DABE 29:1 - Biblía Axweesantá Hhohho' ar Mungú 2004

¹ Kaangwí an axweesanoó alqadór AAKOÓ MUNGÚ oo Mose nguwa hara'ayín nguwa tleehhi dinkwa nee múk Israeli, qoomár tawa baraá yaamaá Moabu i dirii'i, dinkwa nee alqadoodá' AAKO MUNGÚ aa tleehhi dír tloomár Horebu wa ale.

DABE 29:1 Iomraidhean Croise

2 WAAWITÁ 23:3

Waawutmo iri sihhiít dír bihhaá uhmo, al'axweesani gari qaás dír AAKOÓ MUNGÚ, ar AAKOÓ MUNGÚ nguwa eehari, nee hara'ayaarós ngiwa oohi, nee lamabu'uungós nee kaahirose ar muunaáwós sleémeero nee ar qeeruuwós sleémeero. /Ayma'aá taa gooín baraá kitaábuuduú alqado ngiwa eehari. Muu sleémeero al'axweesantadá' gari ya/án.

WARA'AMI 105:27

Laydaá Mungú kiri tlehhiít baraá Misrír wa ale, tlehhema'aá waa/oo/amo kiri tleéhh baraá yaamaá múk Hamuwo.

YEREMIA 11:2

«Iia qaaseek daanduú kángw alqadoorihe, múk Yuda nee yaamuloouusér Yerusalemu i axweeseek.

YEREMIA 11:6

AAKOÓ MUNGÚ iri báy, kaangwí alki/iteek baraá gixsadaá Yuda sleémeero nee baraá lohdaá Yerusalemuro. Inooín ki beer, «Axweesantír alqado iiárií qaasaak nee ka boo/esá'.

YEREMIA 31:32

Alqadoorí nee tidá' naa oó' dír baabi'ii'ín qoomár ngiwa duúx baraá yaamaá Misriro ti slay'aaká. Alqadoodá' ngina si'iyé', tam aníng dir'ine a adór aakooine. Anuú AAKOÓ MUNGÚ tí ngina oó'.

YEREMIA 34:18

Nee múk alqador'eé' gaa geexay, nee hara'ayar'eé' eeharto ga sii', tidá' taa tleéhh geeraaeé' wa alé, inooín in slaqás nee damár taa gaás, kari tla/a feehhiís amorqá' nee tiqá', nee muu iri baraá tla/angwdár waaraáhh.

TLAHHOÓ LAÁWI 26:46

Gaarí an dabe nee kaahi nee hara'ayár AAKOÓ MUNGÚ aa haniís dír múk Israeli gawaá tloomár Sinai wa ale ar dákw Mose.

TLAHHOÓ LAÁWI 27:34

Gaarí an hara'ayár AAKOÓ MUNGÚ aa hara'ayín dír Mose gawaá tloomár Sinaír wa ale as xoorór Israeli.

Tlehhema'aá ya/Abuuse 3:25

Kuungá' a na/aá aaruuse, nee slám a na/aá alqadoodá' Mungú aa qaroó alqadín dír baabi'iihúng, tidá' aa oó' dír Abrahamu iwa kaahi, ‹Baraá xwaylaroge xoordu sleémeero awa baraá yaamu ki tsuuq.›

DABE 1:1

Axweesantá taa gooín baraá kitaábuuwí a axweesantadá' Mose aa káh dír múk Israeli sleémeero, qoomár inooín tawa baraá darmuú bihhaá da/aáw oo yaaér Yordani. Inooín tawa baraá xatstá Yordani dír isaapoó Sufu, tla/ángw gixsár Parani nee gixsár Tofeli, nee Labani, nee Haseroti nee Disahabu.

DABE 28:68

AAKOÓ MUNGÚ, kuungá' nu yaamaá Misrírí ki/is ar miringamoó baraá ma'aay, aa'aá aáng niwa oó', kuungá' i male keera'aaká. Amoodae kuungá' tin mak kiloohúng weerisá' dír wakuuserhúng as tawa lawaaler'ín ar hhawaate nee ar /ameenaaro, ala heé kuungá' nu tlaáxw i kaahh.»

DABE 29:12

Kuungá' a diirí as lo'o kawa /aga' ar tawa data' baraá alqadór AAKOÓ MUNGÚ, Munguúhúng laarí.

DABE 29:2

Mose múk Israeli sleémeero guna dinkwárí ateét, guri báy, «Kuungá' ilaahunge aga aandé' adór AAKOÓ MUNGÚ aa tleéhh dír waawutmoó Misri, nee geeraharuuserose, nee sagadiyuuseerose, nee yaamuuwós sleémeero.

DABE 29:21

AAKOÓ MUNGÚ heedaádá' gun paraatl dír tla/ángw tlahh'i sleémeero awa Israeliwo, as amotlakwe nguwa sleer ar adór lo'oodá' sleémeero ar alqado i diri', tidá' ta gooín baraá kitaábuuwuú dabe.

DABE 29:25

Naagáy muu iri ooi, ‹Asma inooín alqadór AAKOÓ MUNGÚ ngina mayé', Munguú baabi'ii'ín kudá' alqado gaa tleehh qoomár inooín ngiwa baraá yaamaá Misrír wa duúx,

DABE 4:10

oo baalaadá' kuungá' tawa sihhité' dír geeraá AAKOÓ MUNGÚ, Munguúhúng dír tloomár Sinai, qoomár aníng iwa báy, ‹Muksíng burumburaare' dír geeraaeé', as aníng inooín ngiwa axweesante'eé' baw, as kahhó' inooín adór aníng ir ilaiwawa/iya' ngiwa intsaahhiya' baraá hotaaín sleémeero baraá yaamuwo, nee na/ii'ín ngiwa intsaahhatisiya' sleeme.›

DABE 4:13

Inós kuungá' nuri alqadorós báy, as kiwa ota', an hara'ayduuwós kudá' mibaangw taa gooín gawaá tlaa/eedá' tsárawa parereehhayen.

DABE 4:23

Ti ló'wa harmagahhe' alqadór AAKOÓ MUNGÚ, Munguúhúng aa tleéhh nee kuungá' ma gunqaresara'. Slaqsa'aá tawo mi alqoomeesara', nee AAKOÓ MUNGÚ, Munguúhúng, kuungá' naa ya/aamárí hanisiiká inós kuwa qoomesa' nee slaqsaay.

Ebrania 8:9

Alqadoorí a adór tidár aangeeká, tidá' naa alqadiím dír baabi'iihúng, qoomár ngiwa duúx ar dakw'eé' baraá yaamaá Misrír wa ale. Asma inooín alqador'eé' kaa eeharahariiká. Gawaá adoorihe aníng inooín ngiri máw sadaawimituuwo. Axweesanaywí Aako guna káh.

1 SAMUELI 12:24

AAKOÓ MUNGÚ kilós na ilaiwa/aak kuwa sagadiyusa' ar inkihhimu, nee ar munerhúng sleémeero, inslawimé', adór nura muruú urén i tleéhh.