DABE 30:1 - Biblía Axweesantá Hhohho' ar Mungú 2004

¹ «Qoomár kuungá' bar baraá tla/ángw xoordudá' i dir'á', kudá' AAKOÓ MUNGÚ Munguúhúng nu i diyaá/, nee bar kaangwí sleémeero naa sláy, tsuuqaaká' nee lo'ooro kiri insleeré', kuká' laarí naa dír geerahúng i qaás as tawa tsawdiinda',

DABE 30:1 Iomraidhean Croise

IIMU/UUNGW 4:14

Ga/aaweek, laarí iga gús baraá yaamukae, slám iga gús amór saáwí alé dír geeraawoge. Aníng a heé tawó hi'imaamiít, oo doó koomaaká baraakaá yaamuwo, slám umuúqo heé i ara aqo in gaas.»

1 WAAWITÁ 8:34

na'ás, iiarií qaaseek gawaá doorí wa alé, tlakweemaá mukók Israeli gurtlaweek, daqaní ki ki/ís baraá yaamuudá' taa baabi'ii'ín i hanís.

2 QOM'I 30:9

Kuungá' barnaxes aga ki/é' amór AAKOÓ MUNGÚ, Munguúhúng, hhaeehúng nee na/iihúng kingi gurtláy nee niri ki/iyá' baraá yaamuuhúng. Asma AAKOÓ MUNGÚ, Munguúhúng, ku hhoó' nee i gurtleemuú kón, inós kuungá' nu ilaaoh bura i ki/é'.»

NEHEMIA 1:9

Ala barna ki/é' dir'eé', nee hara'ayar'eé' kari oté' nee kari eehadé', tam mukók kwaa diyaa/i ay baraá alhhe'eesoó yaamu, aníng i burumbuúr amoodá' wa alé, nee ngay huúw ay didá' aníng naa tsawaár ngiwa umueéní qaas.›

ISAYA 46:8

Kaangwí inslawaak nee ku aldakwá'. Axáy malé aldakwaak kuungaá tlakuuse.

YEREMIA 29:14

Aníng kuungá' i sleerá'. Aníng diihhooarhúng ngi ki/ís, nee nuri burumbuúr baraá xoordu sleémeerowo, nee umuú diiro amoodá' nay diyaá/. Nuri ki/ís amoodá' nay diyaa/i, amoodár yaamaá nuy loohatís. Anuú AAKOÓ MUNGÚ tí ngina oó'.›

YEREMIA 3:13

Kuungá' tlakweésarhúng kilós na hhu'uu'umaak, tidá' anuú AAKOÓ MUNGÚ, Munguúhúng, iwa ahhé', nee munguaá hatlá' kiwa slaé' sluufmisuuwo dír umuúqo gamuú xa'anoó loo/o naa/e, nee afor'eé' kari iialooesi'iiká. Anuú AAKOÓ MUNGÚ tí ngina oó'.

YEREMIA 8:3

Panaay sleémeero oo daa'awtá mukwí tlákw umuú dír i dirii'i gwa'ara kari fitlín ta slafiingo. Anuú AAKOÓ MUNGÚ Aleesleemusmo tí ngina oó'.»

ESEKIELI 18:28

Asma inós gár ganaa' gana aldaákw, nee tlakweemaawós giri máy, kwí aqo in tsuwa hoot, i gwaiiká.

ESEKIELI 6:9

Amoodaádae aníng in inslayá' baraá tla/ángw xoorduudá' nay diya/ati'i. Ngiri inslayá' adoodá' ngira slaáhh, asma inooín nina inkihhimu wasleesiyé', niri warqayé', aníng harahhifooro iri mayé', niri warqayé' amór slaqasi'iidá munguaá hatlá', ngiri harahhifiyé'. Gawaá adoorihe inooín tari kilooín aahhiyá' asma tlakweemaín kudá' sleémeero naa tleehhiyé'.

SEKARIA 10:9

Tam aníng inooín iga diyaa/i baraá tla/ángw xoordu, tam adoorihe inooín aníng in baraá ayeemaá sawén wa inslayá', inooín dinkwa nee na/ii'ine niri ki/iyá', tari baraá maray'ín wa hoot.

Luka 15:17

Ala qoomár inós tiwa baraá muunaáwósí aldakuút, iri oó', ‹Sagadiyuusér dír doó baabuúeé' wa gadiyuus a magá', ar gwaeemaá gixaw, nee án qwari i baraaká' wa gaamiis.

DABE 28:28

AAKOÓ MUNGÚ kuúng un slaahh ar slahhtá tawa slarhhamut, kuúng tari taampút nee tari saga hhitirút.

DABE 28:64

«AAKOÓ MUNGÚ kuúng un diyaa/ baraá tla/ángw xoordu sleémeero iimír bihhaá wák awa yaamu ay bihhaá hatlá'. Amoodae munguaá hatlá' awa xaai nee tlaa/e kiri sagadiyús, awa kuúng ta xu'uká, laqaá baabi'iiwók.

DABE 29:27

Gawaá adoorihe, AAKOÓ MUNGÚ buhhtaawo ina daa/atúy daanduú yaamuuká', nee lo'oodá' sleémeero taa gooín baraá kitaábuuwí, yaamuuká' giri /ák.

DABE 29:28

AAKOÓ MUNGÚ giri tlatlahhaás baraá yaamuuín wa ale ar buhhtaá xaraasla', giri kwaáhh baraá xoordaá hatlá' adoodá' hamí laarí i dirii'iya'.›

DABE 30:15

«Ga/aaweek laarí aníng slafiingw nee gwa'ara nee diihhooa nee amotlakweero ngaa dír geerawók i qaás as tawa tsawdiin.

DABE 30:19

Aníng laarí doori nee yaamu i ateét tawa lamabu'uuse adór aníng slafiingw nee gwa'araro, nee tsuuqa nee lo'ooro ngira dír geeraahúng i qaás tawa tsawdiinda'. Gimsé' slafiingw tsawaraak, kuungá' nee na/iihunge, as tawa hota'.

DABE 32:36

Looeemaawo AAKOÓ MUNGÚ mukós gu alekalaa/, sagadiyuuseerós ga gurtláy, qoomár birnga ár /uureemooín naa faakiyé', nee birnga ár heé meét i kaahh, oo lawaalmo nee lawaalmoowooká.