DABE 29:28 - Biblía Axweesantá Hhohho' ar Mungú 2004

²⁸ AAKOÓ MUNGÚ giri tlatlahhaás baraá yaamuuín wa ale ar buhhtaá xaraasla', giri kwaáhh baraá xoordaá hatlá' adoodá' hamí laarí i dirii'iya'.›

DABE 29:28 Iomraidhean Croise

1 WAAWITÁ 14:15

Eeít, iimír hamí AAKOÓ MUNGÚ múk Israeli gu slaahh, inooín kiri diingiis adór gitsór ta dingimiisi nee ma'aá yaae. Inós múk Israeli guri hingees baraá yaamuuká hhoohhoo' taa baabi'ii'ín i haniís, nee kiri diyaa/ ayaá saáwí alé, gayuú yaaér Eufrate, asma AAKOÓ MUNGÚ ngwaa buhhtisiyé' as slaqsa'aá Ashera kiwa tleéhh, kuduú munguú /ameeni.

2 WAAWITÁ 17:18

Gawaá adoorihe, AAKOÓ MUNGÚ múk Israeli guri ló'wa i buúhh, guri guús dír geeraawose. Heé taa máy i kaahh aqo har tlahhoó Yuda kilós.

2 WAAWITÁ 17:23

Alhhe'eesaywo AAKOÓ MUNGÚ inooín giri qwaareés dír geeraawose ar adoodá' ngira naanaáq ar loohír sagadiyuuserós ar aaruuse. Gawaá adoorihe, múk Israeli kuri ar tláy ay baraá yaamaá Ashuru, ay nee laarí ta hotaatín amoodá' wa aleeró.

2 WAAWITÁ 17:6

Kurkú gwaleél oo waawuti'iimár Hosheawo, waawutmoó Ashuru gixsár Samaria gana hayóh, nee múk Israeli guri ar tláy ay yaamaá Ashuru. Muu guna bahh qaás baraá gixsár Hala, bahh'alé dír afaá yaaér Habori, nee yaaér Gosani nee bahh'alé baraá gixsár Media.

2 QOM'I 7:20

aníng kuungá' nu hingeés baraá yaamuuká na kuungá' i haniisi, nee Do'owí aníng naa hhoohhooeés as umuueé', un amór saáwí kwaáhh dir'eene. Xoordu sleémeero do'owí ngway waqaaiyá' nee ngway niqiná'.

ESRA 9:7

Iimír baabi'iirene tam ay laarí ateékaá mukók kuúng una sadakumamisaán, as tlakweemaarene atén nee waawitarene, nee kaahamuuseerene, taa qaás gawaá dabaá waawituú xoordaá hatlá', tari tsuú/, tiri loohatís, daqaari'iimaarén kari haasaáng wa ar tláy, tiri ló'wa mureekeés adoorí laarí tay diriiaan.

WARA'AMI 52:5

Ala Mungú, kuúng u fadu giqáy ay alhhe'eesay wasle. Un dafiit baraá do'ók wa ale, un amór saáw i kwaahh, un hingees baraá yaamaá múk slaáf wa ale.

WARA'AMI 78:2

Afkwe'eé' un waatleés niwa axwees ar slaqsi'i, as lu/aaráyduú qaro nguwa oo'.

AXWEESANOÓ SAGALOOA 2:22

Ala múk tlákw ku kwaahh baraá yaamuwo, nee al/aymuuse ka hingees baraakae.

AXWEESANOÓ SAGALOOA 25:2

Xirfuú Mungú a gaa lu/a, ala xirfuú waawutmo a gaa xuuxuua.

YEREMIA 42:10

‹Barnaxes kuungá' a metá' baraá yaamuuká', daqaní án kuungá' nu tleemaír i haniís, nu qwaareesaaká, nu male harma/atís, nu tu/aaká. Asma aníng inslaway'eé' u warqeés daanduú amotlakweedá' naa kuungá' i tleehhi.›

ESEKIELI 19:12

Ala sabiíbuudá' kuna tuú/ ar buhhta, nee kuri kwaáhh yaamií alé, fur'ár da/aá daahh guri kahás, mamuuwós giri paahhamís. Haleemaawós kudá' /uuruú koomá' niri kahiyé', asla giri /ák.

ESEKIELI 19:13

Hám daxta kwaa haátl baraá xaanxaay, dír yaamaá kaahaar awa ma'aá kooma'aaká.

DANIELI 2:22

Axweesanoó bó/ nee oo lu/aaráy gun geehhooees, gár baraá ma/ami ga xuu' nee gwa/aateema i dirós i dirii'iyá'.

DANIELI 9:7

Aá Aáko, diroge gan'amu i deer, ala atén umuú deeloro mure taa fák. Kaangwí sleémeero a ló' dír ateéká' Yudeár hootá' nee yaamuloouusér Yerusalemuro, nee múk Israeli sleémeero kudá' taa diyá/ baraá yaamaá saawá' nee awa tsewene, asma inkihhimu nguwa dakuusiyé' diroge.

DABE 28:25

«AAKOÓ MUNGÚ wakuuserók ga /uurií haniis, kuúng uri bál slaqwaraaro. Kuúng nee inooín tin dogá' ar loohír wák, ala kuúng tari gop ar lohdu faanqw. Kuúng turi aahh baraá waawuti'iima sleémeerowo.

DABE 28:36

«AAKOÓ MUNGÚ kuúng, dinkwa nee waawutmoowók kudá' kuúng taa tsawdi, nun huuw ay baraá xoorór kuúng ta baloó xu'uká, laqaá baabi'iiwók sleeme. Nee amodaádae kuúng munguaá hatlá' awa xaai nee awa tlaa/e kiri sagadiyús.

DABE 28:64

«AAKOÓ MUNGÚ kuúng un diyaa/ baraá tla/ángw xoordu sleémeero iimír bihhaá wák awa yaamu ay bihhaá hatlá'. Amoodae munguaá hatlá' awa xaai nee tlaa/e kiri sagadiyús, awa kuúng ta xu'uká, laqaá baabi'iiwók.

DABE 30:1

«Qoomár kuungá' bar baraá tla/ángw xoordudá' i dir'á', kudá' AAKOÓ MUNGÚ Munguúhúng nu i diyaá/, nee bar kaangwí sleémeero naa sláy, tsuuqaaká' nee lo'ooro kiri insleeré', kuká' laarí naa dír geerahúng i qaás as tawa tsawdiinda',

DABE 32:34

Xáy, aníng sakwasleemar'ín aga amohhe'eesiikáhe? Xáy, aníng adór inooín ngir sakwasleemuút a xuaakáhe?

DABE 4:27

AAKOÓ MUNGÚ kuungá' nun diyaa/ baraá tla/ángw xoordaá hatlá', nee múk niiná dirhunge iri meet amoodá' AAKOÓ MUNGÚ nay guusi.

DABE 6:24

Naagáy AAKOÓ MUNGÚ atén tina hara'ayín, dabeerí sleémeero kawa iialoeesaan nee AAKOÓ MUNGÚ, Munguúrén kuwa ilaiwawa/aan as atén awa kilá' hotaá hho' kiwa slawaan, nee as kahhó' atén tiwa de'en umuú daqto adoodá' tira de'én tam ay laarí.

DABE 8:18

Inslawaak AAKOÓ MUNGÚ, Munguúhúng an kudá' kuungá' naa daqaari'iimár i haniis. Adoorí gana tleéhh as alqadoorós tidá' ngiwa gawdeesi, tidá' aáng aa tleéhh nee baabi'iihúng tam ay laarí.