DABE 29:4 - Biblía Axweesantá Hhohho' ar Mungú 2004

⁴ Ala tam ay laarí AAKOÓ MUNGÚ fuqurángw muruuwí kur tsahha' nee ilaá tar xumisa', nee iaá tar axasa' nga hanisiiká.

DABE 29:4 Iomraidhean Croise

TI'INAANGW 16:35

Xoorór Israeli muruú /aymaadár maána nguna /aa/ayiyé' ay kureeri mibeeri tsiyáhh, ay ngar wa hardihiyé' yaamuudá' hariimá' hotaawo digmuú yaamaá Kana'ani.

AXWEESANOÓ SAGALOOA 20:12

Iiár axamiis nee iltá xumiis, sleémeero tsaraawo a AAKOÓ MUNGÚ gina tleéhh.

ISAYA 63:17

Aá AAKOÓ MUNGÚ, ahaá waáy atén misti paslmís baraá lohduuwoge, muneerén masa gawdeemís kuúng uri ilaiwawa/anaaká. Ki/áng as daanduú sagadiyuuseerók. As tlahh'iidaá aaliirók.

ESEKIELI 12:2

«Heewí, kuúng dír ta hot a dír tla/ángw múk aa dee/anumiit. Inooín i ilaá koná' ala i xumisiaaká, i iaá koná' ala i axamisiaaká.

ESEKIELI 36:26

Aníng kuungá' nun muunuú /abén i haniís, nee qeeruú /abén nguri qaás baraahúng i alé. Muunuúdá' gawít baraahunge oo adór tlaa/ano un hingeés, nee nuri muunuú ilaiwa/amér i haniís.

Yohana 8:43

Ala tí án ni kah mas tsatsahhaanda'aaká? Asma kuungá' axweesante'eé' iiárií qaasaro a aleesleera'aaká.

2 korinto 3:15

Tam laarí sleeme qoomár inooín kitaaba'aá Mose birki soomuus, warqamoodá' fuqurangw'ín gun tuuntukún.

Efeso 4:18

nee fuqurangw'ín i baraá giwtír i dirii'. Inooín dir'ín i káhh baraá slafingwdá' Mungú i haniisi. Asma inooín gár i xuiya' i káhh, slám ta ilaiwa/amér konká.

DABE 2:30

«Ala Sihoni waawutmoó Heshboni ina sií' tawa baraá tla/ángw yaamuuwós ar waarahhaan. Asma AAKOÓ MUNGÚ, Munguúhúng guna sagagawdeés, nee guna muuná gawdeés, as atén kuwa baalaan, nee yaamuuwós kiwa hayohaan, kuká' hamí laarí ta /ayaan.

DABE 2:7

«Gimsé', inslawaak adór AAKOÓ MUNGÚ, Munguúhúng kuungá' nura tsuúq baraá umuú gaaro ar taa tlehhi'i. Kuungá' nuna de'én qoomár tawa baraá xaanxaywí úr wa tongaanusa'. Inós ina hoót dinkwa nee kuungá' har afiqoomár kureeriiká' mibeeraá tsiyahhe, nee kuungá' gár nuwa /aaruur i káhh.

2 Timoteo 2:25

Slám masók inós a heé tsatsa'aár, qoomár bar i mukdá' inós tlampa'aamiís qwatsín. Asma Mungú dooqa mukwí gu hhu'u'úngw i haniis, nee looeema ngiri tsaahhiyá',