DABE 30:19 - Biblía Axweesantá Hhohho' ar Mungú 2004

¹⁹ Aníng laarí doori nee yaamu i ateét tawa lamabu'uuse adór aníng slafiingw nee gwa'araro, nee tsuuqa nee lo'ooro ngira dír geeraahúng i qaás tawa tsawdiinda'. Gimsé' slafiingw tsawaraak, kuungá' nee na/iihunge, as tawa hota'.

DABE 30:19 Iomraidhean Croise

IIMU/UUNGW 2:17

ala mamaá xa'anoó xu'utír muruú hhó' nee oo tlákw, mi /ayaar, asma bál mamaá xa'anoowí bira /ák xueek, a gwá'.»

WARA'AMI 119:111

Adoodá' i babeer aalir'eé', dir'eene ka afhhamít, eeít, a qwal/amaayér muunaáeé'.

WARA'AMI 119:173

Umuú daqto masók taa amohhe'és aníng iwa alee/is, asma hara'ayarók aga tsawaár.

WARA'AMI 119:30

Aníng inkihhimu ugwa tsawaár, nee tidá' kuúng ta kat an aldakuút.

AXWEESANOÓ SAGALOOA 1:29

Asma kuungá' xu'uti ana ahhé', slám AAKOÓ MUNGÚ kuwa ilaiwawa/a' aga tsawdi'iiká.

AXWEESANOÓ SAGALOOA 12:28

Baraá lohdaá ganaa'a'a slafiingw i deer. Ala loohír tlakweema hee gun qwaarés.

AXWEESANOÓ SAGALOOA 8:36

Ala heé aníng iga dakuus, a tin kilós slahh'eemiis. nee heé aníng iga aahh, a gwa'ara gana waatlakweés.»

AXWEESANOÓ SAGALOOA 9:11

Ar alee/isay'eene kuúng an hotaatiín, nee kureeraá slafiingók nari tlahhiyá'.

ISAYA 1:2

Iia qaasaak kuungaá doóri, iia qaasaak kuungaá yaámu, asma AAKOÓ MUNGÚ aa axweés, iwa kaahi, «Na/ii ina /aymiís nee ina umiím, ala iga aldee/anuutiyé'.»

ISAYA 56:4

Asma AAKOÓ MUNGÚ i kaahi, «Mukdá' taa karmuumúy kudá' deelór Sabaáto ngi boo/eemisá', kudá' adoodá' aníng ni slaa' ngi tlehhiitá', kudá' alqador'eé' ngaa oohiye'.

YEREMIA 21:8

Kuúng Yeremía, mukwí ku beer, AAKOÓ MUNGÚ i kaahi, «Ga/aawaak, aníng kuungá' naa pa/ángw tsawdoórí haniís, ar loohír slafiingw kawa ota', laqaá loohír gwa'ara.

YEREMIA 32:39

Aníng inooín in muunuú wák i haniís nee loohír wák, as kahhó' aníng iwa ilaiwawa/iya' umuú daqto, as kahhó' aníng inooín ngiwa hhooeemáy tleehh nee na/ii'ine.

YEREMIA 42:21

Laarí tidá' aníng taa báy, ngaa oó', ala kuungá' afór AAKOÓ MUNGÚ, Munguúhúng baraá umuúqo gár naa aníngí ooi, aníng ngiri dirhúngí oó', kuungá' aga iialooeesi'iiká.

ESEKIELI 20:11

Ina kaahir'eéní i haniís ngiri intsaahhatís daber'eene, tidá' handá' hee birnga eehár in hoot.

Luka 10:42

Ala gár slahhaa' a wak kilós. Maria gár hhoo' gana tsawát, tidá' ta baloó hingeesiiká dirose.»

Tlehhema'aá ya/Abuuse 2:39

Asma al'axweesantí a toohúng, nee ar na/iihúng, nee ar muu sleémeero oo sawén, kudá' sleémeero Aakoó Munguúrén i ateeti as nguwa i hardihiya'.»

DABE 11:26

«Ti ló'wa harmagahhe', aníng laarír kilae tsuuqa nee lo'o ngi qaás dír geeraahúng.

DABE 30:1

«Qoomár kuungá' bar baraá tla/ángw xoordudá' i dir'á', kudá' AAKOÓ MUNGÚ Munguúhúng nu i diyaá/, nee bar kaangwí sleémeero naa sláy, tsuuqaaká' nee lo'ooro kiri insleeré', kuká' laarí naa dír geerahúng i qaás as tawa tsawdiinda',

DABE 30:15

«Ga/aaweek laarí aníng slafiingw nee gwa'ara nee diihhooa nee amotlakweero ngaa dír geerawók i qaás as tawa tsawdiin.

DABE 30:16

Barnaxes hara'ayár AAKOÓ MUNGÚ, Munguúwók aga ilaiwá/, tidá' laarí ni kuúng babaw, kuúng AAKO MUNGÚ Munguúwók kuri slá', loohirós kari eehát, kaahirós kari ót, nee dabeerose, nee hara'ayarose, kuúng daqaní a hót tari doogiín. Nee AAKO MUNGÚ, Munguúwók, kuúng turi tsuuq baraá yaamuudá' tay hotaá eer as kiwa al.

DABE 31:17

Baalaadae aníng inooín ngiri i daa/atúw buhhtaawo, aníng ngiri geexáw, ngiri alaá xu'ús, inooín kiri hhaamiis. Slahh'amaayér yaariir giri sleér, nee ngiri tsaahhiyá' adór gár slahh'amuudá' ngusa slayé' a as Munguúín tawa dinkwaarooká nee inooín.

DABE 31:28

Gimsé', bariisér tlahhi'iihúng burumburaare', nee geeraharuuseero, as aníng kaangwí nguwa oo' baraá iiaaín, nee aníng doori nee yaamu in ateét ngiwa lamabu'una'.

DABE 32:1

«Aá doóri, kuungá' iia qaasaak, aníng a axweés. Aá yaámu, axweesanoó ni axwees iiárií qaasaak.

DABE 4:1

Mose axweesanto iri kumiít iwa kaahi, «Gimsé', kaahi nee hara'ayaarí ni kuungá' í intsaahhatimis ooha hhe'eesaak, nee adoodá' i kat ka tlehhitá' as tawa slafa', nee yaamuudá' AAKOÓ MUNGÚ, Munguú baabi'iihúng naa kuungá' i haniís kiwa ala'.

DABE 4:25

«Barnaxes hota iga iimu/uundé' baraá yaamuudae, na/ii kiri laqwalé', nee nángw naangw, tari dimadiindé', tari hhitirumité', slaqsi'i kiri dakutá' as tawa Munguúhúng, muruú tlákw kuri tlehhitá' dír geeraá AAKOÓ MUNGÚ, Munguúhúng, nee kuri buhhtisé',

DABE 4:26

aníng laarí Munguú doori nee yaamu un ateét as tawa lamabu'usmo daanduuhunge, aníng kuungá' nun babaw, kuungá' a hhaandá' wa'aá wák ar ale baraá yaamuudá' ta ala'a amoodár gayuú yaaér Yordani. Kuungá' a tleeresaaká amoodae, aqo tundun ló'wa hhaamiis.

DABE 4:6

Dabeerí nee hara'ayaro oohaak, ka boo/esá', asma adoorí bara tlehhé', xoordaá hatlá' kaahirí birnga axaasiyé', inooín ngiri tsaahhiyá' adór kuungá' tar múk sagalooár koóm nee fuquraango, tari ooi, ‹Tí ar tsuwa ló' xooroorí ur sagalooa nee fuqurango ngi koná'.›

DABE 6:2

Qooma sleémeero ar kuungá' tawa slafa', a hariindá' AAKOÓ MUNGÚ, Munguúhúng kuwa ilaiwawa/a' nee dabeerós sleémeero kawa iialooesa', nee hara'ayaadá' aníng naa dirhúng i hara'ayiím. As kahhó' kuungá' nee na/iihúng nee na/aá na/iihúng hotaá tleerá' kiwa sleera'.

1 Timoteo 5:21

Án kuúng u hara'ayiím dír geeraá Mungú wa ale nee dír geeraá Kristo Yesu, nee dír geeraá malaykeerós tidá' hhohho' un baw, hara'ayaarí na eehareek baraá umuúqo gaaro ar barqaanti wasle dír umuúqo heewo.