DABE 29:9 - Biblía Axweesantá Hhohho' ar Mungú 2004

⁹ Gawaá adoorihe ilakaaharu tleehhaak alqadoorí kawa ota', as kahhó' kuungá' diihhooa kawa sleera' baraá gadiyeduuhúng sleémeero awa taqo tlehhita'a.

DABE 29:9 Iomraidhean Croise

1 WAAWITÁ 2:3

Hara'ayár AAKOÓ MUNGÚ, Munguúwók ooheek, loohirós na eehareek, kaahirós na ooheek, nee hara'ayarose, nee dabeerose, nee lamabu'uungose, adoodá' kara gooín baraá hara'ayár Mosewo. As kahhó' umuúqo gár ta tlehha iwa ya/aan nee amór taqo keera,

2 QOM'I 20:13

Qoomaadae hhawaate sleémeero awa Yuda dinkwa nee tlaaway'ine nee na/ii'ine tana sihhiít dír geeraá AAKOÓ MUNGÚ.

2 QOM'I 31:21

Umuú gadiyér aa qo tleehhi baraá doó Munguhe ar adoodá' dabe nee hara'aya ngir kat, as geeraharu'uumár Munguúwós ngiwa eehari, gadiyeé gana tleéhh ar muunaáwós sleémeero, nee gari aleesláy.

WARA'AMI 25:10

AAKOÓ MUNGÚ mukdá' alqadoorós ga ohiím nee axweesantose, gun geeraharahaar ar sla'aarirós ar warqawaaká nee inkihhimuwose.

YEREMIA 50:5

Loohír gixsár Siyonír kaw kari yaahaas, amooqaqae gur'er'ín nga amoodá' xu'usiyé' tawa kaahi, ‹Qwalaas, ti haragwaa'aán nee AAKOÓ MUNGÚ baraá alqadoodá' alhhe'eesay wasl, tidá' baloó gunqarutaaká.›

Luka 11:28

Ala Yesu gari báy, «Geera tsiní bar kat, ‹Múk amohhoó' an kudá' axweesantá Mungú ga axamiís nee ga iialooeemiís.› »

DABE 29:1

Kaangwí an axweesanoó alqadór AAKOÓ MUNGÚ oo Mose nguwa hara'ayín nguwa tleehhi dinkwa nee múk Israeli, qoomár tawa baraá yaamaá Moabu i dirii'i, dinkwa nee alqadoodá' AAKO MUNGÚ aa tleehhi dír tloomár Horebu wa ale.

DABE 29:10

«Hám laarí kuungá' aga sihhté' dír geeraá AAKOÓ MUNGÚ, Munguúhúng, kuungá' sleémeero awa geeraharuusér tlahhi'i nee bariiseero, nee geeraharuuserhunge,

DABE 31:12

Muu sleémeero dinkwárí burumbureek, hhawaate nee /ameenaaro nee na/iiwo, dinkwa nee hoomár baraá gixsaduuhúng wa hoota, as kahhó' ngiwa axaasiya' nee ngiwa intsaatsahhiya' nee AAKOÓ MUNGÚ, Munguúhúng nguwa ilaiwawa/iya', nee axweesanoó dabeerí nguwa harmagaahhiya' ooharo.

DABE 4:6

Dabeerí nee hara'ayaro oohaak, ka boo/esá', asma adoorí bara tlehhé', xoordaá hatlá' kaahirí birnga axaasiyé', inooín ngiri tsaahhiyá' adór kuungá' tar múk sagalooár koóm nee fuquraango, tari ooi, ‹Tí ar tsuwa ló' xooroorí ur sagalooa nee fuqurango ngi koná'.›

DABE 5:3

Inós alqado gaa tleehhiiká nee bariiserén kilós, ala alqado gana tleéhh nee ateéká' slafá' hám laarí.

YOSHUA 1:7

Gimáy piíhh nee ilakaahareés ló'wa ale, nee dabe sleémeero na boo/eeseek adoodá' sagadiyusmooeé' Mose ngira kuúngí hara'ayín. Ma warqawaar laqaá ma bihhií paslaar, daqaní arba/ati a sleér amór taqo keera.

YOSHUA 1:8

Kitaábuuwí oo dabe umuú qoomaaro soomuuseek. Nee intsaatsahheek tlatla/aangw nee xweeraawo, ala gár taaqo gooini baraá kitaábuuwí ale boo/eeseek. Daqaní kuúng amohhooa a sleér nee diihhooa baraá hotangoge.

YOSHUA 24:1

Aluudae Yoshua xoorór Israeli gari ateét baraá yaamaá Shekémúrí ale, dinkwa nee bariiser'ine nee geeraharuuser'ine nee har'ohuuser'ine nee múk urén oo Israeliwo. Nari hardihiyé' dír geeraá Mungú.

YOSHUA 8:35

Baraá axweesanaydá' Mose aa gooini tam /aymuú wák oo Yoshua aa soomusiiká i kaahh dír múk Israelírí ale dinkwa nee /ameenaaro nee na/iiwo nee hoomaadá' baraá tla/angw'ín hoota.