DABE 28:62 - Biblía Axweesantá Hhohho' ar Mungú 2004

⁶² Tam geeraawo kuungá' tundu ure adór tsatse/ú gawaá doori, ala kuungá' an faká', asma afór AAKOÓ MUNGÚ, Munguúhúng aga iiárií qaasi'iiká.

DABE 28:62 Iomraidhean Croise

2 WAAWITÁ 13:7

Yehoahasi slaqwaruuse ga konká, ala gár i kon aqo har múk farsuú madiít oo mibeeri kooán, nee gaardu mibaangw, nee slaqwaruusér ya'ár hi'iimiit a kume mibángw wák. Gár tas adoorí a waawutmoó Aramu slaqwaruusér múk Israeli gana hhaamiís, nee gari yaamaá hara adáh adór teerír wa aleeró.

2 WAAWITÁ 24:14

Muu sleémeero oo Yerusalemu guna ar tláy: Geeraharuuse nee miguuseero, nee múk mura' tlehhtuuwo gu xuú' nee kareerá, dinkwaaro múk taa haasaáng wa huúw a kume mibaangw. Heé aa meet i kaahh aqo har mukduú narkuute liitlakwén baraá yaamuudae.

NEHEMIA 7:4

Gixsa ka iintlaaxw, slám ka ur, ala múk baraadá' hoót ku niiná, nee maraay kaa tleehhiiká.

NEHEMIA 9:23

Xwaylar'ín kari tlahhás adór tsatse/uú doori, kiri húp ay baraá yaamuudá' taa baabi'ii'ín i al'axwés as ngiwa aaliya'.

ISAYA 1:9

Barnaxes AAKOÓ MUNGÚ Aleesleemusmo, atén taa panáy meetisiiká, atén aga adór Sodoma tleehhitaán, a slaqamís nee Gomora.

ISAYA 24:6

Gawaá adoorihe lo'o yaamu gaa /ák, nee yaamuloouusér baraá yaamu ka slahh'eemiis as tlakweemaaín. Gawaá adoorihe yaamuloouusér baraá yaamu aa /aaruúr, nee múk niiná kilós ina meét.

ISAYA 6:11

Aluuwo niri yaahaás, «Xáy Aako, tay xaylá?» Inós iri mu/aywaáts, iri báy, «Ay dír gixsadu i deewaiya', niri muu wasleesiyá', nee maraay iwa tawo iwiitiya', nee yaamu kiwa ak ló'wa hhitin.

ISAYA 6:13

Tam panoó niiná oo aa meet, aqo kun hhaamiis. Kuká' tari adór sahhti laqaá ta/eewi, tidá' guftanoowós aa meet alaá kawa tsaát. Guftanoowí tay iimu/úngw dahaasíngw hhohhó'.»

YEREMIA 42:2

tari amór aarusmo Yeremia káy, nguri bayé', «Na'amaamís, firoorén iiárií qaaseek nee ateéká' aga meetaan ti aleefiriin dír AAKOÓ MUNGÚ, Munguúwoge, (Asma atén aáng ti ló'wa úr, ala hám a peeroó tawo, adoorí hamí kuúng kar ga/eera.)

TLAHHOÓ LAÁWI 26:22

Nun makaá xaraaslá' i tleés awa na/iihúng ngi xampoamiisá', nee hikwaahúng ngiri /ayiyá' nee faarorhúng iri /aaruúr, nee lohduuhúng niri warqayá' tari adór xaanxaay.

AMOS 5:3

Asma Aakoó MUNGÚ i kaahi, «Múk kumuú wák bura ya/abé' iwa slaqwarár ay, ala múk meet tay tsiiru kilós, múk tsiiru bura ya/abé' iwa slaqwarár aya', ala múk /úw tay mibaangw kilós.»

Marko 13:20

Ala Aako bar deeloorí gaa /aareesiiká geeraawo, heé geeraawo ba/ám i kaahh. Ala inós deeloodá' gana /aareés as mukdá' inós aa tsawaár.

DABE 1:10

AAKOÓ MUNGÚ, Munguúhúng, kuungá' naa tlahhás, hám laarí tundu ló'wa yaariír adór tsatse/uú gawaá doori.

DABE 1:11

AAKOÓ MUNGÚ, Munguú baabi'iihúng kuungá' nu ló'wa tlahhasi ay sagáwa kumér yaariir, adoorí hám tay diria' ba/a, nee nu tsuuqi adoodá' aáng ngira al'axweés.

DABE 10:22

Baabi'iihúng qoomár niwa baraá yaamaá Misrír i tlayé', inooín an muu mibeeri faanqw kilós, ala hám daxta AAKOÓ MUNGÚ, Munguúhúng naa tlahhás adór tsatse/uú gawaá doori.»

DABE 4:27

AAKOÓ MUNGÚ kuungá' nun diyaa/ baraá tla/ángw xoordaá hatlá', nee múk niiná dirhunge iri meet amoodá' AAKOÓ MUNGÚ nay guusi.