DABE 28:52 - Biblía Axweesantá Hhohho' ar Mungú 2004

⁵² Mukwí kuúng un harweer baraá gixsaduuwók sleémeerowo, ay dír koo/irók tidá' gawden, tidá' taa haraxu' i yaamií huuhu'uun umuú diiro baraá yaamuuwók, kudá' AAKOÓ MUNGÚ, Munguúwók naa haniisi.

DABE 28:52 Iomraidhean Croise

2 WAAWITÁ 18:13

Qoomár kurkú mibaá nee tsiyáhh oo waawuti'iimár Hesekia, waawutmo Senakeribu oo Ashuru gixsadaá Yuda sleémeero kudá' taa tleéhh ar koo/ír gawden gina i haratláy, nee giri hayóh.

2 WAAWITÁ 6:29

Na/ay'eé' kuri humimaán, kuri /ayaán, looaytleérose ana báw, ‹Na/aywók daxa u /ayaán.› Ala inós na/aywós gwaa qaroó lú/.»

ISAYA 1:7

yaamuuhúng kaa deewa'ameérí geexáy, gixsaduuhúng kaa daá/ ar asla. Yaamuuhúng hooma gaa dír ilaahúng wa ar tleér, i baraá deewaa'ame, kwaáo hooma gina hhitiín.

ISAYA 62:8

AAKOÓ MUNGÚ lo'o gaa /aáy ar dakós oo doó /iyáy nee ar dakwduú aleesleemú koóm, i kaahi, «Aníng balangwhúng u male hanisaaká tawa muruú /aymár wakuuserhúng. Tam dahaaye difaáírhúng ga baloó watká tidár gadiyér dabaahúng.

YEREMIA 10:17

Kuungásingá' taa harweér, xosluuhúng burumburaak.»

YEREMIA 10:18

Asma AAKOÓ MUNGÚ i kaahi, «Ga/aawaak, qoomaarihe aníng yaamuloouusér yaamuuká' an tsee/áy kwaáhh ar kukumaayi. Aníng i slahh'amií huúw as inooín tawa slahhaahhai.

YEREMIA 37:8

Slaqwaruusér Kaldayo ni malé kí/ slaqwaraaro dír gixsarí. Gixsarí ngi hayoohiyá', nee ngiri da/iyá' ar asla.›

WA/AA/I 2:2

Aako dír hotaá múk Yakobo gana hhaamiís sleémeero ar gurtleemu wasle. Koo/idá' gawit ar múk Yuda gana yaamií daáhh ar buhhtaawós. Mukdá' urén nee waawuti'iimar'ine gina yaamií daáhh ar murekesaay.

DANIELI 9:26

Alaá wiikadaá mibeeri lahhoó' nee tsare heedá' taa iimbalaáx di/to ku amór saáwí kwaahh nee gár gu i meet i káhh. Gixsa nee didá' hhoohhooe ki ló'wa hhitín nee slaqwaruusér waawutmowo. Alhhe'eesaywós birna hardáh a adór alwuo, slaqwara nee hhamiimis adoodá' Mungú ngira ístí tsaát.

TLAHHOÓ LAÁWI 26:25

Nun paángárí huúw as li/oó alqador'eé' tidá' taa geeqeeré' nguwa buu'. Kuungá' bara gobé' baraá gixsaduhúng, ala nuri tiqtír tlákw i kwaáhh, nee nuri baraá dabaá wakuuserhúng i qaás.

SEKARIA 12:2

I kaahi, «Ga/aaweek aníng Yerusalemu an adór xooslomoó difaáír oonitimis tleéhh dír muu sleémeero oo gaa harweeri. Nee gixsár Yerusalemu kan i haratláy tam gixsadaá Yuda sleeme.

SEKARIA 14:2

Asma xoordu sleémeero in burumbuúr as niwa slaqwarár aya' amór gixsár Yerusalemu, nee gixsa kari hayoh, nee maraywo, nee /ameena kari ohín ar /uuru, nee tlaqtá múk gixsa kanar tláy baraá lawaali'iima, ala mukdá' aa meet baraá gixsa ku ar tlayká.

Matayo 22:7

Waawutmoodá' iri ló'wa buúhh, daqtá askaári gari ya/aáw, mukdaádá' aa tsu/uut kuri tsuú/, nee gixsar'ín kari daá/.

DABE 28:51

Inooín hikwaawók ngin /ayiyá' nee balangoge ay dír kuúng uy hhaamisiya'. Inooín kuúng u balángwí geexay'aaká, nee difaáiro, nee di/to. Inooín tse/eetaá hikwaawók, nee deeloó bee/angoge ngun hhaamiisiyá'.