamaatl muruú tlákw sleémeero kudá' ta tlehhahhitaana.