DABE 28:8 - Biblía Axweesantá Hhohho' ar Mungú 2004

⁸ «Tsuuqaá AAKOÓ MUNGÚ meeweduuwók ngi dalaa/iyá', nee gadiyerók sleémeero ga tsuuq. AAKOÓ MUNGÚ, Munguúhúng kuún u tsuuq baraá yaamaá uy haniisi.

DABE 28:8 Iomraidhean Croise

2 WAAWITÁ 6:27

Waawutmo gari báy, «AAKOÓ MUNGÚ kiíng alee/iisaro bira harslaqaát, alók aníng alee/isaay dír nguwa slaw a diimá? Dír kitaangwí balaangw kuwa múxi, laqaá bohóngw sabiíbu kuwa tsoo/íti?

WARA'AMI 1:3

Inós tari adór xa'anoó taa haátl afaá tsiinqaá ma'aay, kudá' mamaá laqwaliím qoomár hariimarose, tam loo/orós i /otská. Heewí umuúqo gár i tleehhi i ya/aán.

WARA'AMI 128:2

Muruú /aymarók un sleér ar gadiyér dabaawók, kuúng an qwalaalá/ nee an diihhe'és.

WARA'AMI 133:3

A adór har'uú gawaá tloomár Hermonír wa paáhh, gawaá tlom'aá Siyonír i alé. Asma Siyoni an didá' AAKOÓ MUNGÚ tsuuqa ngiwa al'axweés ay alhhe'eesáy wasle.

WARA'AMI 144:13

Kuuntáyrén i hatsi umuú gár /aymaaro. Bee/angwrén i tsiirin, nee kume mibaangw ngi laqwaali baraá qawtantarene.

WARA'AMI 42:8

AAKOÓ MUNGÚ tlaatla/aango sla'aarirós ar warqawaaká ngi laqán, nee xweeraawo aníng Munguú nir slaaf un firiím, nee un xirfayeés ar daa'aangw.

WARA'AMI 44:4

Kuúng an waawutmooeé' nee Munguúeé', kuúng xwaylár Yakobo baalírií haniiseek.

TLAHHOÓ LAÁWI 25:21

Gimsé', aníng yaamu in tsuúq bál kurkú lahhooe as bu'úngw bu'uút oo kureeraá tám nguwa hamareesiya'.

TLAHHOÓ LAÁWI 26:10

Qoomár bu'uungo kuungá' a qarnaa an /agá'. Nee slám qarna an bihhií qasá' as pa/aangw kuwa sleera' oo bu'úngw /abén kway qasa'.

HAGAI 2:19

Xáy, dahaasiingw i baraá kuuntírií káhhi? Nee sabiíbuusíng, laqaá /aantsí, laqaá komamaánga, laqaá xaa'aá seituúni gár naa laqwaaliyé' i káhha? Ala iimír laarí wa tleemu án kuungá' nu tsuúq.»

Matayo 13:30

Mawaagáy sleémeero ay dír i uraaraya' nee dír qoomár bu'uungw ni xeer. Daqaní qoomár bu'uungo aníng mukdá' bu'uúm un baw, «Sla/a ala tu/aak, daqaní ka dinkwárií tsegá', nee ka kwahhá' baraá asla. Daqaní angaáno ku baraá meewér'eéní burumbudá'.› »

Matayo 6:26

Tsir/o ga/aawaak, i dahaasiindaaká, i bu'uundaaká, tam muruú /aymár i burumburiin baraá kuuntáy i kaahh. Tam adoorihe Baabuúhúng oo gawaá doori gan /aymiis. Kuungá' a ak tsiníheéke ta tsir/ooro?

Luka 12:18

Aluuwo iri oó', ‹Adoorí an tleéhh: Kuuntáy'eé' un feé/, kuuntoó ak urén nguri tleéhh. Nee balangw'eé' sleémeero ngway baraadií qaás nee muruueé' oo hatlá' sleeme.›

DABE 14:29

Muruuwí daqaní an oo múk tlahhoó Laáwi, asma inooín gár ta kon i káhh, laqaá aalír ta kon baraá tla/angwhunge i káhh, sleeme ar dahaaye nee panaay, nee /ameenár kwaeeli, tidá' hoot baraá gixsarhúng wa aleeró. Kuká' sleémeero ni hardihiye' as niwa /aymár aya' niri aaxiyá'. Adoorí tleehhaak, daqaní AAKOÓ MUNGÚ, Munguúhúng nu tsuuq baraá gadiyérhúng sleémeero ar taqo tlehhita'a dabaahunge.»

DABE 15:10

Heé narkutmo tu/aak ar muunuú /awaák, bura tú/ ma qunuunu/aar, asma adoorí bara tlehhé', AAKOÓ MUNGÚ, Munguúhúng kuungá' nu tsuuq baraá gadiyeduuhúng sleémeero awa taqo tlehhita'a.

DABE 15:4

«AAKOÓ MUNGÚ, Munguúhúng kuungá' nu ló'wa tsuuq baraá yaamuudá' ni kuungá' i haniisi as kiwa ala'. Slám baraá tla/angwhunge heé narkuút i kaahh tumu wák,

DABE 28:20

«AAKOÓ MUNGÚ kuúng' un lu'us, uri amotlakweérí huuw, nee amoqwaqwadiingw, nee diqiya' tsatmit baraá gadiyeeduuwók sleémeerowo ay dír tay hhaan nee tari gaanslár suqút, asma tlehhmi'iiwók kudá' tlakw taa tléhh, awa Mungú kuwa geexeér.

DABE 28:7

«AAKOÓ MUNGÚ kuúng un baalírí haniis dír wakuuseerók ar ugwa i haratleeri. Inooín barnaxes ugwa i haratlayé' ar loohír wák, inós gi diyaa/ ar lohdu faanqw.