DABE 29:23 - Biblía Axweesantá Hhohho' ar Mungú 2004

²³ nee adór yaamuuká' asla ngira hhitiín, nee diwto, nee adór asla ngira qororo'ós, gár ki dahamiisi káhh, gár i laqwalina' i káhh, tam gitsór ti'imiit i káhh, a adór qoomaadá' AAKOÓ MUNGÚ yaamaá Sodoma nee Gomora nee Adma nee Seboimu ngira hhaamiís ar buhhtaawós kudá' xaraaslá'.

DABE 29:23 Iomraidhean Croise

IIMU/UUNGW 14:2

kuká' tsiyahhawo nina slaqwiyé' nee Bera waawutmoó yaamaá Sodoma, nee Birsha waawutmoó yaamaá Gomora, nee Shinabu waawutmoó yaamaá Adma, nee Shemeberi waawutmoó yaamaá Seboimu, nee waawutmoó yaamaá Bela, an yaamaá Soari.

1 WAAWITÁ 9:8

Ala do'owí iri taanguut, aluuwo tam umuúqo heé waaraahha iri kwisliit guri niqimis. Inooín tari ooi, ‹Ahaá a milá? Gár AAKOÓ MUNGÚ ayaawí nee do'owí ngisa adoorí laáq?›

1 WAAWITÁ 9:9

Nee muu iri ooi, ‹Asma adoodá' AAKOÓ MUNGÚ, Munguúín nguwa gunqaaresiyé', kudá' baabi'ii'ín ngaa duux baraá yaamaá Misrír wa alé, inooín tiri dabe oohiyé' nee munguaá hatlá', kiri sluufmiís nee kiri sagadiyuús. Gaarí an gár AAKOÓ MUNGÚ kaangwí ngusa gawaaíní huúw.› »

2 WAAWITÁ 22:13

«Tlawsé' AAKOÓ MUNGÚ yaahasaare', as aníng nee muu sleémeerowo nee múk Yuda sleémeero, nee as daanduú /ayma'aá baraá kitaábuwí taa sláy, asma buhhtaá AAKOÓ MUNGÚ ki ur direne, asma baabi'iirén adór kitaábuuwí i kaahi nga iialooeesi'iiká, nee tidá' taa gooín sleeme nga boo/eesi'iiká.»

YOBU 18:15

Do'ós kudá' kaahaár, múk hatlá' baraadá' gini hotaá áy, Didií hooti kaa gufér ásltár tsataát.

WARA'AMI 107:34

yaamaá xawuú koomá' giri warqeés tari hhapér diwi, asma múk tlákw oo baraadá' hoót.

ISAYA 1:7

yaamuuhúng kaa deewa'ameérí geexáy, gixsaduuhúng kaa daá/ ar asla. Yaamuuhúng hooma gaa dír ilaahúng wa ar tleér, i baraá deewaa'ame, kwaáo hooma gina hhitiín.

ISAYA 13:19

Nee waawuti'iimár Babuloni tidár xirfuú waawuti'iima. Waawiti'iimadá' daara/ango iia tleer ar xoorór Kaldayo, Bál Mungú birnga qwaareés, tari adór Sodoma nee Gomora.

ISAYA 34:9

Laámi niri wá/ baraá yaaér Edomuro, hhapeerós iri kiberiíti tleehhít, yaamuuwós niri warqayá' tawa adór laámír asla i /ak.

ISAYA 64:11

Doorén kudá' hhoohhoó' nee oo taa parootuús, didá' baabi'iirén kuúng uwa xirfayemisiyé' kaa daá/ ar asla. Wa/ameerén tidá' sleémeero sla'atimiis kaa taangu tleéhh.

YEREMIA 17:6

Heewí a adór xwansliito'ór baraá xaanxaay, gár hhoo' ga baloó ariiká. Inós in hotaá áy baraá darmuú aa qor'oot, baraá yaamaá hharkí awa muu i hotaatinká.

YEREMIA 20:16

Heewí masók in adór gixsár taa daáhh tleehhiit, tidá' AAKOÓ MUNGÚ aa daáhh ar gurtleemu wasle. Heewí masók tsuunqumis gun axaas matlaatleero, nee tlaatla/aango masók tsimaahhír slaqwara gan axaas.

YEREMIA 49:18

Adoodá' gixsár Sodoma nee Gomora nee ayeemoodá inslaawaydá' kira hhitín, anuú AAKOÓ MUNGÚ tí ngina oó', hee tumu wák oo yaamuudá' wa hoót iri kaahh, laqaá tam oo baraadá' i deél i kaahh.

YEREMIA 9:11

AAKOÓ MUNGÚ i kaahi, «Aníng gixsár Yerusalemu a ufuú tse/ewasi tleéhh, tay dír qatuú intsaawe. Gixsadaá Yuda in xaanxay tleéhh, heé gi hoót iri qwaar.

ESEKIELI 47:11

Ala wa/angwdá' oo niíts nee tlahhesoowo awa bihhaá tlawi, ma'aá tsuuá' ngi slay'aaká, ala ma'ay'ín in meetiyá' tawa ma'aá diwi.

TLAHHOÓ LAÁWI 26:32

yaamuuhúng in hhitiím tam wakuuserhúng ar baraadií loohoó slaa' kiwa waa/oo/i.

AMOS 4:11

«Muu bahh'alé baraá tla/angwhunge una hhaamiís, adoodá' múk Sodoma nee Gomora ngura hhaamiís. Panaydá' aa meet baraá tla/angwhunge tay adór xwatsaatsír asla aa meetís. Ala tam adoorihe kuungá' naa amor'eéní ki/i'iiká. Anuú AAKOÓ MUNGÚ tí ngina oó'.

SEFANIA 2:9

Gawaá adoorihe adoodá' anuú AAKOÓ MUNGÚ aleesleemusmo hotaatima, Munguú Israeli yaamaá Moabu i adór Sodoma tleehhitiyá', yaamaá Amoni niri adór Gomora laqiyá' Yaamuuín te'és ngin alti'iit nee boh'ér diwto, kiri dewa'ameérií máy ay kureeraá kureér. Muk'eé' kudá' aa meet giri haasaáng wá hayoh, nee panayduú muk'eé' giri aal.»

Luka 17:29

Ala bál Loti iwa ti'iít baraá gixsár Sodomaro, asla nina /ét gawaá doorí wa ale adór tluwaay, dinkwa nee tlaa/aá asltá koomá', nee muu sleémeero kuri hhaamiís.

Rumi 9:29

Nee slám Isaya gaa qaroó geerií oó' iwa kaahi, «Aakoó Aleesleemusmo geera bar xwayla ngaa amooréní meetisiiká, atén geera a adór Sodoma, geera taa alqoomeés nee Gomora.»

Yuda 1:7

Múk gixsár Sodoma nee Gomora inslawaak sleeme, nee múk gixsadaá hatlá' awa bihheedií tsewen. Inooín sleeme adoodár malaykeedá' kana tleéhh, tsaatu'uuma kana eehár, ilatleerír tlakw baraá slaqooine ina baaliín, tam tsaatu'uumadár tlakw ar iringeé kana tlehhiít. Mukwí kwaa sakwasleemuút baraá aslá alhhe'eesoó koomaaká as tawa slaqsaay tleehhiti dír múk hatlae.

Geehhoeemaá 19:20

Makiito'oodá' kari óh dinkwa nee aarusmooduú lama. Aarusmoowí a kudá' tlehhema'aá waa/oo/amo gaa tlehhiit geeraá makiito'oodá' wa ale. Nee slám inós muu guna al/agín ar tlehhemi'iiwós kudá'. Múk taa al/aáy a kudá' layár makiito'o gaa ilaoh nee oo murslaaqatuú makiito'oodá' gwa i tumbarara'aat. Kuká' tsaraawo kiri slafi kwaáhh baraá tlawtadá' asla iwa ohahiin ar kiberiíti.

HAR'OHUUSE 9:45

Abimeleki nee múk Shekemu tana slaáqw tlaatla/aangw sleémeero, gixsa gari hayóh, muu sleémeero kuduú baraadá' guri tsuú/. Gixsa gari daá/, gari díwtí ku'uús.