DABE 3:28 - Biblía Axweesantá Hhohho' ar Mungú 2004

²⁸ Ala kuúng Yoshua ku hara'arií ó', miwa mune sií' nee i /atli, asma inós mukwí gu geerahaar ay gayuqá', nee yaamuuqá' kuúng taa aán ngiwa aaliya'.›

DABE 3:28 Iomraidhean Croise

1 QOM'I 22:6

Naagáy Daudi garmaawós Solomon guri ateét as doó AAKOÓ MUNGÚ, Munguú Israeli, nguwa tleehhi.

1 QOM'I 28:20

Aluuwo waawutmo Daudi garmaawós Solomon guri báy, «Gimáy, piíhh muuna hhe'eés, gadiyeérí tleehheek, ma da'ayuumitaar laqaá ma amoqwaqwadiimar, asma AAKOÓ MUNGÚ, Munguúeé', i dinkwa nee kuúng. Inós kuúng u baloó geexayká, laqaá u baloó mayká ay dír gadiyeé sleémeero ar doó AAKOÓ MUNGÚ i hhooeer.

Yohana 1:17

Asma hara'aya kana haniís ar dákw Mose, ala gurtleemu nee looeema nina hardihiyé' ar dákw Yesu Kristo.

Tlehhema'aá ya/Abuuse 7:45

Aluuwo bariiseerén heémarí gari ilaaót dír baabi'ii'ín wa ale. Kari gagaarín qoomár kiwa geeraharahari nee Yoshua. Qoomaadae Mungú múk xoordu guri guús geeraá baabi'iirén wa ale. Baabi'iirén niri dahiyé' baraá yaamuudá', yaamuudá' ngiri hayohiyé'. Heémadá' iri hotaatiín baraá yaamuudá' wa ale ay qoomár Daudi.

DABE 1:37

AAKOÓ MUNGÚ sleeme aníng iri i buúhh as kuungá', iri oó', ‹Tam kuúng Móse a datká baraá yaamuudá'.

DABE 1:38

Ala alee/isusmoowók Yoshua garmoó Nuni in dah baraá yaamuudá'. Gimáy, inós i axweeseek miwa mune sií', asma inós múk Israeli gun baraá yaamuudá' i hardahaas as ngiwa aaliya'.›

DABE 31:23

Naagáy AAKOÓ MUNGÚ Yoshua garmoó Nuni guri báy, «Gám piíhh, nee ilakaahareés, asma kuúng múk Israeli un geerahát, baraá yaamuudá' aníng naa lo'ór wa /aáy ngiwa haniis dír baabi'ii'ín. Aníng a dinkwa nee kuúng.»

DABE 31:3

AAKOÓ MUNGÚ, Munguúhúng inósuú kilá' nun geerahaar nee mukdá' baraadá' hoót guri hhaamiis, as yaamuudá' kiwa ala'. Yoshua sleeme kuungá' nun geerahaar adoodá' AAKOÓ MUNGÚ ngira oó'.

DABE 31:7

Naagáy Mose Yoshua guri ateét dír geeraá múk Israeli, guri báy, «Gám piíhh, nee ilakaahareés, asma kuúng nee mukwí un geerahát ay baraá yaamuudá' AAKOÓ MUNGÚ aa lo'ór wa /aáy ngiwa haniisi dír baabi'iihúng, nee kuúng ki baraadií dahás ngiwa aaliya'.

Ebrania 4:8

Yoshua geeraawo bar muu ngwa dahaás baraá hungu/umaá ló', Mungú geera kángw baalár hatlá' ngwa ooiiká.

YOSHUA 1:2

«Sagadiyusmooeé' Mose aa gwaá'. Gím daxta tláw, kuúng nee múk Israeli sleémeero, yaaér Yordani waarahhaak, ta datá' baraá yaamuudá' aníng ni haniis dír xoorór Israeli.