DABE 29:29 - Biblía Axweesantá Hhohho' ar Mungú 2004

²⁹ «Muruú naaqo oo AAKOÓ MUNGÚ, Munguúrén, ala muruudá' taa geehhooatís a koorén nee na/iirén ay alhhe'eesay wasle, as axweesanoó dabeerí kuwa harmagahhaan.»

DABE 29:29 Iomraidhean Croise

IIMU/UUNGW 41:16

Yosefu iri oó' dír Farao, «Aníng aleesleemu u koomaaká, ala Mungú inósuú kilá' tlataawók ngi waagweer ar adór wayduú huuw.»

YOBU 28:28

Mungú hee guri báy, ‹Ga/aaweek, Aako bur ilaiwaawá/ an sagalooa, nee tsaahha a tin parátl dír tlakweemaawo.› »

WARA'AMI 25:14

AAKOÓ MUNGÚ a mulqumoó mukdá' inós gu ilaiwawaá/, nee inós giri intsaahhatimis dabér alqaduuwose.

AXWEESANOÓ SAGALOOA 25:2

Xirfuú Mungú a gaa lu/a, ala xirfuú waawutmo a gaa xuuxuua.

AXWEESANOÓ SAGALOOA 3:32

AAKOÓ MUNGÚ múk tlákw gu aahh, Ala lu/aráywós i dinkwa nee múk tsaen.

ISAYA 8:20

Ala kuungá' inooín ki beera', «Gár Mungú kuungá' nuwa intsaahhatamiisi na iiárií qaasaak, gi'i mi iiárií qamimara', asma gár hhoo' ngi aain'aaká.»

YEREMIA 23:18

Dír aaruuseerihe aarusmoó aa daqay dír kwasleemár Mungú gaálaay? Oo axweesantós gaa axaas nee gari tsaáhh? Laqaá oo axweesantós gaa iiárií qaas?

DANIELI 2:22

Axweesanoó bó/ nee oo lu/aaráy gun geehhooees, gár baraá ma/ami ga xuu' nee gwa/aateema i dirós i dirii'iyá'.

DANIELI 4:9

Aá Belteshasa, kuúnguduú qwaslaarmoó úr dír qwasleeriwo. Aníng a xuú' adór qeeruú munguiidá' hhohho' ir baraawók, nee a xuú' adór naaqór ta waagwetká ir káhh. Gaarí an tlataaeé', kuúng dir'eénií waagweerang.

AMOS 3:7

Ar tsuuwa ló', Aakoó MUNGÚ gaa ga tawo tleehhiiká, bar naaqoorós ngaa geehhooeesiiká dír sagadiyuuseerós tidár aaruuse.

Matayo 13:11

Yesu giri i ilawaáts, giri báy, «Kuungá' naaqór waawuti'iimár doori aga xue'. Ala inooín ka xuiiká.

Matayo 13:35

as /aymuuduú aarusmo aa oó' iwa boo/i, kudá' iwa káh, «Aníng an axweés ar slaqsi'i, Muruudá' taa luú/ iimír tlehhmuú yaamuwo un alki/iít.»

Yohana 15:15

Án kuungá' nu malé lawaalér ar ateetimaaká, asma lawaalmo gár aakoowós i tleehhi ga xuiiká. Ala án kuungá' nun mulqér ar ateetiím, asma tidá' sleémeero án naa axaás amór Baabuúeé' wa ale, nga kuungá' i oó'.

Yohana 20:31

Ala kuká' kingina gooín, asma kuungá' kawa haratlintia' adór Yesu tar Kristo, Garmoó Mungú, nee ar haratlintaooro slafiingw kuwa umuuwós ar sleera'.

Yohana 21:22

Yesu iri oó', «Án barnaxes a slaá' kwí iwa slafi ay dír án ni kii/, gár kuúng u huuw a milá? Án kuúng na eeharáng.»

Yohana 5:39

Kuungá' tidá' taa gooín baraá Gooiro a mak tsee/ariindá', asma kawa xua', kuungá' slafíngw alhhe'eesay wásl u koondá' baraawose. Nee Gooisíng an tidá' aníng i lamabu'uum.

Tlehhema'aá ya/Abuuse 1:7

Iri oó', «Siiwadá' nee qoomaadá' Baabá aa qaás baraá aleesleemuuwose a gadiyérhungeeká kawa xua'.

Tlehhema'aá ya/Abuuse 17:11

Múk Berea a múk hhó' ta ak múk Tesalonikero, nee inooín Ya/abtór hho' ngina ilaaohiyé' ar muunuú hhoó'. Gooi ngiri soomuusiyé', nee ngiri aldakuutiyé' umuúqo daqto, as ngiwa tsaahhiya' áx kaangwí taa alki/iiti oo lóe.

1 Korinto 2:16

Asma Gooi i kat, «Heé muunuú Aako gu tsaáhh a heemá? Nee slám heé inós gu intsaahhatís a heemá?» Ala atén baraarene muunuú Kristo u koomaán.

DABE 30:2

nee barnaxes qoomaadae AAKOÓ MUNGÚ, Munguúhúng ugwa i ki/é', kuungá' nee na/iihúng, axweesantós tidá' laarí naa oó' kari iialooeesé' ar munerhúng sleémeero nee qeeremoohúng sleémeero,

DABE 6:7

nee na/iiwók ki intsaahhatís ar inkihhimu. Kaangwí ku alki/ít qoomár bar do'ók i dirí', laqaá bar hi'iimít, laqaá bar qatuú eér, laqaá bar qatuuwo naa tleér.

2 Timoteo 1:5

Asma aníng a xuú' adór kuúng Mungú kura haratlintí' ar haratlintaaór waaqooda wasl. Haratlintaaoorí geeraawo aamaarók Loisi gan koón, nee aayoorók Eunike. Slám aníng a xuú' adór kuúng kar koón sleeme.

2 Timoteo 3:16

Gooi sleémeero i hiinsluú Mungú koón, nee i hariín muu nguwa looeemaá i intsaahhatimis, nee muu nguwa afa dukuun nee nguwa qwatsiin, nee slám muu nguwa geeraharahat as slafíngw ganaá' kuwa ar hooti.