DABE 29:10 - Biblía Axweesantá Hhohho' ar Mungú 2004

¹⁰ «Hám laarí kuungá' aga sihhté' dír geeraá AAKOÓ MUNGÚ, Munguúhúng, kuungá' sleémeero awa geeraharuusér tlahhi'i nee bariiseero, nee geeraharuuserhunge,

DABE 29:10 Iomraidhean Croise

2 QOM'I 20:13

Qoomaadae hhawaate sleémeero awa Yuda dinkwa nee tlaaway'ine nee na/ii'ine tana sihhiít dír geeraá AAKOÓ MUNGÚ.

2 QOM'I 23:16

Yehoyada alqado gari tleéhh, inós nee muu sleémeero nee waawutmowo, as inooín tawa múk AAKOÓ MUNGÚ.

NEHEMIA 10:28

Mukdá' sleémeero aa meet, nee kaahamuuseero nee múk tlahhoó Laáwiwo, nee xuumuusér Doó Munguhe nee daauusero, nee sagadiyuusér Doó Munguhe, nee muu sleémeero oo taa paraatl dír múk yaamuudae, as dabér Mungú kawa eehari dinkwa nee tlaaway'ine, nee daaqay'ine nee dasuuine, nee múk xu'utír kooma, nee awa sage fooxá',

NEHEMIA 8:2

Esra kaahamusmoó Mungú kitaábuú dabér Mose nguri huúw dír geeraá boo/oó muu oo hhawaate nee /ameenaaro nee kudá' gaa axaasaro ngi aleeslawá' nee tsaahharo. Slahhángw faanqw baldae a wak.

NEHEMIA 9:38

As tí aa tleehharuuti atén alqadór gawit an qaasaán ar gooi, nee mukrén oo urén, nee múk tlahhoó Laáwiwo, nee kaahamuuseero. Inooín dugeeni'ín ngi qaasiyá'.

DABE 29:11

nee na/iihunge nee tlaawayhunge, nee hoomár baraá ayaahúng hoota, tidá' migiruú feehhamiis, nee tidá' ma'ayhúng hhekiita.

DABE 29:9

Gawaá adoorihe ilakaaharu tleehhaak alqadoorí kawa ota', as kahhó' kuungá' diihhooa kawa sleera' baraá gadiyeduuhúng sleémeero awa taqo tlehhita'a.

DABE 4:10

oo baalaadá' kuungá' tawa sihhité' dír geeraá AAKOÓ MUNGÚ, Munguúhúng dír tloomár Sinai, qoomár aníng iwa báy, ‹Muksíng burumburaare' dír geeraaeé', as aníng inooín ngiwa axweesante'eé' baw, as kahhó' inooín adór aníng ir ilaiwawa/iya' ngiwa intsaahhiya' baraá hotaaín sleémeero baraá yaamuwo, nee na/ii'ín ngiwa intsaahhatisiya' sleeme.›

YOSHUA 8:35

Baraá axweesanaydá' Mose aa gooini tam /aymuú wák oo Yoshua aa soomusiiká i kaahh dír múk Israelírí ale dinkwa nee /ameenaaro nee na/iiwo nee hoomaadá' baraá tla/angw'ín hoota.

YOSHUA 9:21

Gimsé' mawaak i hootiye', gadiyér migír feehhamis nee ma'aay hhekw a tooín.» Adoorí an adór geeraharuusér Israeli aa ó'.

Geehhoeemaá 20:12

Múk aa qaatl nguri ár, oo urén nee oo ninakwe. Inooín taa sihhiít dír geeraá kitangwduú aleesleemu. Nee didaádae kitaabi'i kiri gweér. Kitaábuú hatlá' sleeme kuri gweér. Kitaábuuwí an kitaábuú Slafiingw. Nee mukdá' aa qaatl kuri sakwasleemuút ar har qoomoó tlehhemi'ii'ín ar adoodá' kara gooín baraá kitaabi'iidií alé.

Geehhoeemaá 6:15

Qoomaadae waawitú baraaká' yaamu nee múk urén, nee geeraharuusér slaqwara, nee múk daqaare, nee múk aleesleemuú koóm, nee umuúqo heewo, oo lawaalmo nee oo lawaalmoowooká, sleémeero tari nahhaát baraá mar'o, nee baraá gur'ér tla/u ar baraá tlom'í dirii'.

1 SAMUELI 3:21

AAKOÓ MUNGÚ tiri malé geehhooeés baraá Shilór wa alé, asma AAKOÓ MUNGÚ tina geehhooeemiís dír Samueli baraá Shilór wa alé ar loohír axweesantós.

1 SAMUELI 4:1

Nee axweesantadár Samueli iri tsiyayaaxát baraá yaamaá Israeliro. Qoomaadae múk Filisti iri burumbuurít as tawa slaqwi nee múk Israeli. Xoorór Israeli iri fi'ít as tawa slaqwi nee múk Filisti, xafay'ín kuri tleéhh dír ta bay, Eben-eseri. Múk Filisti xafay'ín guri tleéhh dír ta bay Afeki.