DABE 29:20 - Biblía Axweesantá Hhohho' ar Mungú 2004

²⁰ AAKOÓ MUNGÚ, heé adór kwí gu baloó gurtlayká, nee buhhtaá AAKOÓ MUNGÚ nee da/itose heewí ngu al'oohiyá', lo'o sleémeero ar taa gooín baraá kitaábuuwí heedaádá' gu /ák, nee AAKOÓ MUNGÚ umuú heedaádá' gun fiits gawaá daanduú yaamuwo.

DABE 29:20 Iomraidhean Croise

IIMU/UUNGW 6:7

AAKOÓ MUNGÚ iri oó', «Mukdá' naa tleéhh u fiíts baraá yaamuwo, hee tam nee makaywo, nee muruú gur'eér hi'iimiít nee tsir/ór gáwtí tlatlaawa a fiíts sleeme. Asma muruuwí sleémeero naa tleéhh, aníng iga gurhaamír i qaás. Masók una tleehhiiká.»

2 WAAWITÁ 14:27

Ala AAKOÓ MUNGÚ aáng gaa ooiiká ar múk Israeli kuwa hhaamisi ló'wa alé baraá yaamuwo. Gawaá adoorihe guri ba/amís ar loohír waawutmo Yeroboamu garmoó Yoashi.

WARA'AMI 18:8

Quuír baraá duungawós daahh iri gáwtí tsa/aán. Asla ina baraá afkós wa ti'ít, nee gil'o adór tsángw asla.

WARA'AMI 69:28

Xaa fiitseek baraá kitaábuú slafiingo, tam mikiwa gooín dinkwa nee múk hota ganaá'.

WARA'AMI 74:1

Aakoó Mungú, asma waáy, atén mista sí' ay alhhe'eesáy wasle? Ahaá, buhhtaawók mis xaraasliyá' dír bee/ángw qawtantoge?

WARA'AMI 78:50

Buhhtaawós niri kumiitiyé', tam gwa'ara gaa pa/asiiká dir'ine, giri daásl ar pu/i.

WARA'AMI 78:58

Nguna buhhtamiisiyé' ar wa/ameedá' taa tleéhh as sluufoó slaqsa'aá mungui. Ngway dá/tár ayé' ar murslaaqatuú munguiidá' naa tleehhiyé'.

WARA'AMI 79:5

Aá AAKOÓ MUNGÚ, buhhtaawók ki alhhe'eesay wásle? Ay xaylá buhhtaawók iwa ohaahina' adór asltá wa ale?

WARA'AMI 80:4

Xáy AÁKO, Munguú Aleesleemusmo, ay xaylá firór mukók kas qa/iimit?

TI'INAANGW 20:5

Kuúng slaqsi'iidá' mi i tumbarara'amitaar, laqaá mi sluufmisuú awaar, asma anuú AAKOÓ MUNGÚ, Munguúwók, a Mungú da/tá koóm, kudá' li/oó tlakweemaá xwayliité tidá' aníng i ahhiit gu dír na/ii'ín buú' tam ay nángw sagaáwa tám laqaá ay tsiyáhh.

TI'INAANGW 34:14

«Kuungá' munguaá hatlá' i sluufmisuú eera'aaká, asma AAKOÓ MUNGÚ kudá' umuuwós ta bay, ‹Oo da/tá koóm›, inós an Munguú da/tá koóm.

AXWEESANOÓ SAGALOOA 2:22

Ala múk tlákw ku kwaahh baraá yaamuwo, nee al/aymuuse ka hingees baraakae.

AXWEESANOÓ SAGALOOA 6:34

Heé hare loó', as da/itá hareerós bira buúhh i alií ki/iiká, li/aysíng burngwa bu'utá áy dawa gu ar ki/iiká.

DAA'AANGW 8:6

Aníng baraá muunaáwók i qaasáng adór laya. Masók a adór laya baraá dabaawoge. Asma sla'aari i /uuruú koón adór gwa'ara, Da/i i dae tláq adór /aanta, ohmaá sla'aari a adór ohmángw asla. In tsaara'aamís adór tsángw asla.

ISAYA 27:11

Haleemaá xaai nina kahiyé' niri qeqtiné', /ameena nin hardát giri sleemís giri ásltár oohamís. Asma mukwí gár aa tsaáhh i káhh, gawaá adoorihe, tleehharusmooín gi sangw gurtlayká, kudá' inooín gaa tleehh gi sangw i gurtlayká.

YEREMIA 13:14

Inooín in kilooín haraa'awísh, ín baabá nee na/ii, i baloó gurtlawaaká, i baloó mawaaká sakwasleemaro, laqaá i baloó gurtlawaaká, aqo in hhaamiís.› »

ESEKIELI 23:25

Aníng kiíng in i buúhh, inooín kiíng iri slahh'eemisiyá' ar buhhtaá xaraaslá', kiíng in duunga tsatiyá' nee iaawo, nee mukók kudá' aa meet kuri tsuú/ ar paánga. Na/iiwók awa daaqaay nee awa dasuuwo kin ar tláy, nee mukók kudá' aa meet kuri qororo'oos ar asla.

ESEKIELI 24:14

Anuú Aakoó MUNGÚ tí ngina oó'. Gaarí i bó/, aníng a tleéhh. Gár adór tihe aníng a lakiitaaká, laqaá gurueé' i tlayká nee a warqawaaká. I sakwasleemuút ar har qoomoó adoodá' tar hotaatiin nee tlehhmi'iiwók.› Anuú Aakoó MUNGÚ tí ngina oó'.»

ESEKIELI 36:5

«Ala hám daxta aníng taa ló'wa buhhtís, aníng xoordaá hatlá' i sakwasleemuút, kawa ure múk Edomu. Inooín adoodá' yaamuueé' ngiwa kooín tleehhiyé' ngina saqwalaala/iyé', aníng iri waaqaaiyé'.

ESEKIELI 5:11

«Gawaá adoorihe, ar adoodá' anuú Aakoó MUNGÚ nir hotaatima, kuungá' diirír hotaaeé' aga meetagasé' ar muruudá' aníng ni sla'aaká, aníng kuungá' nun amór saáw i kwaáhh. Guruueé' i baloó tlayká, nee hee tumu wák oo ni meetiis i kaahh.

ESEKIELI 7:4

Nu baloó mawaaká, laqaá gurueé' i tlayká, aqo nun sakwasleemuút, har qoomoó tlehhmi'iihúng, barnaxes muruudá' aníng ni ahhiit i baraá tla/angwhúng kón. Daqaní kuungá' a tsahhá' adór aníng tar AAKOÓ MUNGÚ.›

ESEKIELI 7:9

Nu baloó mawaaká, laqaá gurueé' i tlayká, aqo nun sakwasleemuút har afiqoomoó tlehhmi'iihúng, barnaxes muruudá' aníng i ahhiit i baraá tla/angwhúng kón. Daqaní kuungá' a tsahhá' adór aníng tar AAKOÓ MUNGÚ, kudá' nu hhaamiís.

ESEKIELI 8:18

As daanduú muruuwihe aníng inooín in i xaraásl. Hee tumu wák i kotsoqotiiká, laqaá guruueé' i baloó tlayká. Tam i /a/aminá' ar afór ur, aníng i baloó axaasaaká.»

ESEKIELI 8:3

Naagáy gár adór dako aníng iri se'e óh. Qeeruú Mungú iri tleés dír tla/ángw doori nee yaamuwo, iri huúw ay Yerusalemu, aníng aqo baraá iigu'utuwú Mungú i dirií'. Niri hardáh dír dahmaá baraá matla/aangw bihhaá /iiko, didaádá' taa slaqsoó munguaá hatlá' i qaás, kudá' Mungú buhhtamís.

ESEKIELI 8:5

Naagáy Mungú iri báy, «Heewí, qaytsiít bihhaá /iya.» Aníng niri bihhaá /iíkwí qaytsiít, nee bihhaadaá /iiko afkú dahma, amór kitángw ilahhooa kawa hanmamisi, gár naa ár a slaqsaydá' Munguú buhhtamís.

ESEKIELI 9:10

Bartaeene i baloó mawaaká, laqaá i gurtlawaaká. Aníng an tleéhh adoodá' hariim as tlehhmi'ii'ín.»

NAHUMU 1:2

AAKOÓ MUNGÚ a Munguú da/usmo nee oo li/usmo, ga slaiiká munguú hatlá' kuwa sluufmiisi, AAKOÓ MUNGÚ i li/oó bu'ún, nee i xaaraasl kángw kilá' wa alé, AAKOÓ MUNGÚ li/aay gu buu' gawaá daanduú wakuseerós nee xarasleemawós gin amohhe'eemaamiis as wakuuseerós.

SEFANIA 1:18

Peésar'ín laqaá nee sahaábuwo sleémeero gi ba/amisiiká bál deelór xarasleemaá AAKOÓ MUNGUHE, ala tam yaamu sleémeero kin daa/ ar asltá da/tós, asma muu sleémeero oo baraá yaamuuká' hoót gun qwaarees ar hartsatángw dae tlaáq.

Rumi 11:21

Barnaxes Mungú haleemaá xa'anooduú kilá' gaa mayká tsatto, kuúng ka xu', kuúng un máya tsatto?

Rumi 8:32

Mungú tam Garmaawós gwa ilaa/iiká, ala nguri haniís iwa gwaai as atén sleémeero. Munguúwí mura' sleémeero ngu aténí haniísiíke dinkwa nee inós?

1 Korinto 10:22

Ahaá, atén aqo qitlána Aako kuwa buhhtisaan? Atén a ak /uuruú koomaána ta inose?

DABE 25:19

Gawaá adoorihe qoomár AAKOÓ MUNGÚ, Munguúhúng burna amohhooárí haniís dír wakuuserhúng sleémeero, nee burna dahaás baraá yaamuudá' naa dirhúng i haniís tawa aalirhúng, daqaní múk Amaleki sleémeero ku suquurá' baraá yaamuwo. Gaarí ma baloó gunqaareesara'.»

DABE 29:19

Barnaxes axweesanoó alqadoorí, tí hamí lo'o kawa /agé', hee gwaa axaás, aluuwo iri sagós ar awín, nee iri ooi, ‹Aníng gár i aw i káhh, tam aníng sagagawduueé' bura eehár,› gaarí kuungá' sleémeero nu fák, múk tlákw nee oo hhoe.

DABE 9:14

Xaa mawáng i hhaamiís, umuuín u fiíts gawaá daanduú yaamuwo, aníng kuúng un xoorór ur tleéhh ar /uuruú koom, nee ar yaariir ta inooine.›

Ebrania 12:29

Asma ar ló', Munguúrén an asltá mura' sleémeero gu /aay.

Geehhoeemaá 3:5

Heedaádá' arba/ati gaa slay, inós ku tlabaá awák i dahaas, nee umuuwós u baloó fiitsaaká baraá kitaábuuduú slafiingo. Nee slám aníng umuuwós un ya/aám dír geeraá Baabuúeene nee dír geeraá malaykeerós adór inós tar kwe'eé'.