DABE 28:68 - Biblía Axweesantá Hhohho' ar Mungú 2004

⁶⁸ AAKOÓ MUNGÚ, kuungá' nu yaamaá Misrírí ki/is ar miringamoó baraá ma'aay, aa'aá aáng niwa oó', kuungá' i male keera'aaká. Amoodae kuungá' tin mak kiloohúng weerisá' dír wakuuserhúng as tawa lawaaler'ín ar hhawaate nee ar /ameenaaro, ala heé kuungá' nu tlaáxw i kaahh.»

DABE 28:68 Iomraidhean Croise

NEHEMIA 5:8

Ngiri báw, «Ar aleesleemuú ta koomana hhaeerén awa Yahudi in tlaxumaán kudá' taa weerimiís dír múk xoordaá hatlá'. Ala mis sla'á' kiwa malé weeramisa', bar atén in tlaxumaán?» Ala inooín tari qartlamiít, tam /aymuú taa oó' i kaahh.

ESTA 7:4

Asma atén taa haniís, aníng nee muk'eene as tiwa hhaamisi nee tiwa tsu/i nee tiwa suquy. Alók geeraawo atén tin lawaalér /ameena nee hhawaate tleehh, alók a dir'eéní xasliít, tam adoorihe slahh'amuurén ku alqoomeesiiká nee basloó waawutmo gu sláw.»

TI'INAANGW 13:17

Qoomár Farao múk Israeli nguwa geemáy, Mungú gaa slaiiká ngiwa waarahhaasi ar baraá yaamaá Filisti, loohidá' tam ka tseewe, asma Mungú ina oó', «Mukwí bar nee slaqwaruuse taa doogiyé' i daba' tsatitiyá', ki/imaá Misri ngiri fitliná'.»

TI'INAANGW 20:2

«Aníng a AAKOÓ MUNGÚ Munguúwók, kudá' kuúng ugwa duux baraá yaamaá Misrír wa ale, yaamuudá' lawaali'iima kawa /ák.

YEREMIA 43:7

Kiri hardahaás baraá yaamaá Misri, ay gixsár Tahpanesi. Adoorí an adoodá' inooín afór AAKOÓ MUNGÚ ngira iialoeesi'iiká.

YEREMIA 44:12

Aníng múk Yuda kudaá meet, kudá' tleemuú slaá' baraá yaamaá Misri in ar tláw, nee ngiri hhaamiís sleémeero, múk urén nee na/aá ninakwe ki tsuu/ ar paánga laqaá ar qwari. Inooín tari adór gár taa aáhh nee ar dae tlaaq, nee gár ta lu'umisi nee ar ta waaqaaqai.

HOSEA 8:13

Inooín ilahhooár muruú ta tsu/i hanmisuuwo ngi slaiyá', nee fu'unaydá' kiri /aay. Ala AAKOÓ MUNGÚ ku baloó sla'atimisiiká nee inooín. Aníng hamí tlakweemaaín kuká' in insláw ngiri muúx as tlakweemaaín kuká', ngiri ki/ís baraá lawaali'iimár yaamaá Misri.

HOSEA 9:3

Múk Israeli i baraá yaamaá AAKOÓ MUNGÚ i meetiiká. Ala tan kii/ baraá yaamaá Misri. Inooín nee múk Ashuru muruú /aymár ta waki kuri al/aay.

Luka 12:45

Ala i ya/aán sagadiyusmoodá' iwa baraá muunaáwósí ooi, ‹Qaytsiít, aakooeé' ki/imawo naa tliík.› Ala tí ooaro binga hhe'eés, sagadiyuuseedár hatlá' ar hhawaate nee ar /ameenaaro gari muxtár áy. Inós iri /ayín nee iri wahán nee iri ooniit.

Luka 21:24

Inooín ki tsuu/ ar paánga, kiri lohatis baraá yaamuuine, kay huuw baraá xoordaá dimbadimbé. Gixsár Yerusalemu kay i iwiit nee xoordaá hatlá' ay dír qoomár xoordu i bo/.»

DABE 17:16

Dinkwa nee tihe inós masók a heé farsuú yaariír gu leelehhiitaaká as slaqwaruuserós, laqaá masók a heé muu gu baraá yaamaá Misrirí ki/isaaká, as farsuú yaariír kuwa sleera'. Asma AAKOÓ MUNGÚ taa gurbuú' iwa kaahi, ‹Ma baloó baraá yaamaá Misrír i ki/aara'.›

DABE 28:67

Muunaawók daeero in háts umuú gár taqo aanda. Matlaatleero an o', ‹Uúw! Laarí iqo dáta!› Tsiindo birna xayé' an o', ‹Uúw! Laarí iqo tleéra!›

DABE 29:1

Kaangwí an axweesanoó alqadór AAKOÓ MUNGÚ oo Mose nguwa hara'ayín nguwa tleehhi dinkwa nee múk Israeli, qoomár tawa baraá yaamaá Moabu i dirii'i, dinkwa nee alqadoodá' AAKO MUNGÚ aa tleehhi dír tloomár Horebu wa ale.