DABE 28:65 - Biblía Axweesantá Hhohho' ar Mungú 2004

⁶⁵ Kuúng amohhooa tam ar niiná a sleeraaká baraá xoorduuda' uy huwi, laqaá tam hungu/uma. Ala AAKOÓ MUNGÚ hhaslo nee amoqwaqwadíngw mune ngun huuw, nee un ila' maa/úy.

DABE 28:65 Iomraidhean Croise

IIMU/UUNGW 8:9

Ala hhookidá' dír ya'aawós ngi qas ngiwa aandiiká, ina kí/ amór Noa baraá miringamo. Asma ma'aay i hatsiyá' gawaá daanduú yaamu sleémeerowo. Noa hhooki gari taataáhh, gari óh, gari amoorós i dahaás baraá miringamií alé.

YOBU 11:20

Ala múk tlákw ilaaín i maa/uutiyá', lohduuín sleémeero awa tar gowi niri qwaariyá', harahhifor'ín ar alhhe'eesaay tari gwa'ara.»

ISAYA 51:17

Tlawáng aá Yerusalemu, sihhtanooro gaalalaa'aát, AAKOÓ MUNGÚ iga wahaás ar slooqomoó buhhtaawós, kiíng un tsaanqás wahto tari ta/amít.

ISAYA 57:21

Munguúeé' i kaahi, «Wayda i kaahh dír múk tlakwe.»

ISAYA 65:14

Ga/aawaak, sagadiyuuser'eé' in dá' ar munér qwala/, ala kuungá' a /aa/amiindá' ar munér slahhahhaa', tari tsuunqumisá' asma slahh'amuú qeereemoohúng.

WA/AA/I 1:3

Múk Yuda kwaa loohatís as slahh'eemis nee lawali'iimár xaraasl, inooín tan baraá tla/ángw xoorduú wa hoot, ala amohhooár ta slaslay i káhh. Inooín kaa ohín nee mukdá' gi eeharahár qoomár iwa baraá slahh'amuín i dirii'iya'.

WA/AA/I 3:65

Mune daktu'uweek nee ki lu'ús.

WA/AA/I 5:17

As adoorihe muuneerén hamí i tíq, as kaangwí ilaarén na maa/umitiyé'.

TLAHHOÓ LAÁWI 26:16

daqaní aníng adoorí an tleéhh, nun slaáhh ar nuwa de'ér urií huuw ar gaanslaay, nee tiqtír da/eewe, nee ga/atantá nu ila' taampuupuuw, nuri naduduúr. Dahaasingwhúng un dahaasiindá' ala u gár wa sleera'aaká, asma wakuuserhúng gun /ák.

TLAHHOÓ LAÁWI 26:36

«Nee mukhúng bahh'ale oo aa meet un daeérí tleés gur'er'íne ma'aay ngay dalaa/iyá', baraá yaamaá wakuuser'ine, tam afór loo/ír fur'a ir tlatleer bar kaa axaás, gin tlatlahhás. Gin tlatlahhás adór múk aa slaqwarár wa goow. Nin gogowiyá' nay huhu'uná', tam heé gi gusisiím i kahhi.

AMOS 9:4

Inooín tam bar kira tláy nee wakuuser'ín kiri loohatís, aníng paánga an ya/aáw amoodá' i ale, inooín kiri tsuu/. Aníng inooín in harmagaáhh ngiwa hhaamiis, ala gár hhoo' dir'ín i tleehharo a sla'aaká.»

HABAKUKI 3:16

Kaangwí sleémeero una axaás tam guruueé' ma'aay ngway dalaa/iyé'. De'eero afkueé' iri daaraxaát. Diqiyaeé' niri tsatiitiyé', ya'aaeé' niri daaraaxiyé'. Aníng baalaadár slahh'amu an daamaaraám ar qitla, tidá' hardah dír mukdá' amoorénií haraatlatláw.

Matayo 24:8

Muruuwí sleémeero an iimu/úngw slahh'amu.»

Luka 21:26

Muu iri ló'wa slar/amiit daeero, tari amoqwaqwadín, as adoodá' yaamu i laqiya'. Asma qoomaadae doori i dingitiyá'.

Rumi 11:10

Ilaaín i giwiye' as matawa gaa ár. Nee daandeemooín i koongaagooiye' ay alhhe'eesoó slafingw'ín.»

DABE 28:66

Hotaawók sleémeero tari baraá xure tlatla/aangw nee xweeraawo, an iwiiwít ar dae, nee amohhooa a sleeraaká baraá hotaawóge.