DABE 30:15 - Biblía Axweesantá Hhohho' ar Mungú 2004

¹⁵ «Ga/aaweek laarí aníng slafiingw nee gwa'ara nee diihhooa nee amotlakweero ngaa dír geerawók i qaás as tawa tsawdiin.

DABE 30:15 Iomraidhean Croise

IIMU/UUNGW 2:17

ala mamaá xa'anoó xu'utír muruú hhó' nee oo tlákw, mi /ayaar, asma bál mamaá xa'anoowí bira /ák xueek, a gwá'.»

AXWEESANOÓ SAGALOOA 12:28

Baraá lohdaá ganaa'a'a slafiingw i deer. Ala loohír tlakweema hee gun qwaarés.

ISAYA 1:19

Bar aga ya/aandé' nee tay iialooeesé', daqaní hhooeemaá yaamu i /agá'.

YEREMIA 21:8

Kuúng Yeremía, mukwí ku beer, AAKOÓ MUNGÚ i kaahi, «Ga/aawaak, aníng kuungá' naa pa/ángw tsawdoórí haniís, ar loohír slafiingw kawa ota', laqaá loohír gwa'ara.

YEREMIA 42:21

Laarí tidá' aníng taa báy, ngaa oó', ala kuungá' afór AAKOÓ MUNGÚ, Munguúhúng baraá umuúqo gár naa aníngí ooi, aníng ngiri dirhúngí oó', kuungá' aga iialooeesi'iiká.

MIKA 6:8

Aá heewí, AAKOÓ MUNGÚ gár kuúng wa hariim tlehhmuuwo ngaa laqán. AAKOÓ MUNGÚ gár i slai a tí: Gan'amu kuwa tlehh, hhooeema kiwa sla', nee tawa hot dinkwa nee Munguúwók ar tiwa niinaweemis dír geeraawose.

Marko 16:16

Oo gaa haratlintatii' kway baatiís ba/ama ga sláy. Oo gaa haratlinti'iiká ku sakwasleemuut.

Yohana 3:16

Asma Mungú múk baraaká' yaamu guna ló'wa slaá', tam Garmaawós oo kilós nguri haniís, as umuúqo heewo oo inós gwa haratlintii', miwa qwaár, ala masók slafíngw alhhe'eesay wásl gun sláy.

Galatia 5:6

Asma hee barnaxes i baraá Kristo Yesu, dirose al/utlo a gaarooká, laqaá tam kwa al/utliiká a gaarooká. Ala gár afhhamít a haratlintaao, tidá' ti laqaqaam ar sla'aari.

DABE 11:26

«Ti ló'wa harmagahhe', aníng laarír kilae tsuuqa nee lo'o ngi qaás dír geeraahúng.

DABE 30:1

«Qoomár kuungá' bar baraá tla/ángw xoordudá' i dir'á', kudá' AAKOÓ MUNGÚ Munguúhúng nu i diyaá/, nee bar kaangwí sleémeero naa sláy, tsuuqaaká' nee lo'ooro kiri insleeré', kuká' laarí naa dír geerahúng i qaás as tawa tsawdiinda',

DABE 30:14

Aasla'áy, ala /aymu ku ló'wa dirhúng i tseéw, i gawaá aferhúng nee i baraá munerhúng, as kuungá' kuwa boo/esa'.

DABE 30:19

Aníng laarí doori nee yaamu i ateét tawa lamabu'uuse adór aníng slafiingw nee gwa'araro, nee tsuuqa nee lo'ooro ngira dír geeraahúng i qaás tawa tsawdiinda'. Gimsé' slafiingw tsawaraak, kuungá' nee na/iihunge, as tawa hota'.

DABE 32:47

Dabeerí a tlooraá taworooká dirhunge, ala an slafingwhúng oo kilá'. Kuungá' nu hotaá tleerá' ar eér baraá yaamuudá' ta aalír eera' amoodár gayuú yaaér Yordani.»

1 Yohana 3:23

Hara'ayaarós a tí, Garmaawós Yesu Kristo ku haratlintiaán, nee atén nee hhaeerén ti sla'asla'aané' adoodá' tira hara'ayín.