DABE 28:64 - Biblía Axweesantá Hhohho' ar Mungú 2004

⁶⁴ «AAKOÓ MUNGÚ kuúng un diyaa/ baraá tla/ángw xoordu sleémeero iimír bihhaá wák awa yaamu ay bihhaá hatlá'. Amoodae munguaá hatlá' awa xaai nee tlaa/e kiri sagadiyús, awa kuúng ta xu'uká, laqaá baabi'iiwók.

DABE 28:64 Iomraidhean Croise

IIMU/UUNGW 4:14

Ga/aaweek, laarí iga gús baraá yaamukae, slám iga gús amór saáwí alé dír geeraawoge. Aníng a heé tawó hi'imaamiít, oo doó koomaaká baraakaá yaamuwo, slám umuúqo heé i ara aqo in gaas.»

2 WAAWITÁ 17:6

Kurkú gwaleél oo waawuti'iimár Hosheawo, waawutmoó Ashuru gixsár Samaria gana hayóh, nee múk Israeli guri ar tláy ay yaamaá Ashuru. Muu guna bahh qaás baraá gixsár Hala, bahh'alé dír afaá yaaér Habori, nee yaaér Gosani nee bahh'alé baraá gixsár Media.

2 WAAWITÁ 25:21

Waawutmo Nebukadnesa mukwí sleémeero guna Riblárí tsuú/ baraá yaamaá Hamati. Gawaá adoorihe, múk Yuda kuna ar tláy baraá yaamuuine.

NEHEMIA 1:8

Aníng kuúng un firiím, /aymuudá' taa ó' dír lawaalmoowók Mose inslaweek, kudá' tawa ó', ‹Bar tlakweema iga tlehhé' nu tsiyayaáx baraá xoordu.

WARA'AMI 44:11

Atén tina meér tawa adór bee/ángw ta tsu/utár ay. Tiri diyayaá/ baraá xoordaá hatlá'.

ISAYA 6:12

AAKOÓ MUNGÚ muu guri amór saáwí huuw, yaamu sleémeero giri sluhhaay tleehh.

YEREMIA 15:14

Aníng kuungá' nu lawaalér wakuuserhúng tleéhh baraá yaamaá kuungá' ta xua'aaká, asma buhhtaeé' naa daa/atuyé' adór gil'ór asla, tidá' baloó gwa'aaká daqisleém.

YEREMIA 16:13

Gawaá adoorihe, aníng kuungá' baraá yaamuukae nun kwaáhh ay yaamaá kuungá' nee baabi'ihúng ta baloó xua'aaká. Nee amoodaádae munguaá hatlá' kiri sagadiyusá', xweera nee tlaatla/aango, aníng kuungá' nu baloó wa hhooawaaká.»

YEREMIA 50:17

Múk Israeli, a adór bee/ángw ta slakaati nee diraangw kudá' ta tlatlahhaás. Geeraawo kina hhaamiís nee waawutmoó Ashuru, nee hám daxta Nebukadnesa waawutmoó Babuloni kudá' gaa fadu giqaaqay.

YEREMIA 9:16

Aníng i diyaá/ baraá xoordaá hatlá' awa i baloó xuiiaaká, tam baabi'ii'ín ngi xuiiaaká, nee wakuuse ngiri ya/aáw aluuín wa aleeró, ay dír án ngi hhaamiis.»

WA/AA/I 1:3

Múk Yuda kwaa loohatís as slahh'eemis nee lawali'iimár xaraasl, inooín tan baraá tla/ángw xoorduú wa hoot, ala amohhooár ta slaslay i káhh. Inooín kaa ohín nee mukdá' gi eeharahár qoomár iwa baraá slahh'amuín i dirii'iya'.

ESEKIELI 20:23

Tam adoorihe lo'o ana huúw baraadaá xaanxáy wa alé niwa kah, alók geeraawo ina huúw ay yaamaá saaw, tawa hotaá ay tla/ángw xoordaá inooín ni xuiaaká.

ESEKIELI 36:19

Ina diyaá/ baraá tla/ángw xoordaá hatlá', ngiri tsiyayaáx baraá yaamaá hatlá'. Inooín ina sakwasleemuút ar har qoomoó tlehhmi'ii'ín.

TLAHHOÓ LAÁWI 26:33

Nun tsiyayaáx baraá tla/ángw xoordu, nee nuri paangadúr ayá', yaamuuhúng niri darma tleehhiyá' nee gixsaduhúng niri hhituruutiyá'.

AMOS 9:9

«Qaytsiít, aníng hara'aya a oó' múk Israeli kuwa haritleesi baraá xoordu sleémeerowo ar adoodá' angaáno kur haritlemamiisi ar iimpe, as kudá' ganaa'a'aaká ngiwa ohiim.

SEKARIA 2:10

AAKOÓ MUNGÚ i kaahi, «Kiíng gixsár Siyoni, daá', qwalalaá/, asma ga/aawaak aníng ni hardáh nee kuungá' niri alhootaán.

SEKARIA 7:14

Ala án inooín in diyaá/ ar bambaao baraá tla/ángw xoordaá inooín ni xuiaaká. As adoorí yaamuudá' naa geexayé' niri deewaaiyá', tam heé tla/angwdár waaraáhh iri kaahh, asma yaamuudá' sla'atimisá' kaa deewa'ameérí geexáy.»

Luka 21:24

Inooín ki tsuu/ ar paánga, kiri lohatis baraá yaamuuine, kay huuw baraá xoordaá dimbadimbé. Gixsár Yerusalemu kay i iwiit nee xoordaá hatlá' ay dír qoomár xoordu i bo/.»

DABE 13:8

Heé adoorí mu baloó ya/amaar uwa mihaayin, laqaá kuwa iiárií qas, laqaá mu gurtlawaar, laqaá mu mawaar, laqaá mu lu/aar,

DABE 28:36

«AAKOÓ MUNGÚ kuúng, dinkwa nee waawutmoowók kudá' kuúng taa tsawdi, nun huuw ay baraá xoorór kuúng ta baloó xu'uká, laqaá baabi'iiwók sleeme. Nee amodaádae kuúng munguaá hatlá' awa xaai nee awa tlaa/e kiri sagadiyús.

DABE 29:26

inooín nina tlayé', munguaá hatlá' ngina sluufmisiyé' nee ngiri firór ayé', munguaá aáng inooín naa xui'iiká, laqaá tam AAKOÓ MUNGÚ gaa ádbayká.

DABE 30:1

«Qoomár kuungá' bar baraá tla/ángw xoordudá' i dir'á', kudá' AAKOÓ MUNGÚ Munguúhúng nu i diyaá/, nee bar kaangwí sleémeero naa sláy, tsuuqaaká' nee lo'ooro kiri insleeré', kuká' laarí naa dír geerahúng i qaás as tawa tsawdiinda',

DABE 32:17

Ilahhooár muruú ta tsu/i ngina hanmiisiyé' dír neetlaame, dír Munguheeká, dír munguaá inooín ta baloó xuiiká, dír munguaá /aben awa naa aluú wa hardihiye', kudá' baabi'iihúng naa baloó xui'iiká.

DABE 32:26

Aníng ana oó', ‹Inooín in diyaá/ ay amór saaw, kiri inslayká nee muu gawaá daanduú yaamuwo.›

DABE 4:32

«Axáy muruú aáng aldakutaak, muruú aa tleehharumiit qoomár kuungá' tunduwa laqwaliiká, iimidár aáng Mungú hee nguwa tleéhh gawaá daanduú yaamuwo. Yaahamiisé' yaamu sleémeerowo, bihhaaqá' wa iimu/umaak ay kuqá', barnaxes gár waa/oo/amo ar adór tí aa tleehharút laqaá kaa axaás!