DABE 3:20 - Biblía Axweesantá Hhohho' ar Mungú 2004

²⁰ Hhaeehúng awa múk Israeli alee/iisaak ay dír AAKOÓ MUNGÚ ngway amohhooárí haniisi, adór kuungá' amohhooa kara sleeré' as inooín sleeme yaamuudá' AAKOÓ MUNGÚ, Munguúhúng naa haniís gayuú yaaér Yordaniro /uwa ngiwa aaliya'. Alaá tihe daqaní kuungá' ta ki/á' baraá yaamuuhúng kudá' naa haniís as tawa koohúng.›

DABE 3:20 Iomraidhean Croise

FAARO 32:18

Atén a watlanaaká amór marayrén ay dír múk Israeli sleémeero wa/aameedá' ta qasiisi ngi aaliya'.

FAARO 32:22

nee yaamu ngiri hayotá', adoorí bara hhe'esé', ni ki/á', asma daqaní hariímarhúng aga hardahasé' dír geeraá AAKOÓ MUNGUHE nee dír múk Israeli kukaá hhaeehúng. Daqaní AAKOÓ MUNGÚ yaamukaá da/aáw hará' Yordaniro ngi haniis tawa koohúng.

DABE 12:9

Asma aga dati'iiká didá' tawa hungu/usa, nee baraá yaamuudá' ta ala', kudá' AAKOÓ MUNGÚ, Munguúhúng, nuy haniisi.

DABE 3:21

«Naagáy Yoshua nguri báw, ‹Kuúng kaangwí ilaawoge ugwa aán sleémeero adoodá' AAKOÓ MUNGÚ, Munguúwók aa tleéhh dír waawitaáwí tsare, Sihoni nee Ogu. Ala inós sleeme waawitaádú yaamuudá' sleémeero tar waarahha' gin adoorí laaq.

YOSHUA 1:15

Alee/iisaak ay dír AAKOÓ MUNGÚ yaamaá hhaeehúng tay hungu/uusi ngay haniisi, adór koohúng ngira haniís, inooín sleeme yaamaá AAKOÓ MUNGÚ, Munguúhúng, aa haniís kin aal, daqaní kuungá' tari ki/á' amór yaamuuhúng kudá' tinda haniís nee Mose sagadiyusmoó AAKOÓ MUNGÚ kudá' bihhaá da/ií diriiá' yaaér Yordaniro as kiwa ala'.»

YOSHUA 22:2

Giri báy, «Kuungá' muruudá' Mose, sagadiyusmoó AAKOÓ MUNGÚ, naa báy ugwa qoomesé' nee afor'eé' kuungá' aga iialooesé' baraá tidá' naaqo ooi.

YOSHUA 22:4

Nee hamí AAKOÓ MUNGÚ, Munguúhúng hhaeehúng gaa waydií haniís ar adoodá' ngira al'axweés. Gimsé' daxta kuungá', ki/é' baraá yaamuuhúng kudá' Mose sagadiyusmoó AAKOÓ MUNGÚ naa haniís kiwa ala', kudaá gayuú da/aáw yaaér Yordaniro.

YOSHUA 22:8

Giri báy, «Hám a watlá' ar daqaari'iimár yaariir, tidá' naa haasaáng wa hubé' amór wakuuserhúng wa alé. Muruuwí qasmiisaak nee hhaeehúng, hikwa nee peésa nee sahaábu nee muqslár sirdaa/aten nee muqslár hatlá' nee tlabaá yaariire.»

YOSHUA 22:9

Naagáy múk tlahh'aá Reubeni nee oo Gadiwo nee tlaqtadár tlahhoó Manasewo tari paraatliyé' nee tlahh'aá hatlá' awa Israeli dír Shílór wa ale baraá Kana'ani. Tari waátl ay ayaaín kudá' Mose aa dir'íní haniís oo Gileadi, tawa aalir'ín ar adoodá' AAKOÓ MUNGÚ Mose ngura hara'ayín.